今日約了舊同事去屯門仁愛堂bowling, 我們好久沒有一齊出來玩了. 雞仔因有事要遲d才到, 所以, 仙地, 我同軒軒, 阿妹玩住先. 今次我的成績好過之前, 第一局時仍有80幾分, 雖然未超過一百, 但都覺得很好了. 到第二局時, 成績更好, 到一半時也有80幾分, 我當然開心啦, 今次有機會攞一百分了. 點知一個小時就這麼快到了, 我們只玩了一局半咋. 激死我啦!!!!! 等都等到我一百分先完, 真是衰! 既然頭一小時完了, 剛好雞仔到了屯門, 我就出去市中心接他同他朋友.

人齊又再開一個鐘, 轉去另一條link, 因保齡球多, 我們唯有攞d球走, 點知雞仔唔小心整親手指, 痛死他, 隻尾指腫到好似香腸咁! 睇見都覺得超痛, 十指痛歸心是對的. 玩完後, 軒軒有事離開, 而我們就去元朗食晚飯. 姚姚經常說元朗好多野食, 即打電話俾她, 問她邊間好. 打了才記得她無電, 找唔到她. 咁唯有去他們識得的olive 食飯.