ya~今日一早起身同老爸老媽講我去銀行...老爸問我去銀行做咩呢?
我咪講入數囉，佢同我講我會入到門口咩?我當時唔知老爸咩意思就同老爸講
都未夠1點!老爸：「但今日係星期日銀行唔會開呢!!」(((0[]0)
orz.....臭老爸e+先講╬，正諗住訓既時候竟然被死臭老媽捉左我去拜神.....
有冇搞錯!你拜神我做咩都要拜，仲要我講埋d好樣衰既野
拜四次，每拜一次就倒一次酒被果位神人(老媽叫佢地做「七娘七爺」，個名真係夠7...)
老媽要我跟住佢講野...鬼都唔跟
老媽：「七娘七爺~保右我身體健康，長命百歲~」
K：「七娘七爺~保右我身體健康，最多80歲命~」
老媽：「作死你ar!長命百歲ar!」
K：「80歲我死左你都未死你怕咩姐~要幾百歲命都唔知做咩，唔通一直吊鹽水咩!」
老媽：「....╬下一句!!七娘七爺~保右我出入平安，順順利利~」
K：「七娘七爺~保右我出入平安(車都車唔死我，行街唔中屎)，事事順利~」
老媽：「七娘七爺~保右我會考升上中六~」
K：「七娘七爺~保右我老媽升上中六，我只要會考高分就夠ga la~」
老媽：「@#$%@#$%^&*^&*(#$%」
完左之後....老媽係屋企燒野(可惜唔係燒野食)，咁岩電腦係對主佢拜神果個指定向
嘩....我被煙薰到眼水不斷流，睇黎佢真係想我唔到80歲...
燒完之後仲叫我個petpet係d香未燒完之前唔可以對住果個拜神既方向...真係想我死
放心，到左我果代，我會將呢個習俗抹殺=︿=+
最近好多人同我講論壇game既野，好似d人只係上去玩game....
我之前未入去玩過...玩左之後....\ [] / 有冇搞錯咁易搵既d錢
唔怪得冇咩人post野la╬ =3=同時...我亦開左個家族= =+
係漫畫飛輪少年入面既沉睡森林~下面呢個就家族標志XD...
|