今日正式開學了 係呢個仲算得閒既時候打番哈爾濱一行先
唔逐日打了 簡簡單單就當一記啦我
05/01/2010 - 09/01/2010
4號果日因為北京大雪而要delay 5號正式出發
這一天 我的組員只有一個 那就是心田了 我沒講大話的 睇埋落去就知
我果team人有個弊病 就係好散
如果一個呢d trip 既其中一個重要目的係互相認識 我地呢team 可以話係相對失敗
一開頭我地果team 就像是分了3 group 似的
一group 係team leader 果9件 另一group 係全女班8個 最後係我同心田2件
沒看錯 整天到晚上11點幾吃飯之前 成組人我都剩係同心田講野
team leader 果group人 佢地果個 in-group concept 真係太重了
說實在 小弟真係完全搵唔到位入去
至於全女班就nice 得多了 只係由於之前真係完全唔識佢地 我地又2個男人 所以先遲左同佢地似番一group 人
個人認為我地做得最岩既一件事 就係食飯無坐錯枱 同班女仔坐點都好過另一邊
基本上全程大部分時間都係車入面 時間多數用黎訓覺
唯一有時慘既既 係彼得坐我前面問我地睇完既紀念館同psycho 有咩關係
又是那句 讀得勁既人 任何野都可以係psycho
可惜我盡了所能都只係吹得一兩樣 太多唔記得既theory了 知道有都諗唔起個theory 名 無計
全個trip 最主要係去睇冰雕同滑雪 睇冰雕時間太急 我地係睇迪士尼果個冰雕展 但都算ok 既
滑雪就真的好正 係每次上番山用既時間比較多吧 個人認為唔太難
其實滑雪都幾多psycho 野諗到 不過唔係呢度講了
另一樣好既係同當地學生交流
我一對三呀 完成挑戰普通話極限 但我成功 佢地聽得明我講野仲好好傾添
同左其中一個影相 俾左e-mail 佢 不過未收唔到佢e-mail 睇黎都sd 唔番俾佢嫁啦多數
至於買手信 其實果度真係無咩野買 d野一係好貴 一係就間間野賣的都係同一樣野
某程度上去其中一間已經等於去左 10間
值得一題既係買完手信坐的士果陣真係淆左一秒
當你發覺電話無人聽又迷路的時候係真係會淆一淆的
最後我很想爆粗 原來係呀sir 比既地址錯囉 差唔多全部人都比佢昆左
的士$$ 多左廿蚊事小 係d 陌生地方迷路事大呀 希望佢地可以改進下呢方面 下年佢地搞得好d 俾出年既人吧
總結黎講呢個 trip我都本著參觀同學習心態居多 無咩話真係去玩既感覺
可能因為呢個team 開頭真係難識新朋友吧 到最後我都剩係拎左一個人既msn 咋
我記得彼得講過叫我地睇下有冇同類既人就要試下傾多d做朋友
我諗我地都唔太做到呢點了 剩番果個都希望keep 到contact 吧 當然機會率比較低了
最後要講既係 零下廿度食雪糕好正 夜晚米線真係超級好食
湯好飲 料足 米線正 係香港我真係覺得佢可能賣到50蚊碗的
打完lu 回到香港的繁華景氣 我要專心讀埋呢半年了 |
