呢幾日仍煲碟, 晚晚一二點訓, 真唔想咁早起身. 不過昨晚阿姨突然打電話來, 話她由大陸來了香港, 想約一齊明天(星期六)去將軍奧探姨媽, 姑媽. 所以我同阿妹一早起身搭車去寶琳站join埋她們, 約11:00去到姨媽家. 因姨媽行動不便, 所以我們沒有去飲茶, 只是在家傾計, 食野, (食零食都食到飽). 約1:00離開準備去下一站. 原本打算唔食飯去姑媽家, 但阿姨不是同路, 她去探另一個親戚, 所以叫我們一齊食飯先分開, 所以飽了仍去食飯, 同阿妹share.
之後分開, 我同阿妹去姑媽家, 她同姑丈身體真是很好, 年紀也80幾至90歲了(大過姨媽), 行得, 走得, 仲搬得tim. 現在幫仔女手照顧孫仔. 她說日日打拳幾十年, 身體當然好, 之前有跑步tim, 但醫生叫她不要做咁激烈的運動, 不如玩太極啦. 但嫌太極慢, 唔刺激, 所以唔玩. 真是聽到我覺得她勁, 咁大年齡仍選擇d比較用力的運動.
我們今日食左好多炸物, 今晚仲要去姚姚家食盆菜tim, 真是口不停. 睇來呢個新年唔肥返都唔得, 日日食甜品(蛋糕, 雪糕, 糖水), 食自助餐, 大魚大肉, 又唔做運動, 晚晚夜訓, 搞到黑眼圈大又深, 仲生左幾粒瘡, 好樣衰! 過埋下星期, 要調整返正常作息時間, 食清淡d, 修下心身.
|
