今早我又夢見梁穎b了,可能是我太想念她吧!不過這次我卻做了罪人,連累她被阿sir罵.

夢境是這樣的:暑假剛過去,今天是第一天上學.我故意先讓她選了坐位,這時我鼓起勇氣坐到她身旁.可能是久未見面,故意跟她多說了幾句話,不久,阿sir終於忍不住了,他如機關槍般罵我和她,令她搬到另一個座位(其實我也不知道她是因甚麼事搬走,以上原因是我猜測而已)這事令我非常不好意思.故到食午飯的時候,我勇敢地走過去,向她賠罪,主動說我要作東,請她吃個午飯,她亦欣然接受.最後我們一起開開心心地吃午飯,接着夢醒了.都算是個完美結局吧!

梁穎b我真的很想念你啊!雖然你不選擇我,但我亦希望你永遠幸福快樂!希望你找到一個比我更好更疼惜你的男仔!

繼上次發夢見到梁穎B後,今日又發夢見到黃+2,今次我地係不約而同咁一齊去左我地以前讀書個間中學度探我恩師--Miss Ng.冇記錯的話,我地好似約左佢去食午餐,之後就夢醒了.

唉!真係好懷念以前讀書時的日子!真係好想時光倒流回到過去......

迷戀往事 幾千次 那管無意義.......

琴日出左觀塘打波,打之前同d fd去左一間食店食野,食食下,有個肥仔坐左響我格來的對面,過左一陣,佢叫個碗野來左,咁佢就食啦.點知佢食食下無啦啦震震下,之後重跌左落地下.我一開始有d慌,但聽到我個fd話佢係發羊吊,我先冇咁驚,我個fd叫間食店d職員比條毛巾佢咬住,同報警.最神奇的係佢過左一陣唔再震,重可企起身行,離開間食店.但係最令我不滿的係D救護車同救護人員好耐先到,重要係唔知點解係消防車到先過救護車,佢地到果時個肥仔已經走左啦!

上星期三,四去左見藥房同ok店務員,到而家都冇回音,冇打電話比我,睇來都係唔請我啦!希望再次幻滅!而家搵工真係難,咩都話要經驗先請,咁冇經驗個d咪一世都冇人請!

唉!今日真係又唔開心又憤怒!星期六行過一間模型鋪請售貨員,頭先就去問下佢請唔請我啦,佢就問我做過呢行未,有冇工作經驗.我就話冇.跟住佢就話冇經驗唔請

我想賺取第一次人工幻滅左!之前問過幾份工都係話冇工作經驗唔請!唉!好傷感!希望可以快d搵到適合自己,同自己鐘意做的工啦!