星期六日同朋友仔去東平洲宿營, 原本不是去東平洲的, 我們想去澳門, 點知太貴, 而且沒有房, 咁唯有轉去東部華僑城一日啦 (因有d朋友星期六要返半日), 但旅行社職員不建議我們去一日, 因為那裹好大, 自己去又易迷路. 唯有放棄, 本地遊算 ! 所以轉去東平洲, 因為我想他們睇璘光同星星, 而且那裡影相幾靚, 岩他們影相人! 當我收集晒資料同問好晒價錢, 房間情況之後, 告訴他們一點是沒有熱水沖涼, 要沖就要俾錢. 仙地, 阿JOE聽完就說改其他地點, 因為不能沖涼是一個好大問題, 經過一番說服, 他們答應, 我們真是決定去東平洲了. (希望間屋不會像第一次咁恐怖啦!)
我BOOK了泰昌個邊渡假屋, 原本想住對海的一間好靚白屋, 但屋主現在自己住返, 唯有住他後面另一間白屋. 當日黃昏到東平洲, 他們覺得環境不錯, 水好清, 好舒服!我見他們幾滿意, 個心好開心~ 之後去平洲士多取鑰LAW房, 入到去算不錯了. 間房分上下2層, 上是訓地下軟床, 下是訓帆布床, 有間好簡陋的浴室, 是沒有門, 只有一廉布. 有張枱, 幾張被, 仲有大水泡, 玩水用具, 地方夠10人住, 但現在只有我們4人, 哈哈……. 他們也幾滿意, 尤其是阿CLOWN, 他說好正, 好有FEEL, 一D都唔唔似係香港. 他們見屋主間屋前面對住海, 問屋主可否係前園BBQ, ($60一位, 選擇不多, 但好味, 而且有FREE 腐竹蛋糖水) 一邊食野, 一邊吹風聽海聲, 望上天又可以睇星星. 不過到晚上, 那裹就會好大風, 幾凍下, 而且要過另一邊LAW齊食物飲品過來才可以開餐, 因為我們這邊只有我們住, 沒有士多, 沒有另一邊熱鬧, 所以唔多方便. 最後都係決定係返食野地方燒野食. 食飽買齊水先過返來住.
食飽後, 我們回屋取相機影相, 可惜今次厚雲, 睇唔到星星, 只有幾粒, 不過就好光亮. 我們影相也玩了一個鐘又多, 之後就回屋上樓上玩牌食零食. (他們少食, 總之唔買咁多啦=.=) 到2點幾才訓覺. D男果然好累一訓落床就呼呼大睡了, 最訓唔到應該係我!
早上6:00起床梳洗出發睇日出, 去到時已經有一大班攝影團SET好晒架等日出, 我們等到七點多才見到個咸蛋黃, 因煙霧大, 睇唔到太陽由海邊升起, 有D失望. 唯有四周圍影下相, 之後返回平洲士多食早餐, $20一位有皮蛋瘦肉粥, 炒米麵, 食到大家好飽, 之後出發環島遊~ 環島遊時, 我們也食了糯米糍, 迷你砵仔糕 (多料又好味) 玩到約3:30回屋拾野退房, 準備食午餐, 我們每人一個麵, 一個大雞脾, 加一杯冰! 食飽同老板計呢2日全數, 之後出發去碼頭排隊上船回家去. (星期日只有一班5:15回程船, 錯過了就要俾好貴GER 錢才可出返去市區.) 我們玩2日一夜, 三餐一宿, 來回船飛都係每人$260到, 好抵~ 不過最開心的是他們都滿意, 喜歡今次旅程! 但可惜他們睇唔到磷光.
|
