公司有個head是無聊人, 真是討厭! 大事, 重要事情唔理, 竟理小事. 事緣是這樣的. 我們公司有2個同事覺得用微波爐叮飯唔健康, 她們就買了2部迷你電器: 1是迷你電飯煲, 另外是電鍋. 其實她們有通知head, 當時他是沒有講什麼, 既然沒有反對就用上面的電器烝飯啦!

用了個幾月, 他突然同她們說, 大樓規定唔可以煮食的, 麻煩你們收起! 當然語氣用字是不好啦, 她們聽完就反駁, 唔可以煮食是不能用火, 不是用電. 我們2個是用電, 加上原理同微波爐一樣, 為什麼不能 ? 他說不是我講, 是大樓管理處規定, 唔信, 你可以打電話問, 而且你們這樣用容易導致公司火災! 我們聽完真是 "o" 咀, 他說的都不是道理, 仲好笑是他說明白微波爐唔健康, 建議她們出街食. 又說如果今次微波爐壞了, 公司唔會買 (公司有2部, 其中一部壞了), 聽完真是激死人. 我們全部同事都是帶飯食的, 莫非所有人都要出去食, 如果公司包ger, 大家唔care, 不過要自己俾$, no way! 他自己人工高, 當然日日出街食可以啦, 聽同事講他唔貴唔食tim, 真不知人家是打工仔一名, 人工一般, 如何負擔得起!

個2個同事因為這事情, 下午食完飯商討如果爭取, 她們說有道理, 她們再聽, 無就要努力爭取! 點知給阿head見到她們聚埋一齊, 即走過來睇一睇, (他是個奇怪之人, 之前同自己個team人說不要同我這邊d人咁close wow, 如果見到我們一齊, 他會唔開心, 仲會出聲tim, 我都係第一次見他這樣的人) 她們見到當然分開回自己位啦, 之後阿head即衝入我們office, 大聲同我同事說, 我想睇個電飯煲, 睇完就好快咁講, 一d 都唔俾我同事出聲, 之後即回自己office. 我都係第一次見他咁火, 唔氣又唔好, 難怪個邊d同事經常哭啦! (好彩我不是他個邊做野). 之前他叫她們打電話問管理處, confirm後才作決定, 現在唔等就反對! 之後他仲出email tim, forward 俾上面高層, 而她們也回應, 等高層回香港office (他在我office個邊) 決定可否用. 等到今日, 她們都沒有機會同高層說,  今日個女同事同另一位一齊走過來, 個head即也探頭過來, 想睇下個高層是否在, 擔心她們講他的事情.

為什麼要搞到咁呢?  又不是什麼大事, 只不過食飯ger, 聽同事說阿head之前不是這樣, 同同事玩埋一齊, 癲到可以係office打波, 自從他升了職就這樣了. 權力搞到自己變成衰人, 討人厭之人, 是好是壞呢 ?!