雖然天氣報告說呢2日氣溫下跌到12度, 但一點也不似, 天氣超太好, 陽光普照, 唔出街行下真晒! 所以今日我, 阿妹同秋秋去了香港2009花展睇花, 順手逛下街. 既然去銅鑼灣, 當然帶她們去試下PANCAKE COLORS CAFE食飯. (朋友帶我去食過, 我覺得好食, 抵食! D意粉熟得適中, 醬汁多又cream, 真材實料, 小食也不過20幾元, 份量也多. ) 我們入去這間餐廳時, 時間尚早, 沒什麼人, 她們覺得它的裝飾不錯, 主要是黑色, 水晶燈為主, 幾時尚, 晚上時會幾浪漫TIM, 食物種類也多, 有日式, 西式, PIZZA等 . 可惜我們覺得D SOFA 低又軟左d, , 談天說地就ok, 食飯就沒有咁舒服. 下午來食, 原來仲抵, 價錢同一般西餐差不多, 但質量好, 而且d男服務生也幾靚仔, he…he… ! 因阿妹皮膚敏感, 不能食海鮮牛肉, 所以我們叫了一客三文魚芝士意粉, 一客香煎咖哩豬扒飯套餐, 炸雞軟骨同焗肉醬芝士薯皮小食. 食完, 她們都覺得滿意好食, 因為用料十足, 真是見到好多三文魚, 豬扒都有3塊, 小食是熱騰騰的. 不過咖哩豬扒辡唔夠香, 可能吉列會好食D. 凍熱飲品不需加錢, 想要甜品加3元. 最後我們3人食得飽飽也只是$50. 下次去旺角試下先!
之後去花展, 好多人呀 ! (好彩早去咋, 3:00時仲多人排隊買飛入去.) 我們想影人物相都好難, 初時都有耐性等下, 之後就無LU, 人多曬又熱 , 唯有影景啦! 我覺得今次花展同上次差不多, 沒有什麼特別, 今次商業性重D, 有不少花檔賣花, 都有一D傳統小食, 花生糖, 糯米滋, 百糖糕, 涼果, 荼等. 反而沒有用花製作的小食, 如飲品, 雪糕等, 失望D. 所以我們行了2小時就走人了, 之後去東角行下, 睇衫睇鞋. 最後我們都沒有買什麼, 只有我買了一對耳環, 就走人回家食晚飯.
 
|
