呢排天氣差, 經常下雨, 仲有颱風tim. 搞到我擔心星期六日去南丫島唔好玩! 由於我們一早book了渡假屋, 天氣唔好也要去, 除非是船唔開啦! 原本一行14人去玩 (有幾個是不過夜) 變成只過夜的10人. 星期六, 我, 阿妹, 秋秋, 秋妹, 同edmond 2:30pm係灣仔等, 去買些食物入去先, 晚d joyce同她朋友會入來. 但天氣下緊雨, 我們一班女仔同edmond說不如不要bbq啦, 去到係餐廳食野(個度好多野食, 唔會餓死) 或改為打邊爐安全d. 點知edmond說買d兩棲食物 (即可以bbq同打邊爐)入去, 去到時先算. 我們反對好似都無什麼用, 當我們買野時, 我真有少少發蚊爭, 同他反映過快決定晚餐啦, 因為買野始終有d唔同呀嘛! 我們買齊野都幾辛苦, 未入去玩都已經死了一半啦! Edmond仲辛苦, 因得他一個男, law多d野, 重好多.
好, 搞了2小時, 我們搭船入去南丫島, 去士多law鑰匙同地圖, 跟住慢慢行入去, 初時以為行10幾分鐘到, 點知行了半小時, 我們d野又重, 無風加上下緊細雨, 真想死! (我們租了洪聖灣個邊, 超靜, 試過這次, 點也不會再租咁入的渡假屋)差不多到時, 秋妹唔舒服, 要休息 (真是禍不單行呀!) 我們叫秋秋, 秋妹係阿婆豆腐花坐住先, 等我們找到目的地放低所有野就回來接她們. 去到渡假屋入口, 個心不知幾開心, 終於到啦~ 點知找來找去也找唔到我們個間野, d屋又無門碼, 人又無, 想找人問都唔得, 唯有call士多找人救, 搞了大半小時才找到, 他們說的門碼紙果然大張呀!? 這時秋秋也call我們, 說阿妹頂唔順, 要即時搭船回家去, 她們會慢慢去返碼頭, 食少少野後搭船回去. 聽完個心更灰, 更唔開心, 搞到秋妹唔舒服! 我同秋秋講等我們放低d野即出來找她們, 我擔心萬一秋妹真是暈了, 得秋秋一個未必可以應付. 不過意不順我, 我們找錯門, 開錯鎖, 俾個外國人罵, 仲把我們鑰匙拋落榴梯. 個刻我呆左, 估唔到個外國人咁火!
之後我們入了屋, 一陣有2個警察入來想了解事件, 講解完, 他們說是一場誤會, 叫我們不要介懷, 仲說這間屋是非法租借, 叫我們下次不要找這些屋wow. 真是一黑就黑到底了. 咁一搞我們出唔到去送秋秋她們, 唯有休息下. 約7:00pm, joyce說差不多到碼頭, 我們想出去接他們, 點知個門鎖唔到, oh no~. Edmond 即打電話同屋住講, 問她仲有無另一間. 屋住說無, 而且說是我們整壞, 叫她找人幫手維修, 她又說師傅回了家, 唔會出來幫忙. 聽完真是一肚子氣加火. Edmond即說執晒d野即走. 我同阿妹立即cool down他, 叫他冷靜. 我們law 齊重要野出去無時的. 一來這裡超少人, 二來無野俾人偷, 三來我們玩痛頂, 又有安全鏈, 沒問題的.
就這樣我們出去接joyce他們回來打邊爐. Edmond他由頭都未見他開心過, 直到我們食飽後, 開始玩game, 心情才好d. 我們一路玩到通頂, 之後去晨運. 見天氣幾好, 出下太陽, 我們想將昨晚食唔晒的食物去bbq. 約12:00我們買左碳加叉開始透爐, 可以有濕氣, 透了半小時也唔著, 仲要下大雨tim. 我們唯有放棄走人回朋友家煮來食埋.
今次真是好難忘的經驗, 朋友都說我阿妹勁, 咁辛苦都挨到. (其實我都擔心她, 天氣唔好, 又濕了身, 如果染了傷風就死啦! 一定被阿爸罵, 下次叫阿妹唔好跟我去玩!)
|
