這個是2010~2011年Kill標既第五次。今次行既係西貢區，係今年第一次行西貢區，不過，如果跟據香港十八區既劃分黎講，我地係

由大埔區出發既。呢個係一樣非常有趣既野，西貢北部其實係大埔區既範圍，係區議會大埔區既定議黎講，所包括既範圍，最後一個

係寫住「西貢北」，最攪笑既係，係大埔區其他地方，只係得水路一種方法係唔駛經其他區入到去西貢北，所以，我都唔明白點解要

咁樣分區呢......講番今日既行程，今日係2011第一個星期日，亦即係代表左，今日係嶂上武林大會(正名：中國旅聯嶂上登山節)舉辦既

日子。作為運動四大項中「山」項既愛好者，點都要去參加既。其實，今次唔係我第一次去，我第一次參加武林大會係2年前，即係

2009年，果次係自己一個人跟行山隊上去既，記憶中係冇乜特別野好睇，最深印象既只係嶂上許林士多既薑汁豆腐花同埋民安隊既

示範表演。不過點都好，作為一個鐘意山野既人，點都要去一次既。今年第二次去，就決定順便Kill埋嶂上高原附近既幾支標，黎一個

真正既嶂上一日遊。今日既路程，雖然唔夠10KM，但係一樣非常有挑戰性，尤其係登上雷打石山頂既路段，成功上落到之後都真係幾

滿足同自豪。另外，估唔到係今年既嶂上武林大會有意外收穫--精美Nelgene水樽一個，真係唔錯。呢個水樽加上嶂上高原一帶既風

景，再加上雷打石、岩頭山同雞公山既挑戰路段，為今年既武林大會行山旅程畫上完美既句號。

路線簡介：

由大埔西貢北黃石碼頭出發，沿黃石家樂徑登上黃麻地山Kill標，之後轉落土瓜坪碼頭再Kiil一支USM，之後經土瓜坪村轉麥徑上北潭

坳。之後繼續沿麥徑上牛耳石山腰，離開麥徑登岩頭山再急降嶂上高原。參加武林大會活動之後，續走麥徑登畫眉山腰，再急降畫眉

天梯到榕北坳，之後經麥徑到雷打石山腰再爆上雷打石山頂，之後沿路再經麥徑落石坑坳，再慢登雞公山後，降落水浪窩完結。

名稱簡介：

畫眉北上打雞牛

畫眉=畫眉山
北=北潭坳
上=嶂上
打=雷打石
雞=雞公山
牛=牛耳石山

Kill標數目：

三角網測站：3個

導線控制點：1個

總數：4個

三角網測站#655：西貢北潭黃麻地山山頂
入手方法：黃石碼頭巴士總站-->黃石營地-->黃石尌徑-->三角網測站#655
時間：10分鐘
類形：Beacon A
高度：61.4m

導線控制點#4037.02：西貢北潭土瓜坪村碼頭燈塔下
入手方法：屋頭(土瓜坪)巴士站-->黃石家樂徑-->土瓜坪村-->導線控制點#4037.02
時間：25分鐘
類形：USM
高度：2.2m

三角網測站#631：西貢北潭岩頭山山頂
入手方法：北潭坳巴士站-->麥徑第3段-->牛耳石山-->四叉口-->三角網測站#631
時間：50分鐘
類形：Beacon A
高度：452.6m

三角網測站#628：西貢北潭雷打石山頂
入手方法：亞公灣巴士站-->仁義路-->大埗仔-->氹笏-->鐵鉗坑-->坪墩-->麥徑第3段-->三角網測站#628
時間：75分鐘
類形：Beacon A
高度：380.3m

詳細路線介紹1

詳細路線介紹2