我都幾日冇打日記喇，因為呢幾日都要考會，所以家人唔比我用電腦∼呢幾日聚沙成塔，加加埋埋諗左好多野，覺得係２００８年入面，好多野都改變左．．．本來唔係成日玩埋一齊既人，依家做哂朋友，有ｄ本來係朋友既，就做左兄弟，更有一ｄ朋友之前係成日一齊玩既，就冷淡左好多，而有個係呢６年入面一直都關心我既人∼依家就成日都見唔到面，見到都係一句起兩句止，最唔開心既係，呢個姐姐竟然唔再支持我．．．仲有一樣野，就係．．．情人變為敵人∼∼∼

岩岩沖涼既時候，好多字係我腦海入面閃過『老婆．．．老公∼∼∼』『海洋公園』『祈禱』『青協面試』『珍寶珠』『李曉燁』果粒放左係我書包兩個月既西瓜味珍寶珠，我早幾日終於食左∼唔知我送比人既果四十幾粒（好似有咁多粒）珍寶珠，佢食哂未呢？

係面試既時候，黃ｓｉｒ有一句說話我一定會銘記於心『機會永遠都係落係一ｄ有準備既人身上』．．．

ｐ．ｓ：王菲 - 我願意
『我願意為你我願意為你
　我願意為你忘記我姓名
　只要你真心拿愛與我回應
　我甚麼都願意為你』

 今日９點幾起身，一睇部電話，原來李瑪７點幾打過比我，但係我訓到聽唔到電話响．．．到我打返比佢既時候佢都出左去ｌｕ＝．＝所以我再訓過，訓到１０點幾打比軒，之後睇火影，１１點幾上左軒度，之後去左聯和墟．．．再去左上水，係上水果陣冇陣做，跟住話猜拳，輸左果個要問個女仔攞電話號碼，點知∼呀軒你中計喇，呵呵呵，今日同禽日岩岩相反，勁多笑料，笑到肚都痛埋．．．

ｐ．ｓ：劉若英 - 很愛很愛你
『往更多幸福的地方飛去
　很愛很愛你
　只有讓你擁有愛情
　我才安心』

 今朝同大家姐鬧交，岩岩就同二家姐鬧交，真係差唔多都鬧齊哂咁濟，真係唔開心．．．

１２點幾去左宏屋企話溫書，不過點會溫到丫，去到個個都圍住部電腦打機，坐左一陣就去左呀軒ｈｏｍｅ整野，點知上到去都冇野攪，係度睇『超人高校』，睇完之後又返左宏ｈｏｍｅ食飯，食完之後悶得濟入左ｒｏｏｍ訓，訓左唔知幾耐，跟住比佢地整醒左，玩電腦，之後落和興打波，有條蛋散．．．我唔小心打到佢，都同佢ｓａｙ左ｓｏｒ都仲要發老脾撞鳩我，我問佢野又唔答我ｗｏ，都傻傻地既．．．

ｐ．ｓ『１』：今日行緊去和興果陣，睇返一ｄ以前同佢ｓｄ過既ｓｍｓ，諗起『以前』既佢，我一睇到２月１２日果度就冇睇落去，因為只係記起一ｄ好既事情就夠．．．

ｐ．ｓ『２』：光良 - 童話
　『我要變成童話裡
　你愛的那個天使
　張開雙手
　變成翅膀守護你
　你要相信
　相信我們會像童話故事裡』

 今日考埋中文，仲有4科就考完喇∼呢幾日真係攰到咩野咁．．．收到一個好正既ｓｍｓ，內容係叫今年既會考生係考英文卷果兩日都要著黑色衫，行動名稱叫做＜絕望黑衫行動＞，不過比我都會著啦，鬼叫考評局當我地ｄ『應屆會考生』係『白老鼠』咩！夜晚落左和興打波，同狗華激戰既時候比佢整親，生左粒雞蛋仔．．．痛痛痛

ｐ．ｓ：張學友 - 如果．愛
　『如果這就是愛
　在轉身就該勇敢留下來
　就算受傷就算流淚
　都是生命裡溫柔灌溉』

 成日同你見到面既時侯都係會面左左，你寧願多一個敵人，都唔想多一個朋友？就算唔可以做到朋友，都唔一定要憎對方，唔通我地真係冇一個共存既必要？我唔想再難為到你既朋友，我更加唔想難為到我既朋友。

ｐ．ｓ：黎明 - 兩個人的煙花

　『最愛你的是我
　否則你怎麼讓我
　否則我怎麼可能赴湯蹈火
　你說甚麼都做』