今日同一班郵政舊同事食飯, 同我提前慶祝生日! 我先同EMILY食完午飯後, 就搭地鐵去葵芳, (少見的竟有位坐, 當場坐低睇雜誌) 不久有一對情侶坐我隔離, 我瞄了女的手袋一眼, 點知竟是同我一模一樣的貓貓袋, 我心想: 不是瓜!? 咁橋, 大家用同一個袋, 仲要坐在大家隔離, 好尷尬 ! 我未試過對得咁正 ! 不只我是這樣想, 我聽到個女的也同她男友講, O…你睇下, 咁橋, 大家用同一個袋, 仲要坐在大家隔離, 我未試過對得咁正 ! 好好笑 …., 我都覺, 唔知我們是否又同一年齡 ?
晚上同朋友打完邊爐後, 搭巴士回家, 點知坐我隔離的女人指住我的貓貓袋同我講, 好可愛wor, 我也好喜歡這款袋, 初時我因眼訓遲鈍, 唔多明白她說什麼. 只對她笑一笑說係呀. 之後她又同我講, 其他她也想買的, 但好貴, 所以唔買. 我說不是好貴, 一般啦, 你在香港睇到? 她說是呀, 但要$500 lor. 我說e…真貴左d wor, 我係台灣買的, 約港紙 $250, 都ok, 所以買了. 而且這牌子有專門店, 專買這隻貓同另一款狗的東西, 有文具, 傘, 頭飾同精品等. 你有機會去台灣, 可以順手買. 她說原來台灣平d, 都幾多野架wor, 你個時是對幾多? 係邊度買? 我說對3.82到啦, 唔多記得係邊買, 好似係郊區個邊. 就是這樣, 我們傾左半小時, 後來大家都有d累就各自訓覺直到落車說再見.
我估唔到, 一日竟遇到2件事情都是因為我的貓貓袋. 果然是一就唔來, 一來就陸續來.
|
