今次我們去行八仙嶺自然教育徑, 不過今日好凍, 所以個個都著好多衫, 預防凍親. 我們坐泥猛的去大埔火車站, 然後食一個豐富的早餐, 這樣才有力去行山! 之後我們又搭75K巴士去大尾篤. 這個地方, 我印象中也是來過3次, 有次是學校旅行, 有次是跟姚姚他們去BBQ的. 其實這裡的風景幾靚, BBQ又近海, 一邊燒野食, 一邊欣賞風景, 都不知幾好, 不過冬天最好是下午12:00開始, 無咁凍. 食完野又可以放下紙鳶(我前晚有D想帶埋我的紙鳶去, 但一想起可能會超大毛風, 所以無帶去)或踏彈車, 滿足不同需要.
我們由12:00開始行, 行了不久, 開始熱, 個個開始除衫, 其實今天去行山都幾適合, 天氣好, 又有太陽伯伯, 微風飄飄, 行得幾舒服, 不過就多石級行, 我預左小腿明天會痛. 我們約3:00行完八仙嶺自然教育徑, 想去新娘潭睇瀑布, 所以去新娘潭自然教育徑, 用了1小時才找到瀑布, 他們因身力不支沒有去, 只得我同阿DEE 行落去瀑布睇. (想清楚睇瀑布要行過D大石, 有D要手腳併用TIM. 雖然是累, 但大家都是為了睇瀑布才行埋新娘潭的, 所以我一定要近距離去睇才心息.) 當我們2個去到時, 阿DEE說近睇幾似小龍女楊過練功的世外桃園, 聽他一說, 又真幾似, 因為不是雨季, 所以瀑布好細, 一條向下落, 他們唔跟來真可惜. 我們互相幫對方影相差不多大半個鐘才走人找他們. 這個2小時行山, 竟變成4小時, 到5:00才食午飯. 我們去了大埔的陳漢記食, d花蟹粥好好味, 好鮮, 只需$24就有2隻花蟹的一大碗粥, 抵食. D 腸粉也好好味, 皮薄料多. 食完就去阿婆豆腐食豆腐花, 味道沒有什麼特別, 但就好滑.
|
