頂~琴晚做做下功課入左房訓教~跟住朝早起身6:30~==校車7:15到~一起身我就做功課啦~做到7:00~我就著衫著鞋~跟住就落去坐校車~點知我落到去唔見架校車~我等到搭半~跟住我坐巴士返學校啦~頂~第一架車黎個陣~成架車爆哂人~咁我就等多陣啦~好采上到車姐~唉~返到學校~諗住做功課~點知==冇簽名~跟住我咪同miss講我未簽名囉~咁就換黎一個留堂~加上一個缺席~上堂個陣~miss潘問我點解仲未交講稿~我話我未做~唔知係佢好人定係唔知我小學個陣點~好人到叫我落堂去問問佢~頂~我跟住同佢講~我係唔得閒做~但唔係唔做~跟住佢話要盡快交返俾佢~跟住咪話聽日交囉~跟住我就落去換衫~因為上PE堂~換完衫出黎~岩岩小息完~哈哈哈~等左一陣~呀sir就叫我地出去籃球場~出到去~呀sir叫我地跑圈~咁我咪慢慢跑囉~點知~呀鍾文康佢俾人整跌左喎~唉~跟住食lunch個陣仲慘~話說我換完衫就上去食飯啦~點知上到去冇哂C餐喎~頂~咁我咪上去三樓拎囉~跟住落返黎個陣~俾呀馮俊傑拎左我張椅~我等左一陣~我見佢一起身~我就拎走張椅~跟住我就收係我個坐到~跟住就坐底啦~食食下~呀Ben話個盒飯有蟲喎~不過死左既~咁我唔理啦~食哂個盒飯~我就食蘋果囉(送水果呀嘛)食到一半~見到個芯~全黑既~入面仲有條蟲仔係度添~搞到我勁想嘔返出黎~不過嘔唔出==跟住我想去飲水機入水啦~點知冇水既==跟住我先知我踩中左人地嘔出黎既野==跟住我即刻入廁所洗下隻鞋啦~見到有條友俾人嘔到成條褲都係==洗左勁耐先洗得乾淨~搞到成條褲濕鬼哂~唉~勁白痴~唔打喇~
|
