今日跟左學校搭車去睇展覽~升學同就業果D
朝早約左魚魚去食早餐，XD我又遲到la...sor
熱香餅..又諗起可愛既鬆弛熊/>3<\vvv因為呢個佢地好鐘意食ga...
今日搭車好幸福=V=+同女朋友同魚魚一齊坐....
我通常都係坐出面唔係就坐入面，好少坐中間既位
但俾兩女夾住原來好迫，唔知係舒服定難受.......迫
係車上面要填問卷對於我係一項好高難度既動作!!而友fun就可以寫得好好!(勁)
一去到會場我就同魚魚去左搵海外讀書既課程，佢好想去日本讀，但對於我黎講太貴la
而且我想讀既設計冇必要去到咁遠，雖然我好鐘意日本同想學日文...
我地見到有一間專日文既學校有呢D課程而且可以考大學證書，好吸引ar~~
但要成12m ar!!!魚魚話可以一年去打工死賺返黎喎.....
我覺得要真係好有意志就得，對於我，我覺得自己冇必要...
我講左呢個計劃俾老媽知想問下佢覺得咁會點，我老媽就即講冇可能!!
之後狂罵我天真...今日補習完問小玉CY佢地都咁講
但我覺得12賺12m唔係冇可能既事，只係佢地唔信得姐
一份長職一份兼職夠1m多D一個月，不過問題係勁勁勁辛苦囉!!!!
佢地話唔洗食飯錢果Dar?= =咁我同你講...果個計劃根本就打算果年打工做敗家人士
唔俾家用，電話費如返學e+俾父母交，食飯返屋企食+= =
就係要咁激先可以1m1個月，買衫?= =就好似e+咁樣買衫都係買父母拎錢買....
所以正確黎講同返學果時一樣，只係事實去打工咁姐
以上既事基本都可行，最大問題只係健康問題姐....怕會辛苦到病
------------------------------------------------------------------------------------------
我諗既野係可行ga，只係睇你地有冇決心做得出炸嘛
明明可行既野，因為你地覺得入面有野唔應該做而就消除左計劃內容,將計劃設定成不可行我好唔鐘意
明明就係可行既事，你唔可行姐，讀完書出黎做野我會俾家用ga la~
同老媽講野好激氣，佢拎我同老爸比，點比ar?大佬佢有女有仔有老婆要養ga!!
要佢儲12m咪即要我地全家訓街?我同老爸邊有得比，傻既
話完老媽，佢就將我同老哥比...仲痴
因為我知道老哥唔比家用既原因，就係佢儲緊錢搬出去住
我成日見到佢上網睇樓價果D...我前日聽到佢同佢女朋友既老媽傾計仲知道左佢既人工tim
成日話冇錢冇錢只係用哂係女朋友身上...= =見到佢女朋友D野...無奈
我冇女朋友要養，又唔係要儲錢買樓，好似返學咁再係屋企痴一年錢炸嘛
= =點比?再者，我只係做個比喻，都唔係我去讀....老媽痴線既。
************************************************************
係會場有勁多人捉我地做問卷，而今日亦應該係做得最多問卷既一日
一定過7份問卷ar...= =''大部份唔係英語就係美容化妝果D......
有一個攡有特技裝化，我地走過去就見到一個女人
 XD影埋相
我仲好好奇咁問佢右眼如果張開個妝係咪會爛左ga?
佢話唔係，其實佢係係入面果隻右眼同個妝之間有空間ge，張開眼都唔會有事
之後係會場唔小心俾D野整到隻手流血ar!!>__<,
用紙巾抹完都仲好痛....
其實以上都係扼人既XDDD...我隻手俾果度D人化左少少特技妝
不過可能我果個要求果度D人未畫過，所以整左出黎好假
反而俾我用紙巾印一印之後，顯得真好多o0o"
第一張係未印，第二張相係印左既~~
我叫果個人整既係俾貓抓傷XD......
此外係會場仲見到警犬tim!!!滋滋第一時候就撲左過去同狗狗親熱XD
不過點解我好似影到狗狗唔開心咁既樣既?
最後我同魚魚，滋滋報左傳藝既日文課程*3*+
$90 一個月8堂，每次兩堂，一堂2.5小時勁抵ar!!!
***********************************************
今日第一次補龍少教既補習，覺得唔錯
=︿=+果然係自己問既自己會易入腦好多...
補習社既重複重複又重複對我真係冇咩用......
夜晚同好朋友係度傾計，自己諗起一D野好唔抵
亦明白左一個道理，-︿-將來一定會幫我好多，我唔後悔已經出左口既野
因為果句出左口我先了解到呢個道理
{絕不要維護朋友的男朋友，因為這不等於維護自己的朋友}
&
{評緊朋友朋友's男朋友的質素，有助自己的朋友提升質素}
(-__-)))越諗就覺得自己越笨，唔抵幫口既，搞到我咁既樣
算數，佢地幸福就可以la。 |