今日是第一堂 <的士高舞>, 原來miss同上一次跳 <健身舞> miss 是同一人, 今次沒有上一次咁多人, 但我覺得幾特別, 好過上一次, 因為唔會咁靜, 咁悶. 大家跟miss跳時也會笑下, 有d笑聲. 我覺得今次miss做得好過上次, 她解釋得詳細d, 每個動作有什麼用, 而且教得慢d, 等我們慢慢跟得上,  不錯! 我班舞友有幾個都好好笑, 有一個是同我差不多年齡, 是個易笑, 活潑之人, 她會周不時無端端發出笑聲, 大家專心聽同睇miss點跳時, 她會笑, 這時我就會覺得好似女鬼笑聲, 有d驚驚. 有時大家都有笑聲時, 又覺得她幾可愛, 因為她的笑聲是最大的. 大家休息時, 我聽到她同miss講跳舞好好玩呀 ! 真是個可愛人. 另一個是個小肥妹仔, 她跳時會喘氣如牛, 大口大口吸氣, 當大家跟miss 跳時, 她因唔夠氣停了下來, 就會聽到她呼吸聲, 是好大聲的, 睇來她平時唔多做運動, 見到她就覺得辛苦了.  另一個睇來好似我最細個妹, 個樣傻傻的, 似學生哥, 她一點也跟唔到miss, 見她跳時覺得似馬騮, 真好似我阿妹呀~ 另一個是遲來的舞友, 我們跳了大半個鐘 她才來, 當我們跳緊時, 突然見個門打開, 有個人入來, 我初時以為她是個男, 因為個樣有7分似, 身形中等偏大, 仲著中性衫tim, 所以一時睇錯. 見她時, 心想 : e...有男ger?! 原來男也可以上我們這班, 他好勇wow, 明知這些跳舞班, 女性居多, (我是join 工聯會的, 記得有次上瑜珈, 第一堂, 有男有女,點知第2堂就唔見晒d男了, 唔知是否他們覺得尷尬呢 ? )仍一個人來. 後來知道她是女, 覺得自己真蠢, 咁都搞錯.