今日我們同2妹一家去將軍澳探姨媽, 原本順便去埋姑媽家, 但她要帶個孫去補習班, 唔知幾時回來. 所以我們沒有去她家探望. 阿b 出世後第一次去探親屬, 而且是第一次出遠門tim. 我們下午1:30到由天水圍搭巴士去觀塘, 以為會舒服過搭西鐵, 只少可以坐下. 點知架巴士死到脾, 一點冷氣都無, 我們可以忍到ger, 但bb唔得架嘛, 唯有用張紙不繼人做風幫阿b解熱. 好彩阿b好乖, 一直無扭計. 只是左望右望, 對所有事物都好奇! 不久她就訓著了.
我們在觀塘落車, 之後去搭地鐵去寶琳. 講真帶阿b出門, 仲要出遠門是幾辛苦, 上上落落都要睇住, 又要行遠d為左搭電梯. 所以時間比之前仲要多用d. 我們去到時已經是3:30, 原本想約姨媽去飲下午茶, 但姨媽說唔好啦, 你們係茶餐廳食左先, 因為我行動不變, 無人推我落來, 而且現在時間都沒有什麼東西食了. 聽完真是有少少唔開心, 因為我好想去飲茶的. 不過都明白ger, 鬼叫我們咁遲先來到咩. 我們去太興食完下午茶, 阿b一睇到野食就好興奮, 我們食飽才上去姨媽家.
我們係姨媽家到留約2小時, 姨媽說阿b好乖, 都係女仔定d, 男仔四周圍走, 唔肯停. 臨走時, 我們當然要影返幾張相啦, 不過阿b就煩lu, 一影相就陏身陏勢, 唔肯望鏡頭. 唯有出動飲品吸引她才定一點. 我們回到家也已經9:00了.
|
