這兩日一次過食左兩餐最豐富既晚餐，
通常豐富晚餐都係要過節先至有得食，
不過上個星期連續兩日食左成年最豐富兩餐，
哈哈！開心死喇！唔．．．．．．好好味呀！
仲好味過阿媽ｏ個ｄ。

第一日（即係星期六）去姑姐屋企食晚飯。
次次去都好熱鬧，因為次次都有好多人去。
次次去都會好噪，因為有彭浩謙係到。
最噪都係佢係到，而次次都係因為一個理由而噪，
這個理由係無得玩電腦。其實唔係因為無得玩電腦，
而係佢要等好耐先至有得玩電腦，
要等都最未先有得玩，所以就噪。
無論點排玩完點都要排最未，咁都要噪。
仲有另外一個理由，不過都差唔多。
每人玩一局，一個輪一個我諗都係無問題，
點知都係噪。係因為佢覺得佢自己玩得好少唔公平，
其實都唔係呀。佢只不過唔識得點玩好快就 game over，
就到一個喇。嘩！下一個就勁喇，
玩左好耐都未Game over。終於等到佢Game over 喇，
但係仲有下一個仲未玩，下一個同上一個都差唔多勁，
就係又要等好耐啦。唉．．．．．．又開始噪啦！
掩住佢個口果然無咁噪， 點噪都唔噪得去邊，哈哈！
佢真係可憐咁樣俾我好似公仔咁玩。 玩完就要食飯，
食飯時候就係最安靜時候。唔．．．．．．好好味呀！
我比平時仲要食得多，實在太好味喇！

第二日（即係星期日）去阿婆屋企，
今日果然靜左好多，因為表弟佢地聽要返學要搵書，
所以就無去阿婆屋企。好搞笑大姑來左香港咁耐佢都係訓梳化，
又唔係無床訓，唔知點解佢係咁鐘意訓梳化。
我都唔理佢喇，最緊要佢唔好訓我張床，要我訓地下。
今日睇左一張ＤＶＤ，係一張許冠文Talk Show ，
都有成一百二十幾分鐘。佢都幾勁成一百二十幾分鐘，
講左咁耐都咁好笑，俾我最多十幾分鐘。
佢真係笑到肚痛。唔．．．．．．今日都好好味，
雖然都係大邊爐，不過都好好味呀！今日都食得好多，
好飽呀！