今日day-off~所以成組約左上edwin家做project~

首先約左係m記等~之後食埋早餐~等齊人上去

上到去就開始做~我地開始夾犒..仲練左一次..

呀k唔知係咪講得太慢~一個pt講左4分幾鐘~期間仲搞左gag兩次=.=

但勝在搞到好~可能仲會加分呢~到時present

講左一次之後~bill自覺好少野講~就用電腦擴大個犒~

蕉就要去hospital覆診所以走左~淨番我地4個係度傾計..

傾番開學第一天點識大家ge事..傾完之後~而呀k又整晒背景之後

bill話要改野~所以就佢番在edwin家改野~我地3個就去左pencil家扲番bird同bird桌

扲完番黎之後~k打開左張桌..之後就忍唔住開始打牌了..因為咁o岩bill又改晒

最後我地打到5點15分就各自回家了...一番到tko~個天無啦啦落雨..好大粒的雨點.....

ps:明天要present啦~又要著西裝..每次我著d鄰居都以為我去返工囉=0=

今日中學fd李明生日~生日快樂呀^0^~

星期一...頭兩堂IAE堂~但我竟然冇遲到返學~奇蹟呀

琴晚2點半訓教都冇事=.=~但iae返去都唔知聽乜..完全聽唔明佢up 乜

所以兩堂都好似渾渾噩噩咁...

之後兩個鐘食飯~食完玩左一陣啤牌~一個鐘後上左library做project~

最後兩堂acc堂~學新野ratio~原來比中學果d外~仲有好多ratio未學過

而且miss又派左份assignment我地假期做~超難做=.=

第一題已經係limited company + partership...難到爆...

所以都最後我同班長+朱仔做左一堂都做唔到就放棄了...

3點半放學~放完去左library做project做到5點半

到左夜晚~原本我地諗住可以寫卡的~點知k超煩~改完又改~

搞到我地完全寫唔到卡~蕉仲去左bl~bill作文~edwin上網~我就睇電視=.=

我地唯一疑惑ge係~咁鐘意改~點解佢又唔改下自己d野呢=.=??

今天天氣好好呀...但好奇怪囉~琴晚仲3號風球+黑雨~

今天早上就放晒晴咁=.=..不過咁仲好~因為今日要上班長家做project

我地約左11點係油塘地鐵站等~但k同edwin就搭小巴去..

結果我早到左~但果度超多人~原來勁多人去拜山...

之後等左一陣終於見到呀蕉~打比bill果陣~佢果陣先出門口=.=

結果差唔多十一點半先去到班長家做野~而edwin同k仲買埋m記上去食

一上到班長家~先知原來我自己屋企真係好大~蕉家 = 一半我的家or edwin的家

第一時間~k同蕉就用左兩部電腦bl左一場先=.=~當然係k贏啦..

之後蕉同k開始做project~但只做了少少~蕉就唔想做而開始打牌了

而係打牌之前果段時間~edwin同bill就睇電視~我就打gameboy=.=

而我地打緊牌期間~k就用左蕉個名在msn上周圍搵人傾計=.=

打左7點鐘~bill回家食飯~我地就出左去美心食夜晚~

食完之後~我地番番班長家做野~k就同danny仔bl~edwin就一邊做一邊傾msn~

最後做到10點鐘就走~我就陪edwin同k行去藍田站再搭mtr回家

今天整天留在家中...基本上沒出過街...

早上打完昨日的日記後就去左打機~打左2粒都未打爆果關=.=

之後就落左街買lunch~食完之後一邊聽歌一邊做中文powerpoint

我負責做3x系列~姐係市場及問卷方式果一part~

超難做=0=~狂上網搵資料..仲要分析埋~最後仲要整埋個圓形圖出黎~

做到依家都淨係做得果10板~在此問問各位知唔知有份賣高清電視的有那幾種牌子?

一陣終於要出街了~去百佳幫媽子扲野=.="

題外話:唔知點解我左邊牙肉好痛..可能因為我食得多熱氣野=.=

心情大概平靜..但有時候~真的很想....很想....

今晚訓教果陣..唔知仲會唔會好似前幾晚咁~無啦啦留下一點點眼淚/.\

PS:出面打風...出街記住帶遮~喜歡下雨天的朋友...就唔好帶啦(只限男仔~因為我們身體強壯=.=)

3號風球現正懸掛...依家頭好痛>~<

但唔可以訓住~大把野未做..首先打番琴日日記先=.="

琴日11點先起身..好彩逢星期5早上day-off~唔係遲晒大到了

之後連早餐都冇食..因為一起身就對住部腦..打到12點半..

番到去ive...頭好痛呀~但見到入面有大型活動睇..都要睇睇先~

原來今日係大專聯校舞蹈表演..超好睇呀~幾間分校係度鬥跳舞

到左中途拋gift環節~ruby舉左手..但樓下的司儀見到就話"4樓的朋友~太高了~比唔到你"

哈哈..之後全場望住我地4樓果邊囉=.=

睇左一陣~頭愈來愈痛~所以冇睇了~飛左去上堂..

但入到班房~++埋埋都唔夠10個人...事關個個去晒睇跳舞..

連r~vicky~呀so果d都唔上堂走晒去睇..真係搞笑

但過左一堂之後~佢地就全部番晒黎~事關再唔番就冇attendence啵..比著我都番黎啦

acc堂之後到了兩堂的iae~轉左新課室326上堂..入面超大超靚

點知個E夫人唔知做咩事~一開始就搞左個爛gag~佢話:

"你地要搵拉坐呀~千奇唔好坐係有壞機二字d位果度~因為那些壞機的位...其實機係壞的"=.=

真係超頂癮..之後都沒什麼事發生~只係中途多左個15分鐘的quiz同有傾project環節ja..

5點半就回家了~回家途中..未食過野的我~就用左5蚊買3串魚蛋~6蚊買格仔餅+4蚊一枝朱奶

但食完仲未飽tim=.=..唯有回家等食飯啦...

ps:題外話：笑，真的能掩飾一切嗎..?最起碼能騙到別人就夠了....

　  我的心~真的能收放自如嗎...這兩晚..我好似都正在折磨自己...