因昨日在貝澳見到蠔, 所以決定今日下午專程去流浮山食蠔. 一去到, 覺得今日是什麼日子, 點解咁多人, 尤其是本地一日遊TIM. 我們唔理咁多, 第一站是去第一檔食一串串炸生蠔, 只需$10, 當然我們只叫了一串, 因為入面仲有2-3檔, 我們想每檔食一串, 睇下邊檔最好. 食完晒幾檔後, 覺得第2檔是最好食的, 尤其是大隻生蠔. 原本我們唔知有大隻炸生蠔食的, 我們食時全部都是細蠔, 回頭返第2檔時, 才見到大生蠔, 也是$10, 姚姚忍唔住叫了一串自己食, 阿秋同我見狀又要一串, 叫老板娘俾大隻過D, 老板娘好好人說好, 她叫我們等一陣因為要炸, 哈哈…仲好啦, 新鮮熱騰騰, 仲好味. 加加埋埋, 我們每人食了7-8隻炸蠔, 一碗豆腐花, 一隻茶果(新鮮熱騰騰, 好軟棉棉, 好味, 下次帶阿妹來食) 食得好飽, 好滿足, 因為我們都是想食蠔才來的, 一點失望都無. 當然沒有稻香的美國生蠔咁好食, 不過價錢平, 味道也好, 所以有時間可以再入來食, 再唔係, 可以買D大生蠔(同稻香的美國生蠔SIZE一樣肥大) 回家自己煮, 價錢都係約$70, 抵呀!