真係好無奈!琴日同今日都搵左一份工想見,琴日個份係豆腐花師傅,係我個fd介紹的.我打去問個僱主請唔請我,第一次打都可話叫我去面試先.第二次打就係佢秘書聽.到第三次打就問我做過未,有冇經驗,我話冇,跟住佢就話咁唔岩啦!唉!超失望呀!
我見到樓下唱片鋪請人請左好耐都請唔到,今日終於鼓起勇氣去問下請唔請我,點知又話要請熟手!又衰左!~.~唉!做咩都要經驗!咁冇經驗個d係咪一世都唔洗番工,一世都冇人請!愈打愈嬲!愈諗愈嬲!
我琴日放左篇<<會考>>的文章上其他論壇,超多人回覆同認同我篇文,超開心!大家如果有興趣想睇我篇文的可在我的blog上睇番!多謝大家的支持!^.^
琴日去左保安道打羽毛球,我六點幾開始打,打到九點.中間休息左一陣間.我打到七點幾八點已經開始累,而且好似重有點想抽筋,因我兩個星期都冇打過波.但都好,贏左一兩場,嘩!其中一場重贏20比9,超勁!超正!打咁耐都未試過!正!
好累啊!點解我成日都咁累!就連玩牧場物語的精神都冇~.~經常訓極都好似唔夠咁!@.@可能我就快死la,可能係死前的警號!
