放左2個星期假，我2個 flatmate番番黎住，so sad，

神奇既星期三晚，唔知係咩日子，sam係到開party，

10點幾係到嘈，嘈到有人禁門鐘叫佢地細聲d，

過左陣我頂唔順，拎我把 “日本刀” ，

再拎條鐵線hi個刀刃，整d好似磨刀聲，

好似我係haunted house整果d咁，跟住佢地冇耐就細聲同走左，

唔知係咪我既關係呢，定係佢地11點到夠鐘去唔知邊到蒲，

之後到12點又番黎嘈左陣又走左…

星期四去呀steve到，係到研究點樣切同拆佢把手槍，

跟住佢教我，我就學識左！

上上星期一交essay！

上上星期三drawing上堂同交功課，整体評語聽落都ok！

上上星期四朝早上pj到，跟住一齊去交material功課，

本來星期六同要present，但係miss星期五就番Scotland ，

所以提早交，不過唔洗present！下午上art & design，

我要present我個site(Courtenay place) ，首先播曬所有人既video，

然後分開2個stream班 present，因為同我既plan有所出入，

所以到我既時候有d食螺絲，上完呢一堂就6個星期假，

成個假期最期待都係去dvk，因jimmy番左hk，

都係係home打下機, 練番大隻 ,畫下畫 ,練下魔術！

上星期一去左個韓國仔steve到，去左玩左online既call of duty MW3，

佢個超大既screen, 聲令既speaker，再加埋玩online，好刺激，

之係佢比左call of duty MW3，同佢對打，我手提電腦d畫面唔夠佢部大機好，

跟住佢又幫我裝call of duty 2，load好耐，又要上網down d唔知咩，

如果我都識電腦就好，搞好耐先開到，

我想左好耐既call of duty 2終於有得玩，call of duty 2係WW2，

有D-day係入邊，之後每隔一日都去佢到！

星期一約左samuel一齊食hell pizza，

之後去左佢個hostel果到，學生價1蚊搭覽車去，

就唔洗行樓梯，佢果到好有mcdonald house feel，

佢果到有乒乓波, 籃球架, 桌球，佢間房好多space，

我地初初打乒乓波，之後2局桌球，一人贏一次，

之後係佢到睇到戲-boy，睇到5點幾就走！

星期二同samuel去戲院睇avangers，之後又去食野，

撞到niki同另一個同學，真係好少可會撞到熟人，

尤其放假個個走曬，食hell pizza，今次叫2個，

之後我比左好多戲samuel，

尤其係iron man, thor, captain america ，佢冇睇呢d就睇avangers！

唔記得講我上上星期一，上完lecture同material約左samuel，

真係好耐冇見，佢直接去到我樓下，我帶佢上我到睇下，

跟住搞passport果d，又睇下佢個workbook係做咩，

又帶佢去yans market到買豆漿，之後我又跟佢去佢個campus到睇，

佢要上堂，所以我就番home！

上上星期五上完material，去左passport office 到搞passport，

都ok遠下，上到去去接待處留名，

等10mins到就有人同我個搞passport，好快搞點走得！

上星期三訓醒暈暈地，手腳冇力，去上lecture，

坐低左，頂唔順，沖去炸廁所，

個廁所係傷殘人士果d，即係獨立式，去得好自在，

唔似係我flat，驚比人聽到，下年都係唔好同女仔住！

上星期四朝早去courtenay place錄人既movement，凍死，

因為之前都落雨，所以冇機會做，

下午要去上堂，所以得朝早，但係朝早冇人咁濟，

搞到我要錄成半個鐘先走得，

上堂要present個video，叫做ok，不過太簡單！

上星期五晚去左錄courtenay place，又係鬼咁凍，

番到home即刻整番個暖水袋訓！

今個星期三收到passport，好鬼令，

上drawing呀sir同miss當住成班面前讚我上個term最尾果堂，

畫個牛角包畫個最好，除左我之外，其他人都唔點做野，

叫我地下星期呢個term既最尾果堂唔好係咁唔做野，個心超爽！

星期四art & design，又係比我改過既video問呀sir意見！

星期五jimmy走黎我到坐，佢好耐冇上過黎我到，差d入錯flat！

星期六同jimmy落town，比左$20佢買衫，用黎交我d學費！

上星期三上drawing，要聽d音樂，跟住聽住d旋律畫野，

仲要聽成10幾首歌，畫埋d垃圾，晒成幾十張A1紙，跟住上個term交個功課又係拎B +

上星期四上art & design，要我地畫movement，

又做speed drawing，我miss做model比我地畫，

初初5mins-3mins-1min30s-1min-30s-20s-10s，幾好玩！

上星期五夜晚2am幾至3am點幾，sam又同佢班fd係個廳到大聲傾計，

嘈到我起身聽佢地講野，聽到佢地整到個廳好污漕，又聽到佢地講我………

星期三lecture冇去上，係我第一次走堂，

我問steve借左佢本art & design work book參考spatial，

我又借我本比佢，不過我果本冇咩好參考，

全部都係我d concept黎，我果d中式style同佢韓式應該都好唔同下，

不過我提點佢一定要有artist model，我為我冇，

我上次Art & Design拎得B-，差1%就可以B，

我仲諗住我d final做得咁好，都應該有個A，

我上堂都冇聽過話要artist model，research下就有，

我有2個 fd又係冇artist model，所以又係好低分，

佢cm果到都話我本書仔, QR code同chop做得好，

所以好無奈好失望，上drawing用上次聽音樂畫果d野，

放大某d地方搵d “符號” 出穩，遲d要整個印！

星期四上art & design，分組用camera拍野，

我地果個係將個cam放係雪糕筒入邊影個人行過，跟住做moon walk，

record movement果d，再慢慢將個cam係雪糕筒入邊拉出黎，

moon walk果到個個都讚！

星期五material用heat gun將d 透明膠喉黏埋，

heat gun吹d熱風出黎，令到膠喉熔熔地，將佢地互黏，

個膠喉硬番後就好似glass咁樣，好令，

可惜個workshop冇抽氣扇，熔膠會有gas釋出，

所以我要係咁閉氣，遲早生cancer……

星期六寫essay，做到死咁濟，

我寫postmodernism同avatar，仲有2 week就交！

上星期一 mark, keshev, stevie, mrs R/M 黎左wellington，

佢地泊到架車鬼咁遠，我同jimmy要走去搵佢地，

去到佢地睇緊衫，之後去食野，我食福健炒飯，

之後帶mark去間軍事鋪，又去yans market，

特意寫低mark $10欠債，下次番dannevirke收數先，

跟住去我果flat到，比佢玩下個call of duty，

過戲, game，又傾下DHS d 人同事，之後幫mark剪頭髮，

好彩我2個flatmate唔係到，搞完上jimmy flat到，

叫jimmy show 番幾個magic比mark睇，mark佢地4點就走，鬼咁早，都唔夠皮!

星期一番學，平時約左jimmy係9:15樓下等，

我放完假就唔記得左，9:00就落左樓下等，

上material，group presentation，做得ok，新功課好似唔難！

星期二tutorial，新一篇essay 1500字，

又係may the force be with me！

跟上住去拎番我drawing交左果個folder，

niki同dorothy上緊body drawing，畫緊skeleton，

下午上A & D轉左課室，今次教spatial，

功課係要係一個site到記錄低一d change(light, people, weather…)，

畫低d野，我地個site係抽既，幾驚抽到d老遠，

好彩我果個係Courtenay Place，pj又抽到同我同一個site，真係正！

星期三Anzac day，Cube對住個memorial 塔，所以都聽到d奏樂，跟住電視又有播！

星期四上A & D前，發覺要畫個site，我初初以為淨係research，

點知要去個site到畫野，我即刻跟住我之前影左係手機既相，

google map街景既相去畫一個簡單既drawing，好彩有做到，

上堂講section drawing果d，好似graphics果d咁，

我地班係由2個stream組成，有個呀sir同miss教，

呀sir教fine art， miss教spatial，20幾歲超後生，

可惜miss唔係付責我個stream，我呀sir好似唔多理部份學生(包括我)，

section drawing我做很咁好，佢冇出過聲，

反而個miss走黎我地個stream，見到就讚我......

我篇essay拎左B+(72%)，但係冇話特別開心，

因為比我tutor改左咁多野，先咁樣，真係唔敢想像下年會點.....

星期六同pj去左courtenay place實地考察，影左d相，

本來諗住坐係果到畫，但係冇檯，好難畫，

之後去搵水喉做material，去左2間2蚊店睇都冇，warehouse又冇，

最後係果間bunnings warehouse先有，貴到死，10蚊先有1.4m幾長，肉都赤….

星期二係home到做art & design d野，3點去上堂，

不過都係番左去點個名，問d野就走得，夜晚做drawing…

星期三又做art & design d野，2點去上drawing ，

畫d呀sir帶黎既牛角包，一路畫一路等佢見我地，

睇我地d work，miss見我果幅牛角包，話唔夠3D，所以我就改，

之後臨尾見呀sir，佢話之前做果d drawing唔係太好，

奇實我之前都唔係幾知要點畫，我都係早幾日再試畫既時候先搵到個idea，

跟住佢見到張牛角包，話應該係今日見過ge 最好一張，

個miss聽到即刻叫比佢睇下，仲問我係咪聽佢講完之後加左野，

如果我答冇佢就好魚……，臨尾都拎番個彩，

希望增加少少印像分，夜晚做art & design d野……

星期四做art & design d野，我整到個painting側邊d空白位好多印，

所以我剪個painting，貼落第二張紙到，點知貼得唔好，

蚊番出黎既時候整爛左，我即刻貼張紙去補個窿，

呢個時候pj黎左叫我教佢整書，真係想鬧鬼佢，

之後我有我做，間時先教佢，之後有d位我又整左好多印，

我就用白色paint遮住佢，但係paint d唔paint d好怪，

所以paint曬成個，但係好多detail，所以搞好耐，

pj走左之後我跑去golden harris買黑色A1紙，

臨去交功課既前一刻都用風筒吹乾緊d artwork，

如果唔係整左d印係d artwork側邊，我好快就搞點啦，

交完之後同pj玩棒球, 排球, 飛碟，夜晚cube有個easter活動，

cube用100蚊半個鐘請左jimmy表演魔術，然後又有乒乓ball玩，

當冇人既時候，我就同個RA單打，好正，打到活動完左都繼續，出曬汗！

星期六開始去jimmy到hea，因為佢d flatmate走曬，

佢又有無限上網，可以狂睇戲，六,日,一,二都係jimmy到食飯，

每人買d料，食過pizza, 牛扒粒炒菜，咖哩雞飯，腸仔炒蛋，煎午餐肉，麻婆豆腐，

jimmy煮我洗，我地又問左韓國個steve借條電腦博tv既線，

播我1 TB hard drive以前錄低果d電視，最近發現點樣係電腦睇，

接落tv到播，好有hk feel！

星期一約左pj做project，夜晚同佢去跑步，

沿住個海岸跑，來回1個鐘，pj係samoa人，體能好d，

我跑死咁齊，除左開頭果10-20分鐘，之後跑一陣就要休息下，

心口有d痛，跑一個鐘仲累過行6個鐘山…

星期二開始左學魔術，交左20蚊學費搵jimmy教，

有得選學邊種，其他人冇得選，所以我好好彩，

三,四開始練pass果d，一路睇戲一路練…

星期四下午走火警，

成個cube得20人都唔夠走落黎，個個番曬home，

最近同jimmy睇套外國喪屍劇集，博住部電視！

之前jimmy上堂要整d show 到body movement既野，

我同佢研發左件 “兵器”， 一握拳頭，就會有“刀片” 彈出黎，

幫佢整左之後，我狂係到諗d idea，我諗我MSB就可以繼續研發！

星期二MSB(mid semester break)前last tutorial ，

都可以話last one for essay，所以好驚！

essay關於VW 甲蟲車，所以見到d VW,黑色老爺車，

由其係甲蟲車，都會用essay創傷恐懼症......

星期三last lecture，都比左d有用既資料我地，

上drawing要我地用4張A1紙貼埋一齊，用唔同media畫野，

跟住又 “立” 左2個A1 folder，因為交功課要交埋個folder，

原本入邊裝住人地以前d work，但係mark完佢地冇拎番，

所以呀sir就叫我地拎黎用，正！

星期四art & design得個10人都冇番，

因為個個都知要做咩，所以留係home到做野仲好，

essay忙死，jimmy差唔多每晚都落黎同我做essay！

星期五同jimmy去左間新發現既既賣中國野既鋪，超大間，

各式各樣都有，又有豆漿，又買左，而家日日飲，正！

星期六晚2家姐我改essay，之後我做到夜晚1點到，

sd比我tutor先訓，2點幾境然火警鐘響，

真係要射死果條友，交essay前個weekend都要去玩去浦，鬼唔望你肥佬！

星期日朝早去Sunday market 同new world，

去完番home我tutor sd番essay比我，改到唔知講咩，

有d改d唔改d，有頭冇尾，我本來諗住5點半同jimmy去print，

結果我改到由12pm幾到7pm，再sd比我2家姐改！

星期一8點半去print essay，圖書館d人多到，

print完去10 block到，同jimmy, stella去，放入去個箱前，

我同佢地都check一次，緊住拜一拜四角，求一求神，祈一祈禱，

先放入個箱到，番home同jimmy乾左杯豆漿，希望成功，

跟住我對住jimmy練一次material個presentation，

搞完落樓下面包鋪食叉燒飯，食完去上material，

present都ok，pass左，番home hea陣先再開始做其他功課！

星期一上material教construct ，教織野，

之後workshop到又教整鎖子甲，落左堂我都仲繼續整，

開頭好難，熟左之後就整個好快，

我用左2個鐘到先整到個八達通card大d既size……，整到咁上下，

放隻手係檯到，點知比個辣雞辣到，右手指尾辣到白左一達……

星期二art and design，要我地帶曬所有野番黎，

話check下進度，點知叫我地分組傾，

我,pj, niki同個男一組，初初都唔知講d咩好，

不過之後熟左就好d，niki都有d中國背景，

所以都我地都有d關於設計既野可以講，

落堂同組個男仔車我同pj番cube，因為超大風雨，

夜晚cube大堂有個movie night，我,pj,jimmy都落左去睇，

班女仔話要睇人型蜈蚣2，故事悶到，係有好多booldy位！

星期三同jimmy上lecture，果時好早，

坐坐下火警鐘響，campus走火警好搞野，

出到外面風大雨大，2點上drawing，整3D model，

超無聊，我都唔明點解drawing要做d咁既野，

我好晒時間lo，番home有人搬番張疏化黎，整左張都幾新正比我地！

星期四朝早同jimmy去workshop拎野，art and design教整書，

呢個paper其中一樣野就係係技術上整本真書出黎，

番home sam 同我講，佢終於同jen講左佢bfd成日stay係到，

用電量增多，我讚佢好勇！

星期五上完material，去左pj(9G)到做project，

佢home又亂又臭，我等佢執乾淨先再上過去，同之前差天共地，

我真係唔知佢同佢4個flatmate點解可以生活係d咁既地方，

做完project同jimmy去town，去完番黎做essay ，

暫時寫左400幾字，5點半同pj去cube對出草地玩排球同棒球，

排球打到手痛，pj d棒球超正，第1次玩都咁有水準，

運動型既人果然唔同d，又高ball,遠ball, 平ball樣樣點，

我d平ball都好正，比以前同kazu玩好左好多！

星期六同pj去買printer 墨，但係太貴冇買到，變左睇電腦，

我同pj部電腦都係一樣，間鋪果到d hp擺成10部我呢款電腦，

但係唔同ram同hard drive唔同，真係多鬼余，

之後又睇左最新果部beats audio機，真係幾令，但係細部左d！

星期日朝早同jimmy出去，佢做photography d 野，

之後我地去左sunday market到，真係幾多平野，

我買左$0.99c/kg萍果，買左好多大萍果，都係$2.3，

又買左$1.5個生菜，又買左$3.8/2L豆漿，正野，

不過雪櫃要執執位，番到home做essay暫時有800幾字，

但係都有幾part唔知知點寫，仲有一個星期就要交，

其他work又差唔多final，有鬼驚……

星期一material教摺野，我上堂前就見到一個人地之前摺左留低係到，

我拆左黎研究點摺，好快就知點摺，到miss教既時候就好快整左比佢睇，

其他人聽miss個方法，摺勁耐先得，之後又帶我地去workshop，教用d機器…

星期二art & design我個monogram又一次成功，之後上堂教用chop！

星期三drawing，要我地用紙整一個3D既蔬果，

所以我地要係紙到畫2D圖再整，其實同graphics一樣，

但係呀sir唔係到，得個miss，佢又唔識，

所以講勁耐都唔知要我地做咩！

夜晚用左舊candle雕個chop，點知我唔記個要將個圖低面反轉再雕，

所以雕唔點再雕多次，但係個surface已經唔平，

完全印唔好，所以我用個pan溶平番個底！

星期四朝早起身就做個chop，用多次candle，

但係重新溶果個層唔夠thick，好易散，最後用card紙整，

但係唔可以印太多次，所以是但整個draft就算，

因為夠鐘上art & design堂，又開新topic，

用QR code, shotcode design d野，又唔知點搞！

星期五material，比時間我地整fold d野，

其實呢個course都幾唔環保，係咁要我地整埋d垃圾，

完堂同同學做group project，之後同jimmy落town，

然後又番home做essay，做到5:30，cube有個sport活動，

去cube對出個草地到玩sport，我叫埋jimmy落去，我同佢玩棒球，

可惜佢唔係太肯玩，玩完食完飯再寫過essay，搞到好夜，

jimmy帶我落town見識下，真係好似蘭季坊果d咁，

真係可以話黎左nz呢3年半黎，第1次見到咁熱鬧既夜晚，

真係聆寫bull銅，我同jimmy都買左杯珍珠奶茶飲……，

之後搞到2點幾先番home，沖個涼岩岩訓落床冇耐，又火警鐘響，

呢到d人真係煩，5點幾比sam d 開門聲整醒，

聽到佢帶左條友上黎……聽落似係新識……

星期一上lecture，之前0week識果個asian女仔坐左埋黎，

今次問佢個名點串，完左同jimmy去，cube間面包鋪買包食，

個包好鬼“in-un”， 之後上133 material，教我地縫野，

之後又show workshop d 工具點用，我整左個好似手臂甲既野！

星期二上tutorial，講我地essay點做，之後比我地去圖書館，

我同jimmy留低係咁問野，之後再去圖書館做野，

131 art & design，要我地show我地做過d A1 size既作品，

我覺得我果d我小學製，好唔掂，跟住我周圍睇人地d作品，

抄低d ideas參考! 之後我地始開始左monogram!

星期三lecture，用手機試wifi，終於用到，

之後識左個韓國男仔，岩岩自我介紹完就一輪嘴係咁講，講英文超快，

快到正準備聽佢講野佢就講完，完全係到自然自語，好鬼hill同騎呢，

jimmy聽到佢講野係咁笑，154 drawing，

要我地用card 紙印d paint黎畫d起曬角既野，我果個比人拎做板，

不過係講點唔好，跟住再畫多張，

個miss即話muchmuchmuchmuchmuchmuchmuchmuch better，

佢真係講左咁多個much lo (T-T)，之後check我果100x A5 drawings，

放左番home，sam(roommate) 下午話過會text jen(roommate) 關於佢bfd成日係到住，

電費果d點計，搞到我番到黎好驚見到gen，唔知佢咩反應，

我夜d問番sam，原來佢冇text到，因為佢都驚，

嚇鬼死我，冇text就早講la，搞到我驚咁耐………

星期四突然話有car park有免費早餐，即換衫沖去食，

之後又去golden harris間專賣art用品既鋪，真係專得好誇張，

我買左$45 120張A1紙，因為之前買左6 張$0.5果d用曬，

我急住用黎做功課，之後買左d碳筆, 墨水筆，下次番hk一定要大批入貨，

因為呢到d野太貴，我之後搬果120張搬死左，

又鬼死咁大，又軟身，又唔可以整‘巢’d紙，搬到番home，

即刻開工，之後3點去上堂131 art & deisgn，

又係一開始拎我地d作品出黎比人睇，我果個一出黎就比人讚，

最後係我組入邊比人選左做例子出黎講，到我講既時候，

亂講d野，其實我都唔知d人聽唔聽得明，

跟住我地要抽一種顏色，之後做既作品final都係用呢隻色，

我抽到caput mortuum，連我miss都唔知係咩色，

要上網查，呢隻色係紫紅啡，岩曬我用黎做d中式design到，

我之前2個design都係要用紅色，點知真係抽到類似，正到！

星期五朝早上133material，上堂之前我去左圖書館print野，

點知未開，要等，好彩都趕得切，上課原來要帶d sample同材料去整，

好多人同我都冇帶，放左我同jimmy落town買野，

2賣蚊店買material整野，newworld買野，拎果包5kg既米，

加買其他野，拎死左，又去golden harris買果隻caput mortuum paint，

我係間鋪到成半個鐘，搵下邊隻平，最後都係問人，

不過同我本身搵到果個d都係一樣，折左都要$11 35ml，貴到，

番到home就做material d 功課…

星期六做art & deisgn功課，個deisgn加左d中國特式，

因為個design好多一樣既圖案，好難畫得一樣，同"曬"時間，

所以我就要用card紙剪個模，再paint，效果ok，

本來夜晚諗住去jimmy roommate個party，但係等到眼訓，

最後冇去，9點10點到沖沖下涼又響火警鐘，真係嘔電，

即刻關水，濕住著衫，拎埋d野就走，落到去，

差唔多個個女仔都著d短裙高跟鞋，準備去party，

上得番樓既時候，就真係可惜我住4樓同冇戴眼鏡…………=.=”