今日我們一班人去嘉道理農場, (今次是阿妹同她朋友plan的, 因為她們想去下郊區, 但又想多d人去, 就叫我找自己的朋友一齊去, 估唔到有d朋友竟未去過, 我記得讀書時, 學校一定會帶我們只少去一次的) 大家一早10:00係入口等, 買門票, 可惜我們遲到, 趕唔到10:20分的免費上山車, 唯有係地下行下, 影下相, 食個純朱古力蛋糕 (因為朋友生日, 我突意整, 拎去嘉道理農場) 不知不覺咁就等到另一班開車時間了. 我們去了 <救救海龜>睇爬行動物, 見到鱷魚等, 初時大家以為是假的, 見到牠動下才知道是真, 牠們好享受的躺在地上曬太陽!

我們坐車上每個景點睇下, 其實這裹好乾淨舒服, 好岩一家大細去玩一日, 費用只是$10, 你可以選擇行上山或坐車, 又睇到不同動植物, 等我阿b再大一些, 我要帶她去玩, 親親大自然呀! 今日太陽很好, 天氣也很好, 最岩去郊區行下, 吸新鮮空氣 山上好涼, 一點也不覺熱, 而且又大風, 爽呀! 反而下面仲熱過上面tim. 可惜見唔到靚花啦, 因為過了時期了.  

行到3:00到, 我們搭車去大埔食下午飯, 之後回家休息. 大家都好累, 搭車時, 大家也訓著左, 好久無坐車訓得咁甜了.