今日一早7:00起身梳洗(仲早過返工) , 7:30搭車出發去中環, join埋朋友之後再搭車去赤柱 (路途遙遠) , 我們在卜國公園搭10:00船, 但我們9:30到了赤柱, 當然去食個早餐先啦, 費時去到蒲台島, 什麼也無得食, 咁就死啦! 去搵食前先一定要去洗手間, 但我又犯了縮減詞語毛病, 我同他們說: “ 去厠所 , 搵野食!” 他們一聽即大笑說: “ 好! 你自己去啦~, 我們自己搞掂~” 最慘就是剛好一個阿伯經過, 他也笑我, 真是一早就有大笑話笑了. (他們每次經過厠所都會想起我這句話, 又會笑我一餐) 我們係M記充完電後, 急急腳去碼頭搭船, 點知又見到個個阿伯同他的朋友下棋, 他大大聲問我們去完厠所未, 食飽快上船, 搭唔到就要等到11:30架啦! 當然他們又係度笑我.
約10:30到了蒲台島, 天氣一般, 天洃洃, 幾大霧, 所以睇唔清楚d景, 但水就好清, 睇得好清楚, 一見到水咁清即想除鞋跳落去玩, 消除悶熱. 蒲台島主要是睇石同行山, 我們緣路行, 愈行就愈曬, 都唔明點解今日早上仲有少少雨, 現在就似曬咸魚咁, 曬到我們死死下, 咁岩今日又無咩風, 熱死我們了, 有傘也作用不大, 尤其是軒軒, 他最辛苦, 流汗最多, 即使我們係涼亭休息一個鐘, 他的頭仍會流汗. 其實D山路唔難行, 階級一般, 而且我們一休息就會好久, 但仍行得辛苦, 我們雙小腿一唔行就不停咁震. 我同軒軒都KEEP住有做運動, 也覺得雙腿累, 更可況是EMILY, 睇來她會痛幾日了. 唔單止咁, 我們個個都曬到紅左, 我手腳無紅, 但塊面, 頸就紅左, 我比他們2個多搽防曬, 都無用, 睇來這裡的紫外光好勁!
行完山即去士多洗面洗手, 食碗冰凍綠豆海帶糖水, 食完真是舒服好多了, 真爽! 解完熱後, 同老闆他們傾計, 仲影左小花 (狗女) 幾張相, 他們講小花一見郊遊人士帶D狗仔來, 牠就會好興奮, 發起春來, 好好笑! 現在仲衰, 無端端帶左肚TIM, 都唔知係邊度, 係邊種狗搞埋一齊. 一定是外來狗, 因為這裡全是大狗, 唔岩小花. 雖然小花有了7個月, 但行種仍敏捷, 跳上跳落, 一點難度都沒有!
蒲台島出名是海帶, 紫菜, 相思茶. 茶就無飲過, 擔心肚痛. 原本我們想去海鮮酒家食飯, 但見他們忙於招待遊船河的外國人, 而且價錢都貴, 所以無去, 反而去了士多食普通魚旦粉, 當然我一定要食碗紫菜麵 ! 講真味道一般, 只為填肚. 我覺得大澳D紫菜麵好食D, 是爽的, 可能今次煮得久, 所以霖左. 走時我買了支酸梅湯, 好味呀! 岩晒咁熱天氣飲. 約4:30我們搭船回赤柱.
|
