回南天...好好天~天氣潮濕似梅天...

11點先起身~因為琴晚同edwin~bill~joey打牌打到就2點45分

但果陣我未沖涼~所以沖完涼又要等頭乾~結果搞到4點先訓=.=

今天又是好無聊的一天...2點鐘先開電腦~

之後見冇乜人on就打天下霸圖打到依家~

明天又要上堂lu..但我寧願上堂好過留在家中....因為真的很悶..

又唔想溫書啵...但琴晚就忍唔住係等頭乾果陣溫左1粒鐘acc=.=

今天我有兩種心情...好疑惑同有點兒驚>~<

但其實有呢兩種心情..都係因為我果班的同學=.=

唔知係咪因為做晒d pj~所以班上的人全部出晒街玩...

我今日on左msn成日..竟然冇人on囉~超恐怖..

起初我仲以為今天要補課呢=.=...由早上10點on~on到依家快九點了~得超少人on

唯獨今天我成日都見朱仔on...仲有danny仔同R都係on成日..

但其他人.....一個都唔見~呀k再懶起身都唔會懶成日掛..

edwin再點訓晏~都唔會訓成日掛...

仲有各位...出街玩都唔會出成日掛=.=??....

好迷茫....好迷茫....今天我無聊足成日/.\....又唔可以去人屋企玩..

2個月後啦~大概7月2日就剛剛夠7~7~49日了....到時就可以去人第屋企lu~

今天...好平凡...

早上day-off..所以就打機同聽歌啦..

1點半先上堂~1點20分番到去..點知一番到去先知兩堂acc cancel左

其實早上朱仔都講過了..但不是太信~因為星期3同星期四已經有cancel class

冇理由由日日都cancel的..點知就係有理由=.=

所以之後就打足2粒鐘啤牌..3點半開始上iae堂..

其實係只為了交pj ja~交完之後..E夫人話見我地咁乖..提早半粒鐘放學

咁究竟今日返黎是做什麼呢=.=??

放學之後即刻打比我好友大家樂~問下佢今日CE英文點..

開心的是佢同我講佢終於解到d題目了~證明佢之前連學校功課都唔理而博溫英文是成功的

還記得上年佢考完之後同我講"小強..我乜野都睇唔明ar"~如今已經不同了

鄧佢開心^0^...希望佢CE英文pass到la

報告報告....煩都呀媽都唔認得的iae同英文pj已經做晒了..

長達幾日的工作終於完了...鬆左一口氣了~

諗番呢幾日..真係好頂癮=.=...

但都唔可以開心住~黎緊仲有acc assignment~econ pj~illp...之後又要考試/.\

工作上就搞掂了..但有些事仲在纏繞緊自己..心事難言誰可解...

ps:今天突發奇想..好想殺左E夫人!!

9點15分起身...其實果陣已經遲到了=.=(也是全靠別人電話嘈醒我的)

但好彩的是電話入面的人同我講~頭兩堂econ cancel class了...幸好

所以之於上堂就要去到12點半的英文堂~sir話"星期5記住交report~仲要準備相"

點知sir同上級人仕的相討輸左~搞到原來要每個同學影一張相/.\

我地只影了2張~姐係今天放學後要影埋其實果d啦

放學後~我地組edwin~bill同我+隔離組joey~1號仔~ling同青青一齊去尖咀

地點當然係星光大道啦~唔洗20分鐘~我地兩組都搞掂了

但無理由出到黎只為了影相~所以就決定行街+食飯...

後來ling佢地走左~得番我地5丁boys~我地首先去行海港城..

兜左勁耐~目的係搵一間叫edwin的店舖~終於皇天不負有心人~

點知搵左勁耐~原來edwin冇買衫...只是看看~同時我地都影左好多相

晚餐係和民食~係等侯期間我地就傾計度時...

點知見到一對男女毫不避諱當場打車輪=.=..edwin仲要係佢地每打一次就張隻眼張到勁大

食完之後我地去左星光大道入面d椅睇海景~吹海風...

原來香港的夜景都是好靚的~係果一刻...先可以放下心中所有的憂鬱同不開心..

最後去滿記食糖水..食完就各自回家lu...今天好開心ar

點知回家中途係觀塘遇到世紀大車禍~塞左勁耐車=.=...11點15分先回到家

回到家又要做iae project啦...又要趕工了/.\