星期一上calculus既時候，果時我地係到傾緊計有講有笑，

突然feel到震，跟住d同學就話地震，

我地就靜曬係到feel下，跟住都冇理繼續講笑，

震完之後miss就話我地真失敗，我地應該走落檯底，

夜晚我homestay比左枝棒球棍我，我見到枝野，

雙眼發光咁，原來佢以前玩softball，所以有枝棍，

如果上年已經有咪好，kazu d咁令既平ball，夠曬有挑戰性，

我地學校黎左個菲律賓男仔，佢係我果級，

d女仔係study既時候話佢好令仔，想問佢拎電話，

有d仲係佢地bfd前面講，我諗呢個人可能會成為某些人既公敵！

星期三第1堂study，我發現我個新棒球唔見左，

我星期2朝早先拎黎影相，難得有枝棍，竟然冇ball，

真係xxxxx，唔知邊鬼個整唔見我個ball，

我係CR個白板果到寫野話我唔見ball，

跟住突然間聽到 “ci char” 聲，我另轉頭望住班女仔，

跟住有個人話係大C影，我無奈咁繼續寫，

之後又聽多下“ci char”聲=.="，

第3堂Brandon 佢上study，所以我叫佢去town睇下有冇棒球賣，

我比20蚊佢，其他同學唔知咩事，淨係見到我比20蚊佢，

跟住o曬咀，之後lunch佢話冇賣，我本來諗住會有，

點知希望越大失望越大，我去左搵mrs roderick車我去town睇下，

但係都冇，不過我warehouse門口撞到ben同travis，

真係好耐冇見佢地，重遇舊fd，真係好開心，

但係果時一心諗住去睇下有冇棒球，冇同佢地傾得耐，

ben剪左短髮，好睇好多，佢仲瘦左，

跟住travis肥左超多，成個ball咁，個肚腩仲大過ben，

真係想同佢地傾耐d，番school後見仲有d時間，

所以就走去打籃球，見到細m，佢問我搵番個棒球未，

我心諗佢咁快知道左，放學打羽毛球，

一入門口見到有個yr9(新面孔)係到打ball，心諗咁神奇，

跟住望第2個人，發現細mm同網球服少女係到打緊ball，仲神奇，

我冇理到走去搞d野，轉個頭個yr9同細mm就走左，

果日我d ball幾好，開始打番d貼網平ball，發覺幾好，

可以打多d，之後上次爆我頭個人，

今次比我殺番落佢個身到，好爽！

打完ball之後先記得原來体育館出面有netball比賽，

所以就解釋到細mm果d點解會係到打一陣就唔見左人，

之後因為我homestay唔得閒接我，

所以我就踩我架夜用型滑板車番home，踩到腰痛咁濟，

正當要上斜既時候，我homestay就黎左接我，真係黎得合時！

星期四大M話見到我琴晚踩滑板車，

lunch我行行下既時候，

比我搵番年頭比我d同學整唔見個爛棒球，真係好奇，

無啦啦出現番，可惜個新ball就冇咁好彩，

我搵到個舊ball就即刻搵個同學同我玩，

我地去左網球場果到，見到細mm拎左唔知邊個既拐長係到行，

跟住見到網球服少女係隔黎同其他yr9既玩rugby，

我先記得番網球服少女同細mm係同班，

所以琴晚就係到打羽毛球，我最近玩太多棒球，

所以個肩位有d痛…=.=”

星期五lunch終於可以打棒球，但係得我同另外2個人，

點樣用棍玩，又難“才定” 得好個ball，打中個ball，

又要行老遠去執ball，所以冇玩太耐，

我問miss拎ESOL房key，我行番CR拎野，

因為今朝有個同學猴子偷桃我，我洗出木葉旋風腿踢走佢，

果個同學見到我又整我，跟住佢企係張檯後面，

我廢事係張檯到兜黎兜去晒時間，

我就係地下拎d樹枝 “才定” 佢，

點知連我手上既key都“才定” 埋出去，

係deck既gap到跌左落底，我即刻由個入口位到爬入去執番，

果到比我相像中冇咁污糟，我好似軍訓果d咁爬爬爬，

都唔算多蜘蛛網，拎完爬番出黎，成褲都沙塵，

個頭都有d蜘蛛網，Jayden見到幫我整走d蜘蛛網，

之後我去ESOL房拎番我舊homestay製既棒球棍！

星期六搬左去我舊homestay到住!

星期日朝早番我homestay到餵貓，hea左兩個鐘先番去，

lunch之後搵我舊homestay整枝棒球棍，

2009年佢整左枝比我，而家我homestay比左枝堅野我，

所以我就叫我舊homestay照住枝堅野，

改良佢2年前整果枝棒球棍，整完好幾多！

星期一 5點鐘起左身，我homestay帶我去milking，

坐10分鐘車到，初初以為會係d咩小型農場，

原來係一個好機械自動化既milking地方，

個地方係我homestay個fd搞，果到有個year9係到做野，

初初我試將d吸奶既管吸住個唔知咩，不過我都可以試下人手，

好驚禁大力得濟整痛隻牛，但係又好似唔大力唔得，

我地係果到睇到日出添呀，間時d牛係隔黎爆石，

彈左d落我條褲到=.=，個到有隻趕牛既狗，ok大隻，

但係佢好乖，好似隻貓咁走埋黎比你摸，

之後我諗百幾隻牛搞點曬就洗場，拎條高壓水喉沖走d屎，

真係要渣實條喉，搞到咁上下就番home換校服番學，

果日成日都聞到d牛屎味……，lunch去打籃球，

有d year9走埋黎話玩(今朝milking果個都係到)，

我就傳個ball比佢地射，跟住佢地見到我成日傳ball比佢地，

我冇點射ball，所以又傳比我，我唔係咁想射ball，

所以又傳番比佢地，跟住就傳黎傳去……. ，

放學我homestay之前買果將乒乓ball檯板到左，

我同我homestay打左陣，雖然唔正式，但係都夠玩，

夜晚drama miss黎左我homestay到，跟住我地係到玩牌！

星期三lunch有international student meeting，

我地傾termbreak去邊到玩，但係得3個international student，

一個仲要有d電車添，真係失敗，

因為同樣時間有inter-house touch，我地可以去top field到，

我約左d同學去玩棒球，所以拿拿林開完會就去，之後mark都黎玩，

有1次個ball比人 “才定” 去touch場個方向(我右邊)，

我驚比老師話我地阻住比賽，所以就向右跑跑跑去接個ball，

但係個ball已經係我前下方落地，

如果接唔到個ball就會直碌去場入邊，

所以我 “睡”低手套對準個ball落地再彈起個位，

接住左但係kick到隻腳，手套甩左，我就打左1-2個前滾反，

再企番起身，個ball連手套岩岩係線前停低左，

好一個仆到接ball，放學打羽毛球，

我同唔同人對打多角度打ball既人，有贏有輸，

覺得我個partner好神奇，成日都捉到路，

有一次我企網前比人殺爆頭，神奇，點解我會避唔到，

之後我對親佢一有機會就狂殺佢！

星期四零晨落雨落到5點，真係大風大雨，

我訓既時候都諗緊CR會唔會天花板漏水，果日便服日，

我著我件黑點白底風褸，好多人見到都like，番到CR，

發現天花板漏水漏得好勁下，我拎左d膠筒去裝水，

跟住話比miss知，佢叫人黎整，

果日係我地級果3胞胎既生日，josh, leon 同jordana，

lunch有人整左個大cake番黎CR，leon係到切cake，

我拎左舊跟住仲同josh, leon 講生日快樂，

上chemistry堂唔記得做咩事拎左銀包出黎，

跟住d同學見到我個銀包咁令，拎左黎睇，

我仲比左我地超短髮相比佢地睇，個個都like，

lunch有個創做最多人一齊kapahaka既學校記錄，

雖然個主題好無聊，但係都有60幾人去，我就係到錄影，

睇完番CR，見到個cake仲有淨，就切左勁大舊黎食！

星期五 lunch搵到d同學黎同我搵棒球，正，

而家我d同學越黎越多同我玩棒球，

有2次個棒球碌左落個坑渠到，好彩打開得個蓋拎番，

d渠水好清，所以d同學伸手去拎番就搞點，

夜晚我tutor, drama老師, miss S同佢個仔黎左我homestay到，

我地係到玩牌，聽到d老師好似正常人講粗口，真係神奇！

星期六狂做功課，夜晚我homestay帶我去佢個fd(簡稱fd)到食飯，

去到等勁耐先有得食，食完飯係到傾計，

我homestay個fd個91歲呀媽(簡稱fd呀媽) ，佢坐係我左邊，

我坐主席位，我homestay坐fd呀媽左邊， fd就坐我右邊，

我見到fd呀媽手震震咁，跟住側曬身咁，我以為佢想起身，

跟住fd見到走去幫手，我地問佢are u alright果d，

之後答左唔知咩，fd呀媽成個人傾左去左邊，

我homestay係佢左邊，所以即刻扶住佢，廢事佢再跌，

fd即刻走埋佢呀媽問佢點，fd呀媽答佢唔知點解突然之間失去平衡，

之後過幾秒成個人傾去右邊，貼左去個玻璃門到，

跟住冇左意識，我地即刻扶住佢，推番正佢坐好，

fd去拎電話call救護車，之後fd呀媽個頭向後鱷，

fd用心口貼住佢呀媽個面，fd呀媽又講左d唔知咩，

我見佢呼吸困難，fd就一路問佢呀媽點，一路同電話果到講，

之後fd呀媽個頭向前dup，之後完全冇左反應，叫極佢都唔應，

我嘗試托高佢個頭，等佢呼吸，但係fd攬住佢，我都唔點托得起，

呢段時間我地諗佢可能死左果d，fd就shit,shit,shit

跟住過左30-40秒到，fd呀媽又有番反應，

fd跟住test佢d手用唔用到力，又問佢點果d，

跟住見到佢想嘔，我就係將檯到拎左d煲, 兜裝住，

佢嘔番頭先晚飯果d野出黎，嘔左2-3次，

我企係佢隔黎睇住佢，驚佢又跌，佢yuk一yuk我都疾一疾，

我一路都驚係果d回光反照，一路都望實佢，

但係跟住慢慢好番，仲係我地扶住之下行左去疏化到坐，

仲行得好快點，我地等左最少20分鐘，架救護車先黎到，

我見住架救護車個車尾差d比架高速落斜既車撞到，

跟住救護員黎到check過冇咩特別，但係見意我地送佢去palmy，

但係fd同佢呀媽都唔想，所以冇去到，

果晚fd呀媽留左係fd到訓，救護車黎左之後5分鐘到，

cindy walshe同個佢bf(我諗係bf) 黎左，

我諗佢bf係我homestay個fd個仔，

佢地話佢d fd text佢話有架救護車係呢間屋出邊，

所以就黎睇下，佢地效率仲快過救護車，

我地仲以為佢真係死左…………=o=""" ，諗起都驚！

上星期日我食曬我贏果d fudge，正！

之前我個排球比d同學借左去玩，跟住過幾日唔見左，

我問番班人，佢地一個推一個，

最後話有個人係canteen玩個ball，

所以比graphics呀sir收左，跟住我地上graphics去問呀sir，

佢話佢sd左去office，話放學去office到問，

之我地d同學話office d人話冇，我都唔知點，

之後有次我去office搵個老師，我就順便問下佢有冇見過，

跟住佢話係咪寫左野係個ball到果個，我話係，

之後佢話佢見咁耐冇人領番個ball，

所以就拎左去學校gym，之後lunch佢比番我，

我同2個同學係呢個炎熱既太陽底下打左一陣排球，

慶祝我搵番個ball，我地係CR對出個停車場打，有個訪客行去拎車，

跟住我個同學就係個人面前打左個ball去個人架車到，

個人就係到話我架車呀=.=

某日放學，我又好似平時咁拎住把遮行，跟住行行下，

聽到隔黎有個人好似同我講野，我舉高d把遮，原來係SM，

佢問我點解擔遮，我都係答怕曬傷，跟住佢指住佢隻腳，

話佢都有曬傷果d.....，之後佢又問我叫咩名，

講左之後佢又話，佢上次atheletics day同我影過相，

問我記唔記得果d.....，番到home我放低d野係張床到，

跟住我聽到d er聲，我拎起再放低多次，又聽到er聲，

之後我拎起我件係床上面既羽絨，原來隻貓係到訓緊.....

graphics交左我個cozee fit ltd既project

calculas個test好驚險咁pass左，我最後果題excellence岩左嫁=.="

星期3 ungly shakespeare黎左，今次得一個鐘，

有一幕個人叫台下既細mm幫手，細mm初初都話唔好，

跟住個人話唔洗上台架，跟住佢講'nock,nock'就得，

細mm就跟住佢講，個人問番細mm邊個黎嫁，

細mm冇答到望住個人，個人就好大聲講答我果d，

又好激動咁想沖落台打佢，其他人拉住佢.，全場大笑，

細mm果時好無奈咁笑，比人玩......，

放學打羽毛球，對martin果d，好似冇咩難度咁，我都冇咩點出汗！

某日上chemistry，大m問我掛唔掛住屋企果d啦，

之後佢又話佢可以叫佢呀媽做住我呀媽，又叫我去佢home到，

我諗呢次係第4次，佢跟住又話星期日黎接我.....

最近細m hi親我都問多幾句野，跟住佢最近好似同個男仔拍近拖wow

琴日我homestay帶我去d賣木材既地方，估唔到佢會去買木板，

跟住自製乒乓ball檯，105蚊，之後佢又帶我去睇果d organ，

去左個好令既church到，有個係d人自製既，人手泵氣，好鬼搞野，

我泵到出汗，之後聽d人表演電子果個巨型organ既野，正！

今日我同我homestay去左個church既活動，

去番上次我地去鋸木個country side果家到，

mark境然唔係到，失敗，

我同d小朋友玩下rugby咁，之後有扯大覽，不過我冇去，

之後有個唔知咩儀式，將某3個人浸落水，再整番上黎，

講一輪野，表示重新果d咁，當d人搞緊呢d野既時候，

有隻黑白色既似烏鴉既雀飛黎想偷食，我就係到保衛d野食，

搞左一大輪，d人都走，我就同另外個人打乒乓ball，

超正既速度，之後又打網球，仲要係草地，

我有差唔多9年冇打過，而家打番完全搞唔掂，之後再玩雙打.....

星期2我去打羽毛球，對hasting果d人，

我第1局夾個左手，對我地果兩個hasting d ball打得幾令，

殺ball幾好，加上我好耐冇夾左手，所以我地輸ok多分，

佢地擋殺ball幾好，差唔多球球都擋到，於是我放網，

發覺佢地唔係好掂，因為佢地為左擋殺ball，所以企後d，

成日都追唔切我d放網，可惜我個partner好似唔多發覺，

係咁殺，我放網都追左ok多分，不過最後輸左，

我打打下既時候個鞋底差d成個甩出黎，

得前part同後part係粘住隻鞋，

打完我睇我個好ball partner打同另一個好ball之人，

佢地成日都想靠殺ball得分，但係hasting d 人接殺ball好勁，

所以殺ball冇咩用，最後好似輸左，

之後我個好ball partner話佢隻腳個舊患復發，

所以唔可以繼續打，其實佢之後果場係同我打，

佢咁樣搞到同唔到我夾，所以搵左大漢黎代佢，

大漢d ball唔算話好，但佢肯去救,追ball，

同埋間時都打得ok，所以第2局我地同hasting d 分差少少，

我又係放網超多，跟住佢地接左放番網，但係佢地d放網一般，

所以好多都變叉燒，我網前殺佢勁多次，超正，

有幾次佢地開ball比我，我一個放網搞點佢地，

佢地好似未遇過d放咁多網既人，佢地完全冇接放網既反應咁，

不過最後都輸左，不過我幾滿意，

打打下我"咬"柴，上星期3咬左次，今次咬得仲勁，係真係痛，

第3局男女混雙，hasting果邊個女唔知點解會有個初學，

我廢事狂屈個女，所以成日都打番比個男，

最後果局緊係我地贏，

hasting有d人可以開親ball都係同一個位，完全冇開過其他位=.="

星期3成日行路都拐下拐下，因為咬柴，

calculas test我諗肥左，我做唔到d modelling果d，

samuel同另一個都好似肥左，平時好勁果d就肥左，

一般果d就好似pass，因為勁果d先做到proof(excellence)，

但係要achieve一定要modelling果到做到先得，

就算excellence岩左，但係achieve唔掂都唔pass，所以我就咁！

lunch我地有社際唔知咩運動會，係果d接雞蛋，

2人3足跨欄，高爾夫球加'匙更'，4-5個人既跳袋比賽，超搞野，

最後境然m社贏第1，神奇，最正都係palson同grant最尾，

最尾果堂整個地震演習，境然地震都響鐘通知人，真低能，

d人會預知地震既，跟住走去打鐘=.=，

放學打羽毛球，我個好ball partner冇黎，

搵左第2個人代，我地今次對隊廢隊，我3場贏2場，

係我同新partner夾果鋪輸幾分，

如果我個好ball partner係到，一定成隊贏95%！

我隻腦打打下ball唔係咁痛....

星期4lunch冇野做，行行下比samuel叫左去幫手paint個banner，

係for christchurch個concert，我同佢完成左90幾%！

星期5 lunch個banner擺左係canteen比人簽名，

我寫左個-平安大吉-上去，跟住有個女仔叫我幫佢寫-愛你-上去，

最尾果堂calculas，miss比我地玩牌，

我同samuel就去搵係canteen唔見左既banner，

搵番後我地就去搬d檯去hall到擺個banner，

之後又set hall d chair，之後番番calculas，

放學我等我homestay排練完再車我番去，

食左m記跟住我homestay就番去準備christchurch concert，

我就換衫，搞到咁上下去左mark到，等佢搞一輪野，

佢homestay車我同佢去學校，我地超早到，

所以搵左個唔係最前既位，我坐係走廊位，

唔知係咪我型得濟，冇咩人敢走埋黎坐我地果行，

之後睇表演正到，開場kapahaka，跟住唱歌果d，

中途個主持人拎左d毛巾,煮食bowl,現金卷出黎比人投，

投左既錢捐去christchurch，冇咩人肯去投，投黎投去都唔過25蚊，

其實我都想去投， 不過匯率貴所以先冇玩，

如果係hk我可能玩更大，

小休既時候去買左2個慈善熱狗，

小休完左後MC境然上台同人合唱，第1次聽佢唱，

覺得佢把聲好特別好搞野，其實我差唔多全concert錄曬，

每個部份都錄2分鐘到，但係臨尾到R跳tic tac舞既時候，

錄左一半冇電，可惜，之後有個成個偶像組合咁既都影唔同，

臨尾個個舉起d螢光棒同電話，企曬起身唱we are the world，

完左我幫手執垃圾，之後我homestay要車幾個同學番home，

我,mark,tommy就行住番home，因為我地都係住同一邊，

行到咁上下，我homestay送完2個同學就黎車我地，

原來有個女同學都係同我地同一邊，

我地車左佢番home先，果日佢home冇人，

我homestay就叫我地3個男入屋check下有冇問題先走，

我地扮cs果d，跟住我電話又有cs,警車果d聆聲，

我就播出黎扮野，之後送埋其他就番home，

真係應該搞多個japan concert，咁鬼好玩！

星期6,日都拎番枝牧童笛出黎吹，真係覺得好可惜，

當年小學學唔到中國笛，又後悔自己冇學番一技之長(球類運動除外)！

星期2集會時，火警鐘無啦啦響，集會暫停，

搞到我地全校由hall走出草地到，好似話d裝修整到響左=.=

星期3放學打羽毛球，第1場對網球服少女，

我個partner都唔知搞咩，係咁失ball，搞到輸成10幾分，

第2場我同個好ball既人夾，又對網球服少女，

我同呢個partner夾親都贏，呢鋪當然係贏，

之後睇我個好ball partner同我第1場個 partner夾，

第1場個 partner又得左好多分=.=，

第3場同個打ball一般以上既夾，跟住又係對網球服少女，

我知道左開ball打網球服少女高後佢會接唔到，

臨尾最後一分我開ball比網球服少女，

但係我覺得我開得太多高後ball，所以想開低，

但係低又開正佢果飯，我拎住個ball 4-5秒係到諗，

到開ball既時候，打左個唔前唔後唔高唔低，總知就叉燒，

我諗住果球會輸，點知佢都打左出界，最後贏左，我幾驚會輸，

我個好ball partner同網球服少女問我下星期2去唔去到打，

我以為係普通練ball，所以say yes，

點知之後聽好似話係有Hasting d人黎打比賽=.="

某日大M又問我幾時生日，跟住又叫我去佢home，

同佢呀爸打乒乓ball，不過都係聽住先，都唔知到時佢係咪真係叫！

上個星期六定日，我d同學搞左d party，個party完左，

有個人問我點解冇去，佢話成級都去得，我話我唔知道果d，

跟住係到諗真係可惜，跟住係facebook見到party d相，

覺得冇去反而好........=.=''

某日lunch冇野做，乒乓ball爛左，出面太曬，

所以我留係CommonRoom 到，但係我又唔想坐係到，

所以我圍住d疏化係到行，兜左超多個圈，

d同學個個係到問我-你冇野呀，有d同學玩野塞住我路，

唔比我行，好彩我仲有第2條路，

之後有個女同學講笑咁話我搞到佢暈，

所以我就行左出CR，我圍學校行....

星期4放學同mark去左探我舊homestay，

我又比左我athletics day, 鋸木, art trip果d相比佢睇，

傾左45分鐘到就走左！

星期5落town，撞到大細C,B，

跟住我同mark去左subway到探keshav，佢係果到打工，

我地係果到食飲左d野，幾正，呢次係我黎左nz咁耐第1次去subway！

星期日同mark去左我舊homestay到食飯，

我同mark踩住個scooter去，落斜時幾正，不過 mark驚，

所以踩踩下又係到行，去到佢地買KFC外賣，幾正，

食完我地又踩番scooter番去，今次要上斜=.=，

跟住我地去左個草地到玩飛苦無，鬥飛跟住要插實落地下，

我成日都插到落地，玩到天黑，

個月亮超近超大，就好似間屋頂住個月亮咁！

好似有d學家話今日會因為月亮太近而搞到呢到地震果d....

新聞都購呢件事！

星期1冇心情上堂，夜晚興奮到訓唔著，

一黎緊張，二黎驚整唔切我套盔甲！

星期2放學番home搞我套盔甲搞到11點幾，

我本來整左襯我盔甲既涼鞋，

其實係將個好似涼鞋既卡紙裝上人字拖到，

但係我覺得行得唔方便，所以冇用到，果晚反而訓到!

星期3正常起身時間，我試著成套盔甲，

跟住我homestay同我影相，我要卸甲先坐到上車，

去到bottom field，都係得grant同simmers，

我homestay係搞擲鐵餅，所以佢要渣到架車係場既另一邊，

我就係果到上裝，上完我就踩住d濕草，係呢個冰涼既天氣下，

行去踩場，個個都望住到我，

我跟住係到等其他人黎，我house prefect黎左，

跟住mr clendon帶左個帳篷，我地3個就係到裝個野，

我除左頭盔同盾，再搞個野，但係唔係好識搞，

所以走左去隔黎house果d到睇下點搞，搞下越黎越多人，

有d人又黎幫手，搞點我就戴番頭盔果d，

冇耐就要我地集隊，d人都用神奇既目光望住我，

但係我戴左頭盔，冇咩人認到我係邊個，

我可以望到邊個望住我，但係d人唔知佢地望緊邊個，

果種感覺好正，集隊完左我就去左擲鐵餅，

有另外2個同學都扮spartan，有個人個頭盔整得幾好，又簡單，

我個又重又易爛又唔舒服，不過佢地冇盔甲，

之後我又行番去d帳篷到，sm走埋黎問我野，

當時我嚇疾左，估唔到佢會同我講野，

佢問我整左幾耐，我話上年開始整，

佢驚訝完又問我叫咩名(我估應該有問)，

之後問可唔可以同我影相，影完之後佢伸手摸一摸我個頭盔，

之後有班year10(細M,AF,MC)走黎，我諗都係問一樣既野，

整左幾耐，你叫咩名，我講比佢地聽叫咩名之後，

細M又好驚訝，AF都嚇疾左，之後又同我一齊影相，

跟住我個裙甲有d爛，我走去我homestay架車到修補，

然後比d人叫我去跑100m，我見有d人都唔係認真跑，

都係為拎參加分，所以我咪走去 '跑'，到我既時候，

因為之前跑果d人，留低好多垃圾係到，

佢地要執番佢，搞到我地要係到等，

開跑既時候個個都話唔認真，到真跑既時候個個都跑到鬼咁快，

我成身野係跑唔到，所以都係龜速扮跑，

然後我又走去'才定'標槍，都唔知點先插到落地，

玩完呢d又係周圍行，跟住又係超多人問我同樣既問題，

頭盔點整，胸甲點整，之後有一次除盔甲既時候整爛左少少地方，

所以又去補，有一次去車到拎野時，

我有個同級女同學認到係我，

跟住唔知係我既果d人又好驚訝咁，

之後又話同我一齊影相，一個人交低部相機比另一個，

果個人又交比第2個，5,6個人都走黎同我一齊影，

咁岩有另一個人係到，就比左果個人渣機，

有次我又撞到另外果2個spartan，

佢地2個都係paulson(紅色)，我地黎左埸鬥劍，

比佢兩個夾攻，果日比左超多人影，多到唔記得，

放學本來可以坐車，但係冇坐到，

因為著住行番home可以比到多d人睇到，所以我就行，

有個婆婆見到都讚，我學生時代最後一個運動會就係咁完，

果日有羽毛球打，打得好差...........

星期4番學冇咩幾個人提起我套盔甲，

都係大C同1,2個year9男仔講，咁快就好似比人遺忘左.....

星期5 art trip去wellington，果日又係便服日，

真係晒左，難得有便服日，境然要art trip=.="

星期6 5點幾我homestay帶我同mark去左woodfield，

睇我學校隊band既表演，

都見到好幾個我學校既人係到睇，睇完band仲有風笛！

星期2 學校集會，我估唔到我要上台拎証書，

2009 Level 2 top10，我都會有top10，samuel都冇^o^，

放學mark黎左我到，跟住我homestay問佢想唔想同我地一齊打羽毛球，

mark境然話yes，我同我homestay都嚇疾左，

去到打都唔知點講，之後我地分開打，

我partner係我左後方，我唔知佢想殺ball定點，

殺左落我左邊面拳骨位到，

之後果球又殺左落我左耳到，無奈.........，

打到咁上下，我同mark上左個速成班，之後就夠鐘走人！

有一次上chemistry堂，jayden同大m問我有冇夾直過d頭髮，

我話冇，跟住佢地問我一起身d頭髮就係咁直ga la，

我話我會沖水果d，其實都冇咩關係，

之後佢地又走黎摸我d頭髮，真係唔知點解d人咁中意摸asian d頭髮，

之後jayden又話year10既時候點過我個面，話好軟，

呢個時候大m又唔知點解摸我手臂，

跟住jayden同大m講應該摸面，我緊係話no=.='"

有一次lunch我同mark去左bottom field到睇cricket，

跟住有個女既year9走黎hi我果d，又問我好多樣，

佢見到2個year10既女仔行過，問佢地有冇meet過佢個new fd，

一個話有，之後第2個話我係佢男朋友，

之後果2個人就行左去，個year9就問番我果個女仔係咪我babe，

我話唔係果d，之後佢走左，

跟住細m,AS行過hi我，呀mark之後就好無奈！

有一日放學mark黎左我到整d面粉果d比我整頭盔，

淨左果d我就自己係到整拉面，都整到4-5條面條出黎=.="

星期5 art trip，得我地year13去，

我同samuel係車到玩左2鋪鬥獸旗，之後又睇福音戰士，

去到palmy果到睇上年year13 excellence既art folio，

好多都黎自palmy boy/girl school，睇完我覺得我畫d野好唔掂，

我地學校好廢，教埋d垃圾................

琴日10點幾我同我homestay去左佢一個fd到，

第1次知道邊d先係真正既country side，

由town去果到要坐成10-15分鐘車，仲係行成差唔多100k，

去到佢fd到，我地未開工，我同我homestay打乒乓ball，

真正既乒乓ball檯果然唔同d，同Commend room果個差好多，

速度都快d，打到咁上下去開工，我著條粗著牛仔褲，

加防水boot，帶左對私人勞工手套，

對手套本身係用黎整我個wire頭盔，個wire 模整好左，

手套都冇咩用，估唔到用得上，

雖然冇人地果d手套咁專業，但係都夠用，

防水boot果然冇買錯，非常有用，踩雜草地+羊屎+木碎，

開始時我同我homestay, 佢fd拎d野食去個工地到，

識左3個人，食完野就開工，d木香加d電油既氣味好正，

d人比左個耳塞我，因為又電鋸又其他機器，

我初時係將d木塊搬上車，搬到咁上下，

我,homestay,佢fd去車d木去我home到，

架農夫車其實得2個位，但係架車好寬，

所以我坐埋上去都ok，我坐係中間，

我兩腳中間係波棍果d，跟住我係冇安全帶，

之後仲要行成10-15分鐘100k單程路，幾鬼驚，

去到我home，我homestay,佢fd拋d木落車，

我就係個放木個個地方到排好d木，幾驚佢地會"才定"中我，

之後排到咁上下就冇排到，開車番工地，

又搬d木塊上車，又出車去第2個人既home到卸低d木，

不過今次簡單d，可以好似泥頭車果d咁倒d木落黎，

唔洗人手搬，之後又再番工地，有次我係到搬木，

比舊木塊既角位夾到右手無名指指甲側邊果塊皮，

我初時都淨係覺得痛，但係之後除左手套見到流緊血，

就同另一個人講，佢帶我去我homestay個fd到，

我homestay個fd幫我抹在側邊d血，之後塗左d殺菌果d野，

再貼兩塊膠布，之後即刻暈暈地，眼矇矇咁，

佢帶我去坐低，過幾秒就無咩野，

跟住之後就食lunch，又多左對夫婦同仔女，

食食下野有隻黑白色既烏鴉飛黎，佢唔驚人，

企左係我個坐椅背上面，好搞野，之後d人比左d野佢食，

佢就飛走左，我之前暈暈地留左部電話係第2到，

搞到我影唔到隻雀，食完野又再開工，

多左對夫婦同個男人幫手，

我淨係用得左手同右手食指,中指果然係難d，

之後又搬木上車，又出車，

番到黎我幫手搬d半圓木上個機器到切成木塊，

d半圓木超重，右手又唔點用得，

之後d半圓木差唔多切曬，淨番d圓木條同圓木，

有個人就問我想唔想學用電鋸，我諗一諗..話好，

跟住佢教我用，將d圓木切成半圓木，我都切左7-8舊，

隻手係咁震，震到膠布都就'luck'出黎，

d圓木同半圓木切曬做木塊，淨番d圓木條，我地就收工，

有人渣果d越野四驅車(小型果d)，我就搭下順風車，

我地去左我homestay個fd home到，

我同果對夫婦個仔女打乒乓ball，打到咁上下食飯，

我homestay個fd整少左個人飯，所以我地每人分d出黎，

食完飯番home，忙左成日，覺得佢地呢d生活好幸福，

我坐車行果條路行左成8次，而家記得點去.....

星期2係swimming sport，year13唔洗上堂，

所以我地可以去睇游水比賽，我影左ok多相，

之後lunch提早，第4,5堂全校去睇比賽，

跟住就到左max participance，我當年承諾yr13會落水，

而家真係落左，我落水冇咩話驚個頭濕果d，

最怕都係驚d人見到我果隻積左瘀血既腳指公=.="，

我落水前將d野交比新黎果個reggie睇住，細c同r都係隔黎，

所以更加麻煩，我交低d野就即走，落水其實幾好玩，

好耐都冇點游過水，上左水仲麻煩，即刻沖去reggie到，

最慘好多人坐佢前面，包括細c，我要跳黎跳去，

去到reggie面前，拿拿臨插番隻鞋，先safe，

跟住我再拎我個500元hk紙幣毛巾搭住，

當我想坐番原座既時候已經太遲，比人坐曬，所以就地坐，

夜晚去打羽毛球，我homstay都有黎，

佢都打過d網球，所以打起羽毛球都ok，

我就成個月冇打，打高ball,開ball,殺ball都唔點，

有一次想打高ball，點知打左落我前面個parner後頸到，

放網都ok，因為而家成日打乒乓ball，都唔會打太大力，

第2日chemistry堂，d同學係到講paulsen house出貓果d，

咩d老師又係果個社出身，偏幫點點點，差d引發罵戰，

d同學及時叫呀sir開始教書，停左佢地.....

上次呀sir幫我搵番USB同keys，

佢話去左9a果班用左個cake黎引條友交番d野出黎wo！

graphics要我地幫間公司設計logo，

呢個星期某日d人黎睇我地d design，

個女就中意我一個有毛利特色d既logo，同一個wing1設計，

個男就中意wing2，我覺得有毛利特色d既logo可以唔理都得，

但wing1,2好麻煩，雖然都係黎自wing，但係2同1有好大差別，

所以我都唔知點develop落去，

星期5我帶左鬥獸棋番學校，教samuel玩，

佢好似幾中意，遲d正la，我又帶左我個苦無番去，

比同為naruto fans既同學睇，個個都好興奮，

有個女仔見到，話呢d咁危險唔好亂玩，

跟住我話係膠黎ga，佢先冇咁驚.....

星期5放學即轉裝，我homestay帶我同mark去palmy，

去到palmy都4點幾，我地同我homestay分開行動，

我,mark去買戲飛，一個少女售票員問我有冇學生證，

我拎我果張過期證比佢睇，

佢見到就問點解要係dannevirke，唔係palmy，

我都唔知點答，我話呀爸媽選dannevirke，佢話really?

佢又問我係果到做咩，我又係唔知點答，咪話study，

真係好搞野lo，之後買完我地去左食泰國野，正，

mark再次挑戰食辣，但係都唔係好搞得掂，

食完就去睇戲睇big mommas-like father, like son，

查票果個超似某個american top model既參賽者，入到場，

空冇一人，估唔到我地包場，坐邊都得，套戲好搞笑，

睇完8點，但係我homestay仲未搞點佢d野，

我同mark都就去左公園坐，見到好多跑車，

之後又去左個商場既美食廣場到坐，坐到10點幾人地清場執野，

所以我地出左街企，幾鬼驚有咩醉酒果d，gang果d，

最後11點幾我homestay車我地番home，12點幾番到！

上個星期初上緊study既時候，

有同學抱左隻貓仔入common room(下稱CR)，

d人同佢改左個名common room cat，簡稱CC，

第2日我朝早番學既時候(第1個番)，一開CR門就見到CC沖出黎，

一定係d人禁"固"佢係入邊，冇幾耐有個miss入到黎，見到隻貓，

佢趕隻貓走，踢去佢個肚到，成隻貓彈起左，

我當場o咀，跟住我話等我抱佢走=.="

星期一係呢個情人節，係CR見到好多花同禮物，全部都係男送女，

多過女送男，不過study既時候，

都有Jordana拎左盒朱古力番黎派，人人有份，

今年既情人節好似係自07定08年黎，

再係呢個星期1-5入邊，即係番學既日子！

今個星期2，我朝早番到CR，將d用黎打乒乓ball既檯轉曬，

我將3張大長檯泊埋，換左舊果2張短細檯，

而家打起ball都好d，跟住我home呢到最近做緊工程，

拆左d櫃擴大個飯廳，有d木板拆左出黎，

我就拎左番CR做乒乓ball檯個網，效果幾好！

呢個星期爛左3個乒乓ball，

我homestay係home搵左3個ball出黎比我，所以唔驚冇得打！

有日放學細M就跟大M車，跟住細M hi我，大M就bye我，

第2日我同大M既話題就多左細M，我諗大M之前唔知細M同我咁"熟"，

大M問我打唔打社籃，我話maybe，之後大M話我應該去，

因為我打得好，我話我好廢，佢話細M同我打過，話我打得好好，

之後我就諗起上年同細M玩射ball，細M係咁入ball，

我射極都唔入既程境，我即刻再話我好廢，

跟住大M又話遲d同我玩射ball.........

art上年做果d folio sd番黎學校，

samuel, jordana, brenna, alex同埋個year11

既folio都有display出黎，

我果個冇..........(唔好comment係呢點到)

本來今年諗住唔買art pack，因為我有好多呢d野，

我同miss講果3次，佢都係咁答，呢d唔夠今年用，

仲吹我買art pack，最後舉白旗=.=

星期5第1堂graphics，我留低左隻usb同keys係果到，

小息發覺左，同mrs roderick講可唔可以叫呀sir開門比我搵，

佢話人地可能tea緊，叫我上第3堂時先去問，

我叫miss寫張紙比我出班房，

打左鐘我比左張紙我上第3堂個miss睇，

跟住去左graphics房搵，又同呀sir講，

佢話第2堂佢唔係graphics房教，係由mr king教，

我又走左去mr king班房，入到去問，佢話佢冇見過，

佢叫我去office報案，話果班係9a班，

我去到office講曬比d office lady聽，

佢話暫時冇人投案去office，叫我去上堂先，

搵到就再搵我，我行番去上堂既時候，

mr wheeler問我d詳細經過，我講講講講講，

我又問佢可唔可以搵老師去9a果班到問下，之後我去番上堂，

第4堂既時候，我收到紙叫我去office，

去到office拎番usb果d，即時鬆左口氣.....，

之後好似d office lady話係mr wheeler搵番！

英文又教shakespeare ，悶到..........................

上星期上幾次既chemistry，我同檯既T過左第2檯，

跟住大m同jayden又成日係到耍花槍，

有一次J同大M講唔好而家討論，因為我(geo)係到，

跟住大M就話點解唔得，又問我(geo)聽唔聽到佢地講咩，

我緊係話聽唔到，佢地好似堂堂都嘈一陣，

我只有繼續做野，扮聽唔到野，另外有一次，

大M問我幾時生日，我話11月.....，

跟住佢話佢遲我幾多日，佢又話叫我去佢home搞生日party，

不過呢d都係聽住先，samuel上星期4番左黎，

佢戴左眼鏡，成個老師相咁，

我地year13有人帶左個筒番common room，

筒口有個杯咁大，之後我地要"才定"個乒乓ball入去，

個ball入左去，個杯就會響，而家成日都有成班人係到玩，

之後又有人帶左乒乓ball拍果d野，我地泊埋d檯打ball，

前日有個新既international stuent，叫reggie浙江黎，

英文唔掂，整個look都唔掂，samuel都好過佢，

琴日去mark到，佢過左好多gundam果d比我，有排睇，

之後佢整d麵團比我整頭盔，

中途有隻好大隻既蜘蛛係天花板爬黎爬去，mark驚到死，

之後隻蜘蛛跌左落黎，我就搵個紙袋lup住佢，

lup好耐先整到佢入個袋到，之後掉左出去花園個垃圾筒，

蜘蛛都驚到咁=.="，之後繼續整我個頭盔，

搞左2個幾鐘，之後拎番home，幾驚會整爛！