之前我call左個flat meeting，傾幾時check out同打掃個flat，
到左打掃果日，我洗廁所，個shower glass好難洗，
好時開shower沖水，點知miss fire搞到我濕曬，
28/11晚，erin帶左佢d fd黎過夜，夜晚11點幾係到嘈，
好彩12點到走左浦，之後我都聽唔到！
29/11朝早就係到執行李，同pack箱，
3點我呀爸,媽,katie黎左接我，之係飛車上dvk，
不過中途都停左好幾次，先去到rosemary到！
30/11我去左mark，去到同佢剪頭髮，佢又幫我剪d，
之後去佢房到過戲聽歌果d，4點幾就走，
6點幾我family, rosemary,jim,mr/s Roderick, mr/s Mitchel去左間新開既印度野，
食左個mango chicken，間野幾骨子，唔會太多人，
傾計幾好，一路都有話題傾，食完我地去曬rosemary到傾！
1/12我地落左wellington，去左呀素間鋪到，
佢就咁比條佢home個key我地去佢home，
佢個home都幾山長水遠下，落town都老遠路，
不過佢間屋真係好大，又令又多擺設，間屋個design又正，
去到放低d行李，我地又去左我個flat，
我又pack箱同clean我間房，跟住番home食飯，好豐富！
2/12朝早我地又去左我個flat到check out，好快搞點，
去左Sunday market同new world，成日都超大霧，
能見度得50幾米，番去到呀素home就係到hea，係屋入邊周圍行！
3/12我地去左交車，再去機場飛去christchurch，
跟住渣成3-4個鐘車去kaikoura，去左一個farm house既地方留宿，
果到有d地方比我地摘豆同其他菜，夜晚食牛排！
4/12我地去左行山，天氣都熱，個山又斜，
行左2個鐘到先上到頂，180度Pacific 海景，
落山既時候就超快到山腳，50分鐘到就到！
5/12原本坐船去睇鯨魚，但係因為朝早太大浪，所以cancel左，
去左睇薰衣草園，差1-2個星期先到季節，所以唔算太紫，
不過成個地方都好香，下午去間bar到食lunch，
d海鷗走黎搶食，趕極都趕唔走，
食完lunch再去睇下有冇坐船去睇鯨魚，今次可以去，
不過d浪都唔細，坐船坐到好似過山車咁，好鬼正，
之後睇鯨，都睇到3條，成架潛水艇咁，之後上左船既上層，
架船又係搖黎搖去，有2次d浪勁到打左上黎，
好彩我著左防水褲同褸，不過我後面果d人就濕曬！
6/12我地渣車上franzjosef，渣成7-8個鐘車，真係難頂，
跟住到左間好令既motel，比起之前間farmhouse，設備完善好多，新正好多！
7/12朝早去左行glacier，不過冇得真係行，
只係可以係外圍影相，join團又貴，下午去左玩quadbikes，
要換曬防水裝備，第1次渣呢d，所以好緊張，不過好易上手，
我架車住我家姐，我呀爸車住我呀媽，架車既越野性能真係好勁，
車過d大石,泥,河, 河床, 草，完全冇難度，車過d水先正，
最考技術既係落河，40度落斜，不過我架車載住2個人，
重d冇咁易反車，過完河準備要上岸既時候，
我架車比d泥‘絕’ 住左個後碌，帶隊果個叫我去盡油，
我架車就一chok上左岸，幾驚去得太盡會反車，
之後去到midway，我地有個tea time，同我帶隊果個傾左陣，
原來佢都係massey讀過VCD，不過後尾drop左，
之後再出發，我車我呀媽，我家姐車我呀爸，
唔知係咪我玩過小型賽車，所以冇話咁驚，渣左成2個鐘，夠曬過癮！
8/12朝早去左fox到個湖，去睇湖鏡倒影，可惜有少少風，
湖面唔算太平靜，跟住又去左行fox 個glacier，
唔算難行，好彩天氣都幾清涼，行去幾途中，
要經過2條急流既河，其中一條好難過，
就算踩住d石頭過都有可能濕腳，好彩我對行山鞋性能良好，防水一流！
9/12渣車去lake hawea，架車差d冇油，
去到成個town先得一間shop，住係呢到d人真係勁，
去到我地間motel，又係地方唔錯，幾大，夜晚食個超大羊脾！
10/12朝早去買左4個day licence 去釣魚，之後坐艇去釣魚，
個湖都幾大風大浪，不過都冇阻我釣大魚，我地每次用2枝魚桿，
我地一路行住架船，等d魚餌睇落去似細魚係到游緊，每次有魚上釣，
隻船就會slow down 同停，所以為左唔比個魚鉤kick係湖底d石到，
所以每次有魚上釣，另一枝魚桿都要收線，初初我呀爸釣到第1條，
之後到我釣到，跟住有次收線，個鉤唔見左，之後除左另1次之外，
我每次收線都有魚上釣，有時魚餌一落水無耐，我就feel到好似有魚，
臨尾果2次我仲釣左2條大魚，我總共釣到8條，6條中, 2條大魚，
我地成家2個鐘內釣到14條，最後我地拎左4條中, 2條大魚走，
其餘8條中魚就比左渣船個人，搬番隻船上岸後，
我地就係個湖邊刮魚磷，搵冰雪住帶番home，
之後去左lake wanaka，果到規模大好多，
又去左個puzzling world，好多野都係玩視覺效果，又有個大迷宮，
我同我家姐行左成個幾鐘都行唔到出黎，其實我地都知道曬d方向，
但係實在行得太多，冇力行，就走左，夜晚拎我釣d魚黎做刺生！
11/12朝早離開lake hawea，去duniden經lake wanaka，
我地去左玩射箭，我都射很唔差，跟住玩射真槍，
.22 rifle，25發子彈，呢個槍冇咩後助力，又唔係話太大聲，
我射得幾好，有次試唔帶眼鏡，都ok，
有次試唔用架hold住枝槍射，off曬，枝槍太重，
玩完渣車去duniden，果到d buildings勁殘，
去到我家姐個flat到就仲冇癮，坐既地方都冇！
12/12呀媽生日，買左個勁多磅既mud cake，
第1次食個咁重咁高密度既cake，食少少都飽死！
下午我地去左睇企鵝，個導遊係法國人，d口音係勁重！
13/12每朝早餐都係食個mud cake，因為實左係好大個！
14/12同katie去佢otago個campus到同周圍影畢業相，
跟住又去左佢個department既一個聚會，不過真係ok無聊，
我地又唔識d人，好彩唔係得我自己一個去！
15/12朝早又去同katie周圍影畢業相，
同埋佢個department既同學一齊影，下午有個巡禮遊行，
我都唔知中文叫咩，總知就係d畢業生係條街都行，
我既任務就係幫我家姐影相，同check手機，
之後4點幾就有佢個畢業禮，係我家姐上台拎証書呢段咁短既時間，
要影幅好既相係好難，仲要用部唔係話太好既相機，
最後好彩成個畢業禮唔係長，完左之後我地去左個供畢業生, 家屬聚下既地方到，
飲下野同食下野，點知撞到我massey個同學gili，
佢家姐又係畢業，真係唔知呢d係 ‘喬’ 定係巧合！
16/12我地去左ashburton，住左係間hotel到，
間房冇冷氣，冇窗，又熱又焗，夜晚去左間酒吧到食野，
入邊有乒乓波檯，同我呀爸媽打，幾正！
17/12去christchurch，我地太早去到，
所以係機場到坐，見到一個令女係counter到做野，
後尾先知到佢原來同我家姐識既，7點幾先飛去ackland，
12點幾飛hk，今次搭飛機可能係第1次冇睇過戲！
18/12 朝早5點幾番到hk，拎住幾十個行李，
搭車番home，撞正d番學潮，真無奈，
番到home發覺我個行李個密碼lock壞左開唔到，
要 ‘gale’開佢先得，跟住呀婆黎左，帶左d新鮮老婆餅黎，
下午4點幾跟左我大家姐去打boxing，初初跳繩，條繩係重d，跳成10mins，
跟住又做3 sets各30下既seat up同push up，做完之後係差d嘔，
休息左5-10mins後學打沙包，打靶又有，幾過癮，好過做体能！
|
