| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 8 月 18 日 星期三  |
| 3重考驗！ |
分類: 未分類 |
前日lunch呀mark又唔係到，
所以我自己一個走去打籃球，
然後打打下有另一班year9走過黎，
問我同唔同佢地一齊打，我見到佢地都唔似識打咁，
所以就say no，我之後差唔多打完，
坐左係到休息，跟住我見到果班女既想走過黎，
所以我即刻執野走，佢地之後果然係問我野，
借我個ball，但係見我走就算，
佢地又問我個名，我答完就走。
琴日第1堂english，第2堂graphics，
去hall集會，今個week係果d咩語言週，
又係要唔同國家既人，係台上面講自己d語言，
我地呢d international student緊係要上台，
今次係一個人代表佢地個國家，本來stef代hk，
mizuki代日本，stef唔想做，我無所謂，
所以我就代左，最近做左speech，大膽左，
跟riona代日本，riona講野先，佢有成大張紙既野要講，超長，
之後到芬蘭，佢講野超快，之後到我，
「大家好，我個名叫莊巳洮，我後面面果個叫黃子峰，
另外果個叫霍司穎，我地都係黎自香港既國際留學生，
跟住講番我啦，我都幾中意打排球嫁，
所以如果你地有興趣既話，請抄低呢個聯絡電話，
係香港3345678，係香港3345678，
你唔搵我我冇所謂，因為呢d將會係你既損失，
10點鐘之後唔好打黎，因為我訓~左，多謝大家！」，
mark同stef係我後面狂笑，
自從我睇完溫超扮星爺，覺得呢段對白好正，
所以就講左出黎，之後又有德國,南非,印度，
仲有唔知邊到既講，真係ok好玩，
第3堂ESOL，第4堂maths，我即刻走過去体育館到換衫，
打社際排球，第1場贏左，
因為我無幾耐就入場打，所以”控制”住個主場，
跟住連輸兩場，因為我遲出場，
又有條友佢同一個動作比人吹左幾次，佢都唔改，
搞到我地輸好幾分，之後我直接得分2次，
一球網上” 初” 個ball，一球係網前下手打到個ball，
打斜貼住網落，失球2次，一個上手set甩左，
飛”朴”2次，1球真係成個朴落地下救ball，
但係救唔到，但係全場起”恐”，
唔打得都睇得，呀mark話有好多女同學同我打氣，哈，
第5堂chemistry，之前個test再做多次，
上次d數據真係有問題，所以得merit，
希望今次拎Excellent！
考驗1: 台上演講 - 成功，
考驗2:社際排球 -半成功半失敗，雖然1勝2負，
但係”飛朴”就增加左我既個人形像指素，
考驗3: chemistry test - 未知！
今日小息坐係我地16.5房門口出面個班女仔，
走入黎問mark可唔可以放野係我地間，
international students房到，
遲d就黎拎，呀mark就一個好淳熟既手勢指向我，
擺我上檯，瀉”博” 瀉到佢，
跟住yuki企起身行過去，同佢地講Fxxk off，
mark就同佢地講sorry唔得，
原來佢地班女仔之前請過呀mark食朱古力，
所以想黎個等價交換，
lunch睇junior girl社際排球，
我個社真係廢到死，人地開個ball黎都唔走去接，
跟住mark個GRANT社今年勁起黎，幾多運動高手係果到，
所以我同mark都淨係睇grant打，
雖然冇d飛朴呀，殺ball咁，
但係最好呢個社嫁la，而加想轉去grant添！
|
| 2010 年 8 月 13 日 星期五 |
| black friday(not really) |
分類: 未分類 |
今日tutor問下星期邊個去打社際排球，有10幾個話參加，
排球咁多人想打，但係點解nz唔興呢，
所以我而家成日去籃球場打排球，希望帶起呢個熱潮，
第1堂ESOL，第2堂maths，
小息差唔多完既時候，我同mark番到ESOL房，
跟住riona無啦啦走過黎，向我伸起2隻手，
1隻手2粒糖x2，咁我拎左兩粒，再放低一粒，
佢見到我拎得一粒，另轉到望一望mizuki，
好似好驚同埋唔知點算好，
然後mizuki話佢唔中意食呢隻味既糖，所以就比我地，
我就即刻拎曬佢，再比兩粒呀mark，
riona個表情真係好鬼搞野，好似呀媽叫個女比d野人，
但係個人冇拎曬全部野，個女就唔知點做，
所以另轉到望呀媽幫手，第3堂chemistry，
同我個nbc同學講起gundam,EVA，
有個女同學無啦啦走過黎，叫我寫佢個中文名係佢隻手到，
我本身寫字唔算令，跟住仲要係隻手到，所以都唔令得去邊，
之後我又同nbc同學講果d中文d野，
第4堂art，miss話我d painting好好，
如果保持落去，可以入唔知邊間art school，
l unch我帶有左個排球同籃球去玩，因為今日陰天冇太陽，
所以我就打籃球，跟住有d year9既女仔走埋黎問我借排球，
我以為佢地借黎打排球，原來係玩netball，
跟住kazu又黎左打籃球，
然後mizuki,nurlizah,stef黎等我教佢地打排球，
所以我同果班year9女仔收番個ball，
咁岩個籃球"look"左去班year9女仔到，
佢地幫我執番個籃球，但係我就要收番個排球，
搞到我唔好意思，然後教班友打排球，
都唔明點解咁難，我果時睇人打都學得識，
佢地講咁耐都唔得，第5堂english。 |
| 2010 年 8 月 11 日 星期三 |
| 打排球x1 |
分類: 未分類 |
琴日lunch同mark去打排球，
初初唔想比人睇到，所以人地行過既時候就唔打，
不過都幾難，其實我想等mark d基本好d，
先出外面打，但係我諗有排，我地打打下，
之前我問過打唔打果兩個fd黎左，
但係佢地打到好痛，跟住mark打左個ball上屋頂，
其他我之前都諗過可能會打左個ball上去，
之後我同我個fd就研究點樣爬上去拎，
我地搵左個1米8高既斜屋頂，我個fd用手比我踩，
跟住升我上去，我就開始爬，
我要爬到3-4米到先可以打橫爬，
我驚我一"線" 就跌落黎，所以我再爬高d 4-5米，
打橫爬左陣，就有個2-3米高既平屋頂，
跳左落去後，係L位既一邊跳去第二邊，
行過少少就執到個ball，跟住覺得就咁跳落去太高，
所以都係原路番番去，最後跳落地既時候，
"線"低左，坐左係到，不過唔痛。
今日第1堂chemistry，做溝色test，
我諗都pass到掛，d式就check左兩次，
如果係d數據問題就冇得救，第2堂art，
小息時stef同mizuki唔係到，得我,mark riona，
我借左果隻school production既DVD比riona，
因為佢好想睇，然後因為廢事淨係得我同mark講野，
所以就搵d野同riona講，我問佢幾時做左佢個英文speech，
因為個個都唔知佢做左，佢連ESOL 呀sir都冇問，
超勁，跟住佢望住我笑，但係又唔答我，
又拎佢睇緊果張紙遮住個面，
我最後問左3次佢都淨係識笑，
然後我就叫呀mark教我寫日文問，
開頭d漢字都識寫，但係之後呀mark形容果d日文字，
都唔知點寫，最後都係寫唔曬，
第3堂english，第4堂graphics，差dd就交得我呢個project，
lunch本來想同呀mark打排球，但係佢又唔點，
所以我對牆練殺ball，跟住仲去左籃球場果到殺，
殺到隻手腫脹左，今日我果兩個fd唔見左影，
唔知係咪痛到走左佬，第5堂ESOL。
放學去打羽毛球，今日我水平幾好，放網ok，
開ball一流，殺ball自從上次練左之後，
都打得殺得自然左，手勢開始好，
我今日初初打既時候輸幾分，但係跟住睇人打，
然後諗到我成日有邊d位都唔會打去，所
以跟住開始打果d位，跟住就正好多，真係好有用！ |
| 2010 年 8 月 6 日 星期五 |
| 又到星期5 |
分類: 未分類 |
今日第1堂graphics，搞點project好幾部份，
但係都係因為之前果個project，
所以搞到d進度慢左，原本呢個project應該係下星期3交，
第2堂ESOL，搞個speech，
第3堂maths，教graph果d，最唔中意就係畫graph，
第4堂chemistry，又係溝色，弱acid溝強base，
要溝隻桃橙色出黎，都好難分係橙色定係粉紅色，
lunch mark比人罰，mizuki去左chrischurch，
我覺得悶，所以就周圍行，3個year9男仔行過，
一個對我好fd，一個冇啦啦走埋黎推我，
另一個人就禁住果個推我個人，我都唔知做咩事，
跟住我就走左，我之後坐左係d chair到，
睇下周圍既事物，david前homestay個仔走埋黎，
又帶埋成班佢既fd黎，問長問短，
跟住咁岩同我打羽毛球既兩個男女同學見到我比人圍，
就叫我跟住佢地，咁我緊係跟啦，
之後就同佢地圍住school行左3個圈，傾下計咁，
跟住我就問佢地，我有個排球，問佢地想唔想下星期打，
佢地話好，真係好終於搵到有人同我打，
我琴晚訓既時候都諗住下星期3打ball時問佢地，
不過而家搞點lu，第5堂art，又係paint車。 |
| 2010 年 8 月 4 日 星期三 |
| 冇停過打ball |
分類: 未分類 |
今日第1堂maths，有個test，
我搵果d number，成日都做錯，
所以搞左超過半個鐘都未搞完，好彩有得下堂再做，
第2堂chemistry，又比我地溝色練習，做到熟，
第3堂art，做大畫版既part3，
第4堂english，我個speech拎merit，
跟住又聽人地果d sppech，又有個人係蘇格蘭黎，
d"祖先"又有城堡係英國，
lunch周圍行下睇下有冇咩艷遇=.="，
第5堂graphics，用電腦畫左個kitchen corner，
其實好少野，所以好快搞點，
放學打ball，又有個第2個同我同級既同學黎左，
但係就打ball一般，我開頭打都ok，
但係對住兩個60歲到既男人都輸得好慘，
跟住連續打超多場冇停過，又加上我同我個同學鬥高遠球，
搞到我冇曬力臨，尾打得一敗塗地！
臨完果10分鐘，有個year11既同學黎左，
我同佢單打，都搞得掂佢，仲順便練下殺ball，
club果d人問我想唔想出去打比賽，
但係我話唔好，不過唔知佢get唔get到我話唔好...... |
| 2010 年 8 月 3 日 星期二 |
| 2 speeches a day |
分類: 未分類 |
今日第1堂chemistry，又做溝色果d野，
跟住仲要做計埋野，term 1教過計野，
但係已經唔係既記得，但係都幾快上手，
第2堂art，去hall集會，
我,jeff,david,steff,mizuki,nurlizah,riona拍果套戲個trailer，
係大screen到播，睇完後全場拍曬手，反應比上星期既其他組好，
第3堂english，今堂我第1個做speech，講family history，
因為我都練到熟曬，所以都好定，
同埋我又熟我d同學，更加唔會驚，
係驚都係因為練到熟曬，講得太快，時間唔夠長，
跟住又睇其他人果d，有d人”祖先” from英格蘭, 法國, 加拿大, 澳洲，
第4堂graphics，繼續做我個kitchen corner，
之前有d人懶醒唔聽我講去做，搞到而家做多次，
第5堂ESOL，我又做speech，
其實做埋同英文同一個，緊住好順利咁搞點！ |
| 2010 年 7 月 31 日 星期六 |
| 第1次打工 |
分類: 未分類 |
今日朝早去我homestay間肉鋪到，初初佢地唔得閒住，
所以隔左一陣先知道要做咩，我去左鋪既入邊，
首先我將好多包10kg既薯仔倒落一個好大既兜到，
然後將d薯仔入落去d細袋到，粗劣咁入3kg，
我唔記得剪手指甲，所以入曬d污糟野，
我入左成架手推車咁多既薯仔，然後拎出去鋪面到磅，
3.000kg-3.020kg最好，不過3.040kg都得，
夠磅後就係個袋口到，用刀cut開個兩邊，
然後打結，貼埋果d價錢就得，
最後就係擺出去d架到，整完薯仔我要整洋葱，
我係鋪面整都得，今次4大包10kg入每細包2kg，
又做番同薯仔一樣既野，入袋-打結-貼價錢-上架，
做左4大包後，再做多2大包，
最後整左薯仔23 pack 3kg，洋葱31 pack 2kg，
做野既時候見到我老師同埋我舊homestay，
老師係特登黎睇我，
我做做下做左3個鐘10:05-01:10，
30蚊紐幣/150港幣，真係想做多d，
收工後我homestay比我食左d"韓式"燒烤咁既肉粒，
超好味，又請我飲芬達橙汁。
琴日晚飯我homestay煎牛扒，有2.5cm厚，
同hk食果d好唔同，外"脆"內軟，好似食緊果d一禁落去d肉到，
就凹左果d生牛肉咁，軟熟到，
最後yuki食淨兩塊，我就幫佢食埋，食到飽死！ |
| 2010 年 7 月 28 日 星期三 |
| 搞點第1個speech |
分類: 未分類 |
今日第1堂ESOL，我做我第1個speech，
開頭對住佢地練一次，跟住再黎一次真，
都冇話點驚，因為得個3個人聽=.="，最後做左5分14秒，
第2堂maths，做分析果d，睇左d model answer ，
都知點做，但係如果黎個test可能就唔得，
第3堂chemistry，用果d好長既管，注入d NaCl咁既野去d acid到，
要溝到佢變綠色，都幾好玩，
第4堂art，做我個painting，差dd就搞點果幅，
第5堂english，準備我個speech，
其實呢個speech我用係english同ESOL科，
所以兩科做同一個，放學落town寄野包裹，
stef叫我用一個5蚊既寄，我寫曬野先知道用錯左，
搞到我要買第2個，跟住去打羽毛球，
又係同我d同學打左陣，跟住同其他人打，
又係殺ball唔得，d手勢唔得，
我真係發覺我好似反應慢左，定係人地好快，成日都唔走位，
我打左好幾場先練番d殺ball，我打個角度練好左，
唔會落網，但係球速都係慢，不過呢d慢慢練！
stef lunch係canteen買左個冬陰宮湯，
但係超咸，我覺得佢地冇落椰奶，
我拎番home，加左ok多牛奶，最後一飲，正！ |
| 2010 年 7 月 24 日 星期六 |
| 燒碟 |
分類: 未分類 |
今日去左stef到，我搵佢幫手將d戲放入去DVD+R到，
因為我唔識搞， 初初過d戲比佢，
搞左ok耐先開始燒碟，跟住我中途就做maths功課，
整果d 燒碟咁耐，都唔知得唔得，
最後留左比stef幫我搞。
琴日放學落town，去左我homestay間肉鋪到睇，
佢帶我地周圍睇下，有一部舊既機器係用黎整腸，
佢有個蓋，因為好耐之前既科技，
所以仲係用d又厚,又重既金屬黎整，
我homestay搬起比我睇下幾重，
放番低時個蓋"澤"住左佢著果件衫，
所以我幫佢搬起個蓋，佢就可以蚊番件衫出黎，
點知個野重到搬唔起，
所以最後我homestay搬起個蓋，
我幫佢蚊件衫出黎，
之後佢又show比我睇果d packaging,label果d野點做，
佢話我做part-time既話，10紐幣1個鐘，
比起hk既話都多，所以我諗住下個星期6去做！ |
| 2010 年 7 月 21 日 星期三 |
| 再戰羽毛球 |
分類: 未分類 |
今日第1堂graphics，將我之前果個project改左再交，
跟住就設計我新果個kitchen corner，其實都唔係好知點做，
第2堂ESOL，去圖書館印野，同埋練習我個speech，
我個speech講recycle既重要性，
第3堂maths，做果d statisics，都唔係幾知要做d咩，
第4堂chemistry，聽日有test，
所以係到溫書，我諗應該識做，
lunch做art，畫左超耐都覺得畫得唔好，
第5堂art，繼續做art，畫第2樣野，仲加左ink添，
放學去打羽毛球，初初超唔想去，因為太耐冇去，
成4-5星期冇去lu，次次打左後又覺得好正，
但係隔左個星期後又唔想去，去到既時候都見到d熟人，
仲問我做咩咁耐唔黎，跟住仲見到我果級果對男女情人黎左，
我同佢地都幾熟嫁，所以我就同佢地一齊打左陣，
男果個如果練多d會好勁，雖然而家都唔係好好，
但係佢有運動細胞，女果個打得一半，
但係好快上手，所以打耐d都會好好，
今日我有2次同個打ball好正既人夾，真係好正，
我又同我果個男同學夾，都夾得幾好，
跟住有一場係同兩個好似"菲律賓"男女對打，
我d開球都幾好，贏左佢地好多，
佢地d ball唔算勁，但係見到佢地d ball係有練過，
跟住又同網球服少女夾果2次，唔知點嫁次次同佢打同一場，
我都好似輸ball又失ball，臨尾果場我同佢夾輸20分到，
不過臨尾果球超正，我放完網仲企緊係網前，
有個平ball打番過黎，我通常都會舉高拍好似排球咁攔網，
點知攔到仲彈番去人地到，贏左最尾果球，
我今日初初d殺ball,平ball好唔掂，
次次都落網，打到臨尾果幾場先好左d，
然後今日對打果d人,夾果d人都好正，個個都好熟，
就連果對"菲律賓"男女都熟左，個男仲走過黎問我邊到黎果d，
如果次次都同今日呢d人打就好lu，
因為唔會有壓力，仲打得好輕鬆！ |
« | 14 | 15 | 16 | 17 | 18 | 19 | 20 | 21 | 22 | 23 | ... | 79 | »
|
