因為雞仔孖寶遲到, 我們遲了入去, 不過好玩的也全部玩完LU, 好開心! 我第一次去迪士尼咋, 仲係我喜愛的JACK世界, 真令人興奮 ! 我們一入去就發現有阿JACK 同他女友大公仔躺在入場門口建築物上面, 睇到超開心呀 ! 好靚好大, 迪士尼果然好花錢係裝飾上. 我們入到去大街上, WOW五光十色, 又有阿JACK公仔射燈在上空行來行去, 好有開心的氣氛, 我們好似小朋友咁興奮. 等了一陣花車巡遊了, 好彩今日人數不太多, 我們可以LAW到靚位睇, 隨住音樂花車慢慢行過, 當然第一架是阿JACK啦, 好靚呀! 加上身體郁動說話, 吸引大班人去影相 ! 雖然只有5-6架, 但每架都好靚.

 

睇完後, 我們立即出發去玩鬼屋, 第一間玩新的是 --- 森魔地域 (電視上個間, 但出面外形不同, 好簡單的一間暗屋.) 雖然是不起眼, 但越接近就越緊張. 不用等一小時到我們了(快過海洋公園), 排第一的是孖寶男友, 第二當然是孖寶, 之後是我, 雞仔, 阿雲同阿軒, 入到去好黑, 我緊緊捉住孖寶, 一邊尖叫一邊叫不要行咁快, 因為真是好驚…點知行左一小段就唔見左孖寶, 原本在後面的人上了前, 我仲聽到後面2個女仔同我們說: “好恐怖呀~一齊行好唔好……” 我只聽到這些就自身難保了, 好彩雞仔係我前面, 我捉住他一邊行, 當然是匿埋他後面啦! d鬼好識嚇人, 他們會從你後面嚇你或襯黑黑的環境下走到你面前全塊面對住你嚇你, 真唔大叫匿埋都唔得. 仲慘是他們見你咁驚仲唔放過你…..玩完出來全身都熱騰騰, 心跳訃通訃通, 要law紙巾出來抺下汗. 我們班男仔一d都唔驚, 我係入面見他們直行直過, 一d感覺都沒有, 都唔知他們入來玩鬼屋做什麼, 唔驚好無忍架嘛!

 

之後我們分了2批人去玩, 阿軒同阿雲去城堡睇煙花, 其他人就排”恐懼酒店”隊. 我也想跟去睇煙花的, 但他們2個一支箭咁走得好快, 我跟唔上又怕迷路, 所以無去. 不過排隊時也睇到煙花. 親身在現場睇果然好唔同, 特別靚. 這間無上一間咁恐怖, 我再是跟住孖寶, 不過她頭髮長, 扯她的衣服時怕整親她, 所以放棄她, 選擇另一個做當鬼牌. 孖寶被鬼嚇到跌左落地tim, 好彩無事.

 

之後我們去玩space mountain, wow轉得好快, 我只知道不斷尖叫, 轉到有d暈, 刺激情度岩晒我了. 落車時手腳有d累, 可能我太用力握扶手的關係. 之後去3D 米奇狂想曲, 音樂好好聽, 劇情也好好笑, 在迪士尼感覺自己變左細路女. 最後是去坐船遊亞馬遜河, 途中經過一條小路, 煙霧中睇唔清楚d人, 突然有個骷髏人出來嚇人, 嚇到我左擋右擋, 因為有3個骷髏人在身邊. 死人雞仔仲驚我嚇唔死推我去牠們身邊, 嚇到四周圍跑. 我走到去一坐墓碑以為安全, 點知後面有隻樹怪從後嚇我, 搞到我再跑過.

 

坐船去到火山時, d 火突然出現, 我feel到d熱氣吹身, 做得好真呀 ! 玩完最後我們掙取時間影相, 約12:00am先離開去荃灣食晚飯, 2:30am才回到家, 4:00am訓覺. 真是好累呀 ! 但好滿足!  想睇多d相, 入去相簿啦 !