在公司久了, 發現一d怪事, 大家都沒有感情的, 尤其是同其他部門. 我公司其實租了3個單位, 公司名稱唔同, 工作都不一樣. 有2個單位是相連, 一個叫 sunley I, 我們就是sunley II, 成立時間不同, 但I 是負責飛機貨, II 是船務. 大家平時也不往來, 食飯也不一齊的. 我之前唔明, WHY大家咁淡, 而且I 是不明白我們做什麼, 我們也不明他們做什麼的. 後來經fei fei 講了我們sunley II 的來歷, 才知道why大家這樣了. 因為sunley II 原本是個叫judy的台灣女人創立的, 她的職位是最大, 連sunley I 入面D 阿head 都要聽她, 後來上年8月, 我來時, 她因要負責其他東西, 所以叫我們聽sunley I 個阿head 的說話. 雖然是這樣, 但他也是不理我們的, 各自為政.

最好笑是, fei fei 同我講, 有一日星期六放工, sunley I 個同事找她食飯行街, (好正常) 俾 sunley I 個阿head知道了, 第2日他send message問fei fei她們去了邊, 說了什麼, (我聽完, 覺得怪, 關他什麼事呀 ! 放工同同事食飯唔得咩!? 這是我私人時間, 喜歡同邊個就同邊個!) 由這一日開始, 我唔喜歡他, 覺得他是個八公 ! 仲有fei fei 放年假, 因我初來, 她唔敢我一個係公司處理事情, 唯有send email 同他說明, 他說唔得, 公司規定年底前一定要放晒, 叫她照放. 但這段時間是我們最忙的時間, 一個人處理會辛苦d, 而且一定要開ot, 開ot也唔緊要, 最死是keep匙人關門, (平時是fei fei, 她放假就是peter或個個阿head), 咁咪要他們等我lor, 他們又唔識做我d野, 你們說是不是晒時間呢 ! fei fei 唔聽他說, 而且好彩email 是send左俾大阿head睇, 大阿head也叫fei fei 工作為重, 放假可以遲d, 而且之前個個阿head在06年時send 放假 rule時, 寫明有特別事情, 可以酌情放寬去到下年第一季. 所以fei fei 2月底才放14日年假. 最差是每次講重要事情時, sunley I 個阿head是不send email回答的, 下下都是打電話或走過來問. fei fei 說他是這樣的, 可能想無record或證據, 所有她提我一定要send email給他, 否則錯了, 他會話你. fei fei 只是放假也搞了個月, 因為他遲遲都唔覆俾唔俾放, 到fei fei 忍唔住時問他, 他竟說無架啦, 叫你放, 你又唔放, 現在沒有07年假, 放就放08年啦 ! 激到fei fei死, 立即開之前他send的放年假rule 的email證據給他睇, 搞到他唔知點講好, 面灰灰的走人, 批准fei fei 放假! 知道這件事情後, 我更不喜歡他, 除了這些, 仲有d不好事情tim, 所以他入了我的black list ! 好難得的 !