今日聽電台, 講女追男的成功事件, 唔講都唔覺咁勁, 聽聽下才知現在的時代真的變晒啦, 很多女都主動追男, 一點也不怕羞, 好勇敢的向男表白, 或有意無意的說一些說話, 做一些動作, 希望對方明白自己的心意. 當然要正當方法, 而不是搶朋友或他人的男友. 即使成功, 也會有報應的 -- 他會比其他女人搶走. 聽到一個案, 2個好姐妹, 一個襯A不在香港時候就即引誘A的男友, 等A回來後已沒有男友了, 當然也斷絕這個好姐妹B的友誼啦. 雖然痛苦但好彩早知道自己認為是好友的竟是這樣的人, 算睇清楚了B的面目, 不久個男也飛了B. 點解這個好姐妹做這件事? 原來對方的男友是有錢人, 知道後主持人即說, 好野要睇實D.
雖然有D是負面, 但也不少有成功正面的個案, 她們都是抱住幸福是要靠自己掙取, 不分男定女開口先的, 即使失敗也叫嘗試過, 努力過, 不會有損失. 有個個案是十幾年前了, 是女追男的, 女在朋友介紹下對男有興趣, 知道他要返學就在學校等他放學, 男放學時見到她覺得奇怪, 走過去問她為什麼在這, 女就直接說等他放學食飯, 就是這樣, 他們開始交往, 大部份時間都是女做主動的, 最後結了婚直到現在, 感情仍是很好. 另一個幾好笑, 個女明明是做媒人介紹好朋友俾公司個男同事識的, 點知公司同事說個男其實對她有意好久了, 女心想OH NO, 做錯媒人TIM. 初初個女也避一避, 因為她剛失戀, 唔多想咁快開始一段新感情, 而且全公司無人知道這秘密. 所以大家都認為個男是無機會架啦. 後來經朋友開解下, 加上另外個朋友又無說對他意思, 想想下, 個男同事也不錯, 點解唔試下. 所以她主動告訴公司女同事話自己剛失戀, 想借公司秘密傳送速度將個信號傳去俾個男知. (果然好橋!) 又主動同他傾計出去玩, 最後成功左, 今年結埋婚TIM.
我明白她們的想法, 幸福和面子比, 幸福是第一位的, 但要做到好似她們咁主動幾難, 仍未過到自己個關. 最煩是朋友說我唔夠主動, 話我要求高, 其實我都算主動啦, 都唔多怕羞打開話題同新朋友傾計, 而且我要求降低左, 要求也唔算高呀 ! 無理由全部都係自己出動架嘛. 而且我識個D男又比我年輕, 香港男仔性格也似電車男, 所以幾難找到. 又或者是我有問題 ?! 所以無姻緣 ?!
|
