今日聽電台, 訪問了一些女性關於情人節時是否滿意收到男方的禮物. 有個女性收到AGNES B 朱古力同TIFFANY 手鏈 (嫌手鏈普通), 有個收到一套明牌紅色內衣 (今年不宜穿紅色, 唔喜歡, 加上儲錢裝修, 嫌老公浪費錢) , 有個收到明牌手袋 (明明有特價唔用, 男友用正價買, 激死她), 有個收到一套釣魚工具 (男喜歡, 但女唔喜歡釣魚, 唔明WHY要送), 有個收到電筒同原子筆 (電筒仲附紙條說用來照亮你的前途, 原子筆是等你在公司用, 時時刻刻記住他, 相反自己只想要一支花, 就沒有, 無奈), 有個自制<消費卷>給男友, 等他慢慢用, 喜歡食什麼就用, 有個就好浪漫, 男準備了3份禮物, 在食飯時, 順序由廚房連食物一齊出, 給女友好大驚喜, 而且全是自己喜歡的, 有個就好激動, 男說送自己”坦白之心”給女方, 初以為是求婚, 點知是講他某日朋友帶了他去嫖妓, 仲講個妓女如何如何, 女方聽完給了男一巴掌給及分手. 有個就送手觸式手機給女友, 女不喜歡這種機, 埋怨對方明知仲買, 點知男友說就是知你唔喜歡, 所以買, 因為將來會愈來愈普及, 現在開始實習下, 遲D就會OK, 這樣就不會OUT 啦.
無論是什麼禮物, 無論對自己有用定無用, 無論自己喜歡定唔喜歡, 都是對方的一點心意. 只少他肯用心, 肯花時間買俾你, 是不是!? 而且有D幾有創意TIM. 只要我們改變下個想法, 正面D去想, 就覺得有D禮物不差, 反而增進大家感情, 如內衣不是自己喜歡的, 但男不介意他人眼光仍肯自己一個去女裝內衣店; 又如自己不喜歡釣魚, 男也體貼幫你搞好所有工具與自己過2人世界; 雖然要儲錢買樓或結婚, 但男仍買禮物, 可想自己係對方心中幾有份量. 所以自己心態好重要, 如果下下都不喜歡, 批評男友送的禮物, 你就會發現你的禮物會愈來愈少出現, 只用現金代替, 不會再有驚喜, 大家的感情會淡. 相反, 不喜歡的物品間唔中著出來, 帶出來, 對方會好開心的. 所以大家收到禮物, 應該感恩對方的心!!!!!
|
