今日是朋友的大喜日子, 之前答應她做伴娘, 這是我的第一次, 好多野都唔知點做, 真擔心破壞左她的好時光! 因她唔擺酒, 簡單出嫁, 所以只需一個伴娘. 原本都有伴郎, 但因有事不能做, 唯有叫細佬頂住.
前一晚, 我去了她家住, 因為地點離我家太遠了, 第二日仲要6點到將軍澳, 如果唔係她家訓, 我會累死的. 尤其是上星期六日同朋友去了塔門露營, 已經沒有點訓過覺, 個人好累了, 去到她家也零晨12:00, 幫下佈置都搞到2點鐘才訓. 第二日5:30起身, 對黑眼圈超勁, 眼袋超大, 個樣又殘! 心想一定好醜樣! 不過主角不是我, 算啦~
6點鐘, 化妝師到她家, 幫我, 她媽咪, 新娘化妝. 初時以為9:00一定OK, 點知遲左半個鐘才可接新娘, 新郎同新娘細佬唯有係出面玩一, 二個GAME, 接到新娘後, 開始即刻敬荼給父母長輩. 她的上輩真多, 敬荼也搞左大半個鐘, 即刻要出門去男家, 去到又係敬荼, 加換裝, 12點一定要去到金鐘註冊處, 時間緊湊! 點知去到灣仔塞車, 唯有轉去另一條路去金鐘. 好彩趕到去註冊處, 她全部公司同事, 朋友仔也出席她的婚禮, 之後係出面影相直到下午2:00. 我們 (我, 新娘, 新朗, 新娘細佬) 除了早餐就一直沒有食過野, 飲過野了. 當大家做完晒之後, 開始累, 口渴. 即刻搭的返男家放低野, 坐下飲下野先. 之後上去飲茶食午飯也4點了. 晚上新娘一家同親朋食自助餐, 因我唔識她們個方邊D人, 所以沒有去, 回家訓覺好過!
|
