妳到左日本一個星期喇
妳做左手術未呢? 妳而家做緊咩呢?
我依幾日好病.....
一個人當唔開心嘅時候,真係全身都會唔舒服,所有病痛都出晒嚟...
一個星期無任何聯絡...
妳係咪已經忘記我喇??
我真的好掛住妳!!
今日發覺妳所有日記都已經删除.........
删除日記,删除MSN,删除所有訊息,就等如删除所有記憶嗎?
點解妳一定要我忘記妳?
唔通我地之間所有發生過嘅事.都唔值得去記住?????
如果時間可以倒流,重新再黎一次..
我仍然覺得認識妳係我嘅幸運!
妳係咪真心希望我忘記妳?
而妳呢? 妳係咪都好想忘記我?
我唔會!!!!!
就算妳真係忘記我,我都唔會忘記妳!!!!
認識妳嘅依段日子好開心!
雖然時間好短....但我永遠都唔會忘記!!!!
今日我去左機場.........想見妳.
我唔知妳搭邊一班機,唔知邊間航空公司,唔知妳會喺邊個閘口入.....
我睇晒所有去東京,大板,福岡,札幌,名古屋,鹿兒島嘅航機.
喺離境大堂行黎行去....北面閘口等吓,南面閘口又等吓...
我覺得好攰,但我諗到妳喺醫院偷走出黎等我....我點攰都唔算係咩!
直到下午五點最後一班去日本嘅飛機飛走.....我都見唔到妳! 究竟妳搭左邊班機???
妳一定要返黎! 一定要平平安安,健健康康咁返黎! 妳一定會無事!!
