年初一同阿映一家飲茶, 他們好關心我棵桃花, 問她如何? 開得靚唔靚 ? 放在哪 ? 然後阿映說她年29發夢, 夢見我同一位高高瘦瘦, 樣子普通的男子拍拖, 說我今年好大機會有個男朋友. 我即說, 是高高瘦瘦 ?! 同我發個夢一樣wow, 我是約上星期發的. 唔知是否真呢? 但都係不要期望這麼高, 否則失望愈大, 都是用平常心, 好d!
飲完茶, 我們去唱k (每年初一都是去唱k的), 由3點唱到7:30pm, 唱到把聲都有d沙. 最勁是阿映個妹, 好唱得, 把聲可以好尖, 而且首首都是國語歌tim. 本來她唱到唔想走, 但見我們個個唱到無什麼精神了, 所以約8:00走人. 我同阿妹就去2妹新家, 所以唔同她們食飯. 去到天水圍, 真是凍過元朗屯門, 我們2個急急問人如何去嘉湖山莊, 去到時也差不多9:00了, 我們叫了pizza, 但等到10:30先有得食. 2妹間新家佈置幾好, 約450-500呎, 3人住夠了. 但有d唔實用, 因為房同廳都有窗台, 阻左一d地方. 阿b今晚好扭計, 我抱到她訓左, 但一放下她落床, 她就醒了, 仲哭tim. 有時左抱又哭, 右抱又哭, 都唔知她想點. 她阿爸(妹夫)說, 只有媽咪(2妹)抱得好她. 到食時, 阿2妹一邊抱住bb, 一邊食野, bb好安靜的坐住, 我覺得始從2妹生了bb, 人大過左, 成熟左, 好有媽咪feel.
|
