今日我, 阿秋同阿妹參加左屋苑舉辦的 <新春一日遊>, 早上9:00出發, 首先我們去南生圍的敬輝農場睇野 (其實沒有什麼東東睇, 睇得最多的是疏菜) 同食豆腐花, 仲可以買煨番薯同粟米食 (豆腐花好滑, d番薯比平時大條, 農場說所有全是有來機種植, 所以肥大d, 唔知係唔係真) , 但我們食了早餐, 沒有空位食煨番薯lu, 而且約11:00就食午餐. (如果一早知道, 就唔食早餐啦, 不過好彩只食麥片, 好快消化完ger)
之後我們去打鼓嶺 <雲泉仙館> 食斎, d味道都不錯, 因為我們早去, 所以不太多人, 食完出去行下, 影下相. <雲泉仙館>是個好大的廟, 入面裝修都幾靚, 入面可以擺100位, 所以好多旅行社都來這裡食斎. <雲泉仙館>出面就有好多小檔, 主要是買茶葉, 花茶, 涼果, 疏菜, 花生糖, 米通, 海味. 好多人去睇同買野, 因為價錢是平, 尤其疏菜涼果tim. 有d疏菜好少見, 有d是一隻手指長的蘿白, 有d似心形紫紅色的大頭菜, 有d好似一碌蔗的菜, 是用來煲湯. 我們覺得幾新奇, 度度都去睇, 最後我們只買了桃花茶(通便), 石榴茶, 團友就一大包, 一大包疏菜, 小食, 涼果等.
之後我們去大埔林村許願樹許願. 難得我們第一次去, 當然會寫下願望拋吉上棵假許願樹, 我同阿秋一次就ok了, 阿妹手勢就差d, 拋了幾次才上到去, 我們見d人拋得幾好笑的, 有d太大力, 竟拋到對面好遠, 有d拋得太高竟直落返自己個度, 有d拋時因條線缠手拋唔出, 所以接近許願樹要小心, 可能會食吉的. 拋完就去睇增城運來的許願樹同古老許願樹拜拜她們, 後行下市場, 睇有什麼東西買.
最後一站是去沙田車公廟拜神求籤, 因之前聽過姚姚講, 不要轉風車, 所以我們沒有轉到, 只是去了求籤. 我當然求姻緣, 阿妹求家宅, 阿秋2樣都求. 原來求籤時只可以有一支落地, 如果有幾支落地, 要重新來過. 好彩阿秋講我知, 唔係我就用了第一次求時個支籤 (第一次跌了2支), 我重新來過, 求了上籤, 家宅也是.
整體來說, 行程不錯, 除了第一站. 導遊編排時間也好, 避免了大人群, 我們走時, 是人多的時間, 所以我們行得輕鬆d. $63包車, 包食, 包抽獎, 真抵!
|
