年三十, 又是去阿映家食團年飯, 因為阿爸每年都是返大陸過年, 如果我們幾姊妹唔同他一齊返去, 我們就會去阿映家食飯, (我同阿映是由細玩到大的朋友, 大家巳經識了20年了, 所以叔叔阿姨都當我是他們的女!) 一坐低開始食飯, 叔叔就講如何整豬手, (為了健康d, 他用了新方法去整) 我一邊食其他菜, 一邊聽, 阿映就叫我快食豬手, 我阿爸咁細心講是叫你快d試下呀! 阿爸知道你喜歡食豬手, 特意為你煮一大煲的, 你一定清了牠! 搞到我有d不好意思 tim! (講真他們一家不好食豬手的, 為了我, 年年都煮一大煲, 又整一條大魚我食, 真是辛苦叔叔了! 果然是二四孝阿爸!) 巡例阿姨又是叫我快帶個男友上去食飯, 俾她睇睇. 當然我又是答努力中, 哈哈……
今餐食得真是好飽, 食飽當然一齊去元朗行花市. 我們去到時, 不是好多人, 行得幾舒服. 我今年一定要買返棵桃花回家, 旺下我d姻緣運先. 但我們行了好多檔花檔, d桃花一d都不靚, 靚個d不是好大棵, 就是好貴, 我心目中是要一棵細, 百幾元的桃花. 見了這麼多也不好, 原本想放棄的, 點知阿映同阿明發現一棵不錯, 即叫我睇睇, e真是不錯wor, 幾多花苞, size是細的. 再問價錢, 全岩我心意, 嘻嘻…, 他們仲幫我講價tim, 由$169減到$129. 好開心呀! 不過我們走時, 花檔老細竟叫我要求不要咁高, 他們個個都笑我, 叫我聽老細話=.=.
今年我心滿意足了, 靚桃花買了, 靚花瓶又買了(由$180減至$140) , 其他花也買了, 最大收穫是我, 當然也要謝謝阿映一家, 幫手睇, 幫手講價, 仲幫手law. 回到家即整理d戰利品, 完成後覺得家多了顏色, 亮麗不少.
|
