今日我同老婆去左行我屋企樓下附近既山路呢~

仲有去平時我都唔會行既地方，我有好耐冇行去果度啦...

行完之後就同老婆買左孖條食，然後就陪左佢去買送

而我就順便去左買兩支油+天拿水+膠手套

然後我就去永明掃貨!

冇錯!今日係永明文具最後一日特價，所有野半價

聽日佢就關門大吉，從此係我地條村消失啦!

一諗就覺得會對於我造成好多不便呢....

由於我買卡板，所以我好唔方便再買野...要分開兩次買

回家既途中我撞見小玉，CY同貞貞佢地

=  ="唔知點解我地就好理所當然地係大街上高談寬論我地升學同就業方向...

回家後再去多次永明掃貨=  =+

之後諗住就直接剷上小玉家，點知就係我買左紫菜呢下!!!我就接到電話啦!!!

小玉：「KK，幫我同(唔記得左係邊個)兩個買一人一杯思樂冰ar!」

KK：「(心諗：唔係嘛!!)你唔怕溶咩!?」

小玉：「唔怕!7仔依家1蚊1杯勁平ar!你買唔買ar?」

KK：「我手上面左手一杯，右邊一杯，我邊仲有手ar!」

=  =就此...我買左兩杯俾佢地...我隻手凍死啦...

去到小玉屋企..我冇做過D咩特別既事

只係咁岩見到CY著緊既鞋覺得好似一踢就會飛左出去

所以，我忍唔住踢左。

果然同我幻想既一樣，飛左出去。

係小玉屋太餓啦，忍唔住係度食M記既麥樂雞醬。

番到屋企又同老媽係度嘈…

今個禮拜開始，我可能要帶飯盒番學啦…唉