今日同秋秋, 姚姚去了黃大仙, 當然又是去求籤. 之後去了前年幫襯過的相士解籤, 原本解完就走人, 但秋秋見有得睇掌, 就順手睇埋, 相士講解完, 搞到我們2個心郁郁, 姚姚她們也叫我睇下, 姚姚又說睇掌點都好過求籤啦! 我覺得她也說得對, 當我沉思中, 阿秋巳經手快的將我雙手遞給相士, 講睇埋她! 果然快, 狠幫我下了決定! 聽完所有後, 覺得相士講的都是好東西, 而且都好簡單, 不太深入, (有d好似阿靚講過下tim)唔知是真定假呢? 相士說想睇全部又深入, 就要睇時辰八字wow, 手掌難睇全部. 我心想睇相好似入了深淵, 每次勁過上一次, 首先是求籤, 之後手掌, 面相, 時辰八字, 轉運…價錢也不斷升, 有d似赌博.
睇完後, 我們同秋秋分手, 她回家, 我們就去旺角警察俱樂部食團拜飯. (新年過了這麼久才食, 有d怪, 仲要穿有新年氣氛的衣服, 真有d好笑) 初時以為是西式過種自助形式, 點知是食一席菜, 仲有表演, 遊戲, 抽獎. 雖然食物差d, 但其他東西搭救, 表演節目好睇, 好笑, 而且幾特別. D人都好好, 所以我都玩得好開心!
 
|
