這個是2010~2011年Kill標既第四次。今次個名改到好似係高台上面攪畢業典禮咁，但係其實，只係話行左全港最高峰--大帽山

而已。不過，今日既心情同當年畢業禮一樣都係咁感動。畢對禮象徵既係你既學歷又再提升到一個新既水平，而今次行完之

後，我既行山水平同行山最高紀錄又提升到一個新既水平。話說，正常人係香港最高只係可以去到大約934米(鳳凰山山頂)因為

大帽山山頂係禁區，正常人去到既只係麥理浩徑去到既大帽山禁區閘口，而果個位係只有910米左右。所以，係今次行山之前，我

既行山紀錄上去到最高既地方(亦都可以話係我呢生人入面徒步行既最高點)就係934米，即係鳳凰山山頂。亦即係，我Kill過既標入

面，最高都只係934米高既87號三角網測站。對於全香港最高既三坐山(大帽山、鳳凰山同大東山)同三支最高既三角網測站(#67.2、

#87同#256)，我只係能夠去到鳳凰山同大東山山頂，大帽山一直冇機會去到頂同Kill到呢支全香港最高既三角網測站。所以，我一

直都想試下，既然唔俾我入禁區，我就試下用爆林既方式去Kill呢支標，可惜既係，我行過4次大帽山，第一次(Around 2003)跟本

就唔知咩係三角網測站，亦唔知咩大帽山頂係上唔到既，以為跟住麥徑行就會行左去頂度，而第2第3同第4次就係因為大霧而乜Q

都睇唔到，最終，係差唔多7年之後，再有機會踏上冇霧既大帽山，就想去Kill左呢支全香港最高既Bill。行完今次之後，我可以好

自豪咁話，我成功征服左全香港既最高點，而我既入生最高點成功升到去950米左右，就覺得好似畢業典禮咁，成功去到另一個新

既高度。

路線簡介：

由林錦公路寨乪村出發，穿過小路到達梧桐寨村，沿小路經萬德徑到達萬德苑。之後由旁邊既山路上山，一直上到梧桐寨散髮瀑既

分叉口，之後急上四方山坳涼亭。接麥理浩徑沿大帽山道車路上到大帽山禁區閘口，之後落大約500米去到2個廢屋後面爆上去大帽

山山頂Kill標，Kill完之後沿路落番出路再行大帽山之字路到妙高台入口，轉上妙高台之後經山火瞭望台急降響石墳場，之後轉落川

龍村完結。

名稱簡介：

高台同穿四方帽

高台=妙高台
同=梧桐寨
穿=川龍
四方=四方山坳
帽=大帽山

Kill標數目：

三角網測站：1個

導線控制點：0個

總數：1個

三角網測站#67.2：荃灣大帽山山頂氣象站內
高度：958.5m

詳細路線介紹