今日番學，做MATHS，做左六頁紙，然後中文堂，分組坐，OSCAR幾勤力呀，0係度做hist. news cut，完來係幫謝紫鋒做。中文堂，成堂都0係度講《風箏》，好悶。
ＰＥ堂，又跑蘇浙圈，2個，13分半，好慢，好累。跟住三級跳，安姨好勁呀，跳到好遠，俾阿SIR叫左出去做示範。
ＥＮＧ堂，話星期五ＴＥＳＴ呀∼跟住講Ｗ.Ｓ.，好悶，我坐左去彭雯雯隔離，同肥波傾計，傾傾下就落堂lo，好野！！！
ＬＵＮＣＨ去左食拉麵，正！！！不過25蚊，貴！！！
ＭＡＴＨＳ堂，唔知做咩呢，可能因為之前ＥＮＧ堂冇訓，上上下堂訓左覺，俾ＭＩＳＳ叫左起身，lol爆。最衰都係東東(希望佢睇唔到啦∼)，唔叫醒我喎，真係丫！！！
壓軸──ＨＩＳＴ，補交番news cut俾佢，竟然唔洗收紙，好野！！！呢堂，好嘈。ＷＩＬＬＩＡＭ ＷＯＮＧ都發火，唔教書，企左0係門口 for 10 seconds，跟住繼續教書。好彩聽日佢0個堂 hall assembly咋∼
放學，業業話有野做，我自己走，落去塔車，趕到架3:38既44M，0係度聽 ＭＰ３，4:00番到屋企lo。
|
