星期一開學，final check，我帶部電腦番去，

show左我d vis rep storyboard比Matt睇，同佢講我有2幅我覺得麻麻地，

我覺得好卡通，佢比左d意見我，我又參考其他人d work，

又見我呀sir，呀sir見到我個storyboard都冇咩野講，淨係next-next…，

係我問佢我覺得麻麻地果2幅可以點做，佢先講d野，

見完佢我就即刻開始執圖，matt同我呀sir都話我個電腦個fan嘈，

睇黎番hk可能要check下！

星期二上history，冇左半班係到，個個都趕deadline，

lunch之後我約左matt去一齊print野，6張A3，

都ok多人黎print野，都係massey design student，

print完就番home，到夜晚排d printing既次序時，

發覺一幅有2個photoshop mistake，check咁多次而家先見到，

其中一個係我photoshop時唔小心整左個擦膠印係個圖到，

幾左白色一達，我搵d marker油番佢，但係另一個係擺位唔岩，

冇得搞，所以都要照用！

星期三present，尾3,4先到我，係到等同睇其他人present，

都幾漫長，有d有趣d就ok，有d work唔夠成熟，好表面，

我就會諗起上年我某d 唔掂既work，不過好彩既係我今次呢個一定夠熟，

lunch完之後見到N，我問佢係邊到print佢 d個storyboard image，

跟住佢尷尷尬尬咁答我..the images are just the images，

我初初都唔知點解佢咁答，直到佢present時先知，

佢果d都係d手製，搞到我好唔好意思，因為我搞到佢好唔好意思，

因為我都知道，要present一個好唔成熟既work時係最“才羅”命，

差唔多到我present既時候，我貼我個storyboard出黎，

我都feel到被受注視，我搬埋個cube出黎就仲多人望，

到我present時，之前係人地present時嘈開果d都靜落黎聽我present，

幾有tempo，不過到我講得麻麻地，因為我個Override system都幾多detail，

所以驚講錯，不過我呀sir都幫我口，又有d搶住講野咁，

大部份人present時呀sir都好多意見，

話可以可以點做，但係對我呢個final就冇，

反而係問其他人覺唔覺我個storyboard唔洗點explain都睇得明個overrides sytem係點work，

又真係有人點頭wo，跟住到我個cube，個個爭住睇，

不過我反而對我個cube感覺麻麻地，可能係個lighting搞個唔好，

唔知點解我present得好快，可能呀sir冇意見！

星期五番studio，幫手set up show我地final既exhibition，

搵唔到野貼我個storyboard，是但貼上去就算，

個cube我都唔想搞添呀，set好曬之後其他人都走得7788，

我就同呀sir係到搵野搞，用把軟尺度下其他人d cube係咪360x360x360！

呢幾日係到諗去workshop到用MDF整把槍fn scar，

又係到設計d 內部結構，等佢有d part可以work，如果冇essay同個test我一定訓身去搞！

星期日去new world買‘食送’，點知復活假唔開，

好彩有Sunday market，黎緊個星期為有食齋！

雖然話放2 weeks假，但係我差唔多日日都係到用photoshop做個storyboard，

都幾係野，workshop就淨係星期四, 五先開，

要等到果兩日先做到個cube，不過都叫做順利，係差上色同埋其他，

星期四係workshop做到咁上下，同steve去m記食番個angus burger，正到！

星期六約左samuel，佢黎我到，跟住我present下我個project比佢聽，

跟住去左呀su到飲珍珠奶茶，唔知點解我每次去都唔會見到佢係到，

之後去左食butter chicken，又去睇G.I.joe 2，

睇完之samuel話有野做，要番campus，仲諗住夜晚一齊食pizza添…

星期日朝早買完‘食送’ ，去左jimmy到，

佢下午飛nelson探high school，但係佢搵唔到佢個大袋執行李，

我同佢搵曬成間房都冇，跟住我一言驚醒夢中人，

我問佢有冇借過比人，原來真係借左比人佢唔記得左，

佢即刻打比果個人拎番個袋，我送左佢去搭車之後，

我去左steve到，佢比左cs6我裝落電腦到，photoshop,illustrator同after effect都用到，

但係好似我部電腦graphic card唔夠勁定點，用唔到premiere pro，

緊住我又同steve對打counter strike source(css)，

佢又教我上網down d改左既槍用，d槍型好多，真好多！

有讀者要求-workshop同我同組個女仔個名，

方便d睇同理解，所以此人將被稱為N…

星期一上studio，要諗個storyboard點做，

要有elevation, section, plan view係入邊，不斷係到畫，

我又設計我個cube d機關，如果個workshop成日都開，

又唔洗排隊等用d機器，我諗會好快做完，最慘就係唔係，

仲要每次做野都要帶曬d material去，d半完成品有要帶番去度位，重到死！

星期二history，同另一個同我同essay topic既女仔傾點寫，

但係佢都未開始research，所以都係我講大部份，好似好pro咁…=.=，

跟住分組前知道原來N本身都諗住做同我同一樣既topic，

但係又係因為錯email address，搞到佢sd唔到佢first choice比miss，

搞到我有d唔好意思添，搶左佢個first choice！

星期三studio，4個人一組同呀sir討論點做storyboard同個final果d，

我畫好曬個storyboard咁濟，跟住cube果d section drawing又好detail，

present時個個都對我個idea好有興趣，我個設計唔係淨係for自己，

係有關一d虛構既科技，但係可以好容易代入日常生活中，

同埋我個設計同google glasses都相似，

可以話係google glasses科技中既一個system都得，

d同學仲講笑叫我賣呢個idea比google！

上上下堂有個女仔黎搵N，

叫N擺個係到“裝”下-果到“裝”下 既pose比佢影，係住我地成班面前影，好好笑，

跟住我就醒起我都要搵人影相，

我個project係幅眼鏡可以睇到人地好既body image，

我storyboard有一幅圖係會有2個人，幅眼鏡係圖既中間，

會睇到果2個人都一半著得好，同一半著得唔好(唔明就算)，

我就搵左matt幫手，影左佢，用黎整合成圖，放係我個storyboard到！

下午上material，matt教我用table saw 鋸45度，

跟住又有部機整groove，matt整斷左個鑽嘴！

星期四又去workshop到整野，因為復活節唔開，

做到12點幾，出courtnay place同jimmy食飯，

今年真係冇咩點見面，我地都係到講自己個study d野，

跟住同佢去左shopping，同佢睇衫，跟住我又搵佢幫我手影相，

做storyboard ，又叫jimmy幫我影好似matt果次影果d 一半著得好，

一半著得唔好既相，我又借佢d衫換，影我著住唔同衫，用黎整cube！

星期一interim，頭2個鐘都未到我present，

lunch之後個2個鐘先到我，之前背好曬，所以都冇咩特別，

係d 老師對個final個idea有d意見，

點解個眼鐘要project個3D hologram係個reflection到，我唔識答，

個idea本身都係佢地比我，跟住佢地又叫我諗下project其他人個樣，

做其他人，呢個要求完全太過！

星期二history，轉左去block11到上堂，

essay要我地係個list既題目入邊選，但係每個topic唔可以多過2個人做，

真係要手快有，手慢冇，要send email比miss話比佢聽我選邊個，

點知我sd email左2次都唔得，原來個address錯，

搵到個岩既再sd，隔左3日都仲選到我個first choice！

星期三studio同我呀sir present我個新idea-副眼鏡可以睇到其他人既好形像，

所有人都帶，咁就唔洗成日照鏡去check住個形像，

呀sir即刻話好go for it，但係好平靜咁講，

都唔知佢係咪真係中意個idea，佢又見意我個cube整pepper’s ghost，

咁岩前一日我又搵到呢方面既資料，所以好興奮，因為我同我呀sir有想同idea，

上material，終於同matt同組，之前成日都唔同組，

跟住又有同我上次同組個女仔，上堂講spray paint, molding, sandblasting，

而家成日都係到諗拎我operation assassin把刀番workshop到再製！

星期四約左matt去workshop，係studio到等，

同我同組個女仔又番左黎，去到workshop用唔同鋸鋸木果d，

整grove同cut 45度，點知cut45度要係最頭個step，

我cut好曬d size,shape，已經太遲，所以我走去sand左佢做45度，無奈，

做做下越黎越多人，差唔多我大半個spatial class黎左workshop，

steve都黎左，做到1點半，workshop d staff放lunch，

我地冇得用d機器，我同matt走左去cafe食d野hea陣，

再番workshop做野，做到3點幾先走！

星期五番左studio上網同讀reading，同確定左我個essay topic，

最後搞到3點幾先番home食lunch！

星期六上圖書館借essay d reference書，跟住落town買d野，

番home又睇d書同寫essay，黎緊星期五要交800字outline，

1個星期有d‘問’lo，包埋做research！

星期一上studio，分組講下我地自己個project個ritual，

同個tutor助手傾我個final點做，但係我都唔係幾知要做咩，

佢越講越唔明，之後上vis rep，係mac到用photoshop整個collage，

之前佢叫我地準備d material 既scan，我帶左幾幅，

我唔知係原來用黎整collage， 拎住另外research時d相黎用，

但係都係太有限，又唔係太識用mac，亂整左d野出黎！

星期二history，我組要“present”個roman empire，

因為miss淨係要求我地research d basic資料，

差唔多組組都係得個1,2個人做果個文件，

其他組員都唔知個內容係咩咁濟，好彩我預左要present d野，

之前自己做左d research，到present既時候都有d野講，

幫埋其他組員添，跟住lecture又係講唔同style既architecture，

又做golden ratio, rectangle， 我發覺我d maths已經還曬比我d老師！

星期三上studio，又同tutor助手傾，佢都發覺搞到我好亂，

所以叫埋我tutor黎，2個人一齊幫我諗計，

最後我tutor叫做比左個方向我，不過都幾virtual同abstract，

好似google glasses同avatar咁，跟住上material，

早左30分鐘上堂，原全唔知道，遲左15分鐘，

跟住去workshop，又分組上唔同tutor教用唔同machine，

有laser cutting, high jet water cutting，不過呢d太複習，

所以都唔會記得，跟住有個wood cutting同sanding，

有得試下，我係我組尾2果個試，用完到最尾個女仔用，

但係一個完整既用法係要熄埋機，明知之後個女仔要用，

我都照熄機，我地都係到笑！

星期四去左studio到上網，見到tutor同助手，

我問佢地suggest比我既idea係咪，

一副glasses可以show我自己個reflection係個lens到，去代替真正relfection，

但係佢地就話係一副有projector 既glasses，

可以project我個reflection去我真正個reflection到，

變成reflection override，佢地對reflection override呢個字有好大興趣，

所以我諗佢地expect我向呢個方向到做，

但係我就搵唔到一個make sense既reason去explain個space點樣改變，

所以我問個physics 人katie！

星期五朝早去左圖書館借history個reading，有10頁要睇，

點知只可以借2個鐘，講真點夠時間，仲要唔可以帶走，

所以我就坐底係到睇，睇成個幾鐘都係睇左1-2頁，

個classical architecture style，d terms多到，

最後我走去scan左個10幾頁入電腦，跟住去還書，

之後我去左workshop到買material，student pack $34蚊，

有d mdf, acrylic, plywood, chipboard…，重到死，

我番左studio到拎番對手套，再搬d野番home，好彩住得近，

但係搬完手到震，食左2個番茄，又番studio上網, 睇reading同搞final果d，

做做下見到之前workshop同我同組個女仔，

佢又買左 material student pack，我同佢講-我岩岩先拎完，

佢問我擺左係邊，我話-home，佢問-locker放唔放到，

我話-唔得,不過其中一塊得，不過我都冇咩分別，

之後佢就試一試，放唔到，佢就自己搬番去，

我果時諗我仲有個reading同大擺野要做，又有部電腦係到，

所以冇問佢洗唔洗幫手搬d，我聽過佢講佢都住得近，

我幫手既話都應該唔會太耐，不過如果要搬我就要lock我部電腦係locker，

我之後有d後悔冇問佢洗唔洗幫手，真係冇無奈，

我之後繼續睇reading，睇到嘔電，我見d人走個7788，

on skype問下katie d，reflection,3D,2D果d野，好physics既野，

不過佢好似理解唔到我要做咩，雖然我都唔係好知自己要做d咩，

最後佢都叫比到d idea我去諗到個較合理reason，

8點幾番home，11點到火警鐘響，又走火警，

我上年住cube都成日有走火警，但係今年我聽唔到佢地有走過火警，奇怪！

星期一番studio，同3rd yr一齊上，介紹個starfish既品牌，

但係同我地2nd yr要做果d野冇咩關係，所以有d誤導成份，

搞到我地唔知要做咩，之前識個男仔叫matt，

佢話係nz safety買safety gear有學生優惠，但係間鋪搬到去機場果邊，

但係個優惠太優惠，非去不可，上堂介紹我地開個blog，放功課上去，

又去做左個body scan去整個sketchup model出黎，真誇張，

之後我地又提早放，番到home我就上網check巴士路線，

google map d資料又唔update，想100% confirm都唔得，

煮完飯醒起要增值張napper同電話card，

就去左campus入邊間bennit，但係冇napper增值，

好彩個人同我講係campus出面間dairy做到，

跟住 2nd yr第1次撞到steve，佢讀industrial都要workshop果d safety gear，

佢話原來bunning warehouse有d超平既買，如果我早d知咪好lo，

我同佢去左bunning warehouse到睇，不過都冇買到咩！

星期二朝早上history，講architecture history，

可能同samuel讀果d差唔到，

放左之後去左我住果到樓下個巴士站到等車去kilbirnie，

11同18號巴士都去到，上左車好彩有phoebe張napper，方便好多，

因為我唔知我落車個站係咩樣，所以要一路睇住我手機影低既果張地圖，

雖然遲左個站落車，但係都係我預算之內，

落車5分鐘都唔洗就搵到nz safety，

入到門口見到我一個同學係到買緊dust coat，真翹，

dustcoat得番9號size，雖然有d大，但係我都仲著到，

class 4 earmuffs冇，所以要買class5，

dustcoat原本應該$60幾蚊，學生價$31，計埋GST要$68.5，

入到去10分鐘都冇就出番黎，去巴士站等車，

18號同11號車個時間唔差太遠，所以我就等11車，

不出我所料，係之前車我黎果個司機，

因為我記得我落車冇幾遠就係總站，有張napper好鬼方便，

夜晚去左campus block 12到upload個blog，因為我個到上網太慢！

星期三番studio，派番之前做個safety test，錯3題，

1題我真係唔知，1題問幾時要戴safety glasses，

我見個mc有個選擇話，係workshop任何時候都要載，我覺得呢個最保險，

所以就選呢個，點知正確答案係when shit會有可能周圍飛既時候戴，

呢個我都接受得到，最後錯果題我真係覺得自己好低能，

題目問workshop建議用邊個level既earmuffs ，我知到係grade 4，

但係我見到得2個像樣既選擇，一個話最低grade3，

另一個我睇到grade5，咁我諗grade5一定安全個grade3，

點知我到派卷既時侯，先睇到係shade 5 green tint shield咁既野，我即刻無言，

我test時double check左，都係睇到grade 5，個比個’-ade 5’ 玩死左，

不過最後成個test雖然肥左，但係呀sir都照比pass，

我原本都好接受咁pass，但係就係最尾果題搞到我情願重測，

都唔想就咁pass=.=”，之後上堂我地用手頭上既material整d抽像model出黎，

跟住影相，下午果到入workshop上堂，教用唔同機器，

著自己買果d dustcoat同earmuffs，

冇就要借workshop果d超殘舊既黎著，material呢個paper幾好玩！

星期四朝早番studio用電腦，係home一定做唔多，

成朝係到做，upload野上個blog到！

終於係我電腦到裝左CS Source，畫面令過cs1.6好多，

中彈既反應都自然好多，總知就係正，上年原本都有，

但係裝唔到，今年番黎steve再down個新既安裝程式，終於裝到！

25/2 第1日開學晚，呀su無啦啦text我話送d野黎，

跟住送到黎，我真係好多野，呀su幫我手由車搬入我大門到，

跟住我再由大門搬到樓梯口，搬曬去樓梯口，再搬去2樓，

再搬入房，有次我由樓梯口搬上2樓，淨3個箱係樓梯口，

開始搬個箱既時候，有個女仔由大門入黎，

見到問我洗唔洗幫手，我話唔洗，緊住佢就上左樓梯，

我諗佢會覺得自己好好彩，因為當佢上到2樓既時候，

就會見到放滿曬我d紅白藍膠袋，

搞左勁耐先搬曬入我房，由2樓樓梯口搬去我房段路係木做，

行過一定聽到，所以唔可以太大聲，要慢慢行，

入到房拆袋又唔可以太大聲，本來可以早訓，點知要搞到12點幾！

星期二番去studio同我group果個開會(touch sense)，

跟住就話係個杯出面整唔同texture，每人整10個杯，

話明要用發泡膠杯=.=，開完會就落town買杯，搵左好幾到都冇，

最後行到最後一間2蚊店先買到，番到home開始整，

我係我d箱到搵到d冇用既膠杯，所以我就係個膠杯出面插窿整texture，

再放個發泡膠杯入去，都搞左勁耐！

星期三朝早去左studio到聽elective paper既talk，搞左個鐘到，

番home一陣又再去studio開會show自己d杯，

幫手準備feast既其他野，又同我group d人去左campus個market day到遊，

即係我跟住成班女仔，非常之奇怪，

係個market day到撞到pj同rhueben，傾左陣，

遊完番去studio坐到12:30到，我地spatial 2yr要上個workshop safety既堂，

講d安全設施, 衣著裝備，其間同個男仔fd左，

其實上年都有好幾堂一齊上，都知對方讀spatial，

但係就fd唔到，不過而家都唔遲，最後3點半先完，

番home擺低d野，再番studio集合，feast開始，

我地就分番之前個組，睇個謎語再去搵樣野，搵到一塊野，

之後我地去左block 10前面集合，將唔同組既puzzle合埋一齊，

變成個寫住spatial kids feast 2013既牌，

跟住就由我地組touch打頭陣，所有人要蒙眼，

摸住條繩去個地方，跟住就會比我地之前整果d texture杯佢地，

之後去到smell，聞下有咩，估中左就有得開餐，最後有chips食，

因為成日都係campus到咁濟，都冇食到lunch，

除左market day d雪糕同cake，所以有chips食都夠正，

食完我地去左taste，有幾個唔同既壺裝住唔同既液体，

我地就要估係咩，d juice幾好味，taste完去hear，

一個吊滿酒瓶既地方，仲有d摺到三角型既 ‘紙炮’，

有d人唔知點玩，fin極都fin唔到，搞笑，

個個都係到鬥fin得大聲，成個活動都幾好，

同d人都熟左d！夜晚係到睇曬成個workshop safety manual，第日要test！

星期四test workshop safety d野，起身就開始溫，12:30去考，

其實個test係幾簡單，mc題，有d答案幾明顯，

不過25題最多只可以錯1題，如唔係就fail，

所以都唔知得唔得，test完番home，開電腦上IE，

變左blue screen，禁咩制都冇反應，要蚊電重新開機先得，

但係一用IE就又係咁，最後好彩我之前keep住左個firefox安裝程式，

裝左先可以上網，但係睇唔到youtube, google map去唔到街景！

星期五約左samuel，同佢去nz safety到買我d workshop safety用具，

但係去到就唔見有nz safety(lecturer推介)，得zip safety，

不過照入去睇，買左dust mask x 3- $15同safety glasses- $20.5，

本來諗住買埋class 4 earmuffs，但係好似成$33，

之前上網係nz safety到最平有$30樓下，所以冇買到，

dustcoat 話要訂，所以睇下點先，比錢既時候佢eftpos收我$15，

我就奇怪，跟住佢又冇野咁，我問佢拎番張單，

佢鋪頭張單就有list果2樣貨品，但係total果到淨係得$15蚊，

佢又冇覺得有野，照收，我即刻同佢講番，佢就收番我錢，

咁都得，之後再去另一間賣水喉順便賣safety野既鋪(行過見到)，

原來有lecturer 搵過佢地關於學生safety gear d野，

好似話係industrial d老師，佢地仲話星期一會有dustcoat既sample到，

咁即係我應該冇搵錯地方，其實都係我自己發現呢間鋪，

我老師推介果間其實搬左老遠，

不過好彩係有另一間野係番原本nz safety同一個地方到開，

去完間鋪就同samuel去食lunch同睇戲，一套3D cirque du soleil，

講馬戲團表現，開到差d訓著，不過後尾就都幾精彩，睇完番home hea陣，

再去pizza hut到買pizza，4.50個pizza，我同samuel ，每人買2個，

都幾大個幾足料，我食左一個，samuel食曬2個，

食完同佢玩搖搖，佢中意looping多，我又諗住玩番幾招，

點知斷繩，跟住samuel就話佢整得番，我話我試過唔得，

佢就話比佢整得番，我用盡所有理由唔想比佢搞，

等佢唔好再煩，點知佢就好似個百痴低能咁，

係咁問why not同but I can still fix it，

就好似S- I can fix it，我講-試過唔得，

but I can still fix it，我講-綁左條繩,有個結係到就唔好轉，

S - but I can still fix it，

我講-我唔中意咁整，S - why not, I can fix it，

我講-我唔想理佢整唔整到，就係唔想，S – why，

我講-我想留住咁樣，

S – why, becoz u want to keep it as an evidence to proof ur practice，

我講-yes(我真係咁諗) ，

S – ok, that’s understandable, but.. I can still fix it，

我心諗 f u(英)，真係想爆粗鬧佢，我最後趕左佢走，ma de(普)頂佢唔順！

呢d已經係簡化左既對白，現場真係想*@^$(*@佢！

18/2飛nz，我家姐同明姐都係同我同一日飛，

離境去左我家姐個gate到坐左陣，跟住去meet明姐，

佢趕住上機，所以一見到講2句，自拍幾幅之後就走左，

之後我行去我個gate到遠到死，上機時見到我一個massey個同學，

應該係北京果頭到飛黎，上到機都唔係話好full，

我隔黎都空左個位，個飛機餐幾好食，11點幾到Auckland ，

落機入境，拎行理過關，好快搞點，

放低埋件大行李係內陸機果到再慢慢行去個機場，係到坐左勁耐，

食左d sushi先再上機，2點幾先上得機，上到機就訓下醒下，

3點20分到落機，拎埋行李，去搭shuttle ，$20去我住果到，

3點50幾就到，走番去cube樓下間面包鋪，食叉燒飯，

食左1幾鐘，緊住又係到同個老板吹水，

傾下hk d經濟, 政治, 社會問題，6點20幾分走左去taramaki217到，

入到去見到個staff，佢就帶我去間房，間房好大，

有自己廁所，個露台對住我上年住個cube到，個staff走左我就執野，

都冇咩野執到，d野係曬呀su到，夜晚係我門口到可以睇到星，

搞完上網果d就走去訓，都係用番cube果個好，

217果個成日都斷線，5am訓醒左，走左出去睇下個廚房有d咩！

20/2去左warehouse買左個晾衫架-$13.8同d廁紙，

之後去左呀su間鋪到搵呀su，點知佢唔係到，

就走左去yans market到買左個有膠碗, 叉既面，

d用熱水or微波爐可以煮到既食物，因為仲未有廚具煮野，

食左個碗面就有碗同叉用，可以捱住幾日先，

係yans到撞到stella，同佢傾左陣，

傾完買完就番home，我就係到練我d搖搖！

有日去左間2手鋪到，買左個煮食bowl,2隻碟,1隻杯,1隻叉，

都係$8.2，可惜冇pan，日日係home到練搖搖，

練到其中一個搖搖條繩斷左，好彩冇打爆野，學左好多新招！

番左黎咁耐，洗左成2百-3百蚊，真誇張！

而家一個人住幾好，中意幾時去廁所都得，

係煮野食果到煩d，煮親野都要帶曬d廚具去！

第1日開學，我地spatial design 2nd yr夾埋d 3,4yr有介紹果d，

spatial design係一個study about environment or inhabitation，

有d architecture, 室內設計, digital等等等，

仲有原來好似3yr個average要有唔知咩grade，先可以4 yr讀到honour，

如果唔係4 yr就咁bachelor，有次呀sir問邊d係1st yr，

我同好幾個同學都有舉手，緊住講講下先知道比佢陰左，

黎緊我地有個2,3,4一齊做既活動，

關於welcoming, 但係又加d touch(feeling)既元素落去，

真係唔知要做咩，太抽像，我個組有個之前DHS入邊個師姐Janelle，

真係唔知‘橋’ 定巧合，我之前以為佢去左讀photography添，

之後仲有個女仔我1st yr都叫傾過計，所以都可以有人問下野，

我地黎緊大部份時間都會係到過，

又或者隔黎block11個industrial workshop，

仲以為淨係得industrial student先可以用添，

我地成個2yr SD(Spatial Design) 有40-50人，

加埋我都係好似唔多過5個男仔lo，

我個呀sir已經記得我個名，真快，

2個鐘到完左走得，本來下午有4個鐘堂，

不過1st week，cancel左，正！

14/2情人節約左woody同文去左jcc到，要上圖書館，

文要幫jcc手拍d workshop既宣傳片，文應該第1次拍野，

所以唔係好自然，所以我都間唔時幫下手，比下意見，

拍拍下我就搵書睇，好耐未咁有興趣咁睇書，

拍完我地搭車去YL，行YL廣場, 千式，3個去左書局睇書，

我搵d art history果類，睇下有冇d可以幫助到我寫essay果類，

最後搵到本教點樣欣賞d畫，我睇到係$280，

最後買左，原來果個係台幣，港幣係$93，真係好！

跟住去睇玩具，睇搖控車，跟住文要去同佢family果d食飯，走左，

我帶woody去我間最起愛既玩具鋪，睇氣槍，

見到d正版超速搖搖，隔左咁耐，而家都要50幾蚊，

之後我地去左睇傢俬，跟住maybo到左，

我地就去搵佢，maybo bfd都係到，佢地係髮型鋪到識，

之後佢地就係到搵下有咩戲院冇爆，我地個個都想睇-熱血喪男，

用手機上網check下邊到有位，好多間都冇，

又要問埋陣間食完飯黎join我地既文，

同join我地食野既colin睇唔睇套戲，colin話唔睇，

文就話太夜，第2朝要番學，不過比maybo說服左去睇，

跟住check到話TM巴,紐,倫有位，但係打唔到電話book，

要去到先知，最後決定搏一搏，接埋colin我地就去食大排檔，

其中有個中式牛柳，maybo夾埋最後果件黎比我，

我就話仲有d洋蔥，不過我個碗full曬，諗住下round先，

點知冇耐 maybo叫人收左碟野，佢bfd都話我唔係要d蔥咩，

但係個人已經拎起左碟野，所以就算，

跟住我就同maybo講-“連你bfd都記得，睇下你幾唔上心”，

maybo就即刻係個雞煲到，係咁夾d洋蔥比我，

我就無奈咁講-“乖, 乖” ，食到咁上下，文黎join我地，

我地就行去朗屏搭西鐵，去到買飛既時候已經唔係好多位淨，

頭3排同後面d散位，不過照殺，我地全部拎曬學生証買，

買完飛colin搭番車番home，我地淨番果d就係到等11:35開場，

原來呢套熱血喪男係今日先上映，唔怪得知爆場，

勁多情侶係到，由YL同TM，我都見到好多女仔收花，等到開場，

套戲idea好創新，又好笑，睇到1點幾am，maybo同佢bfd自己搭的士，

我, 文,woody自己一架，經洪水橋去TSW，大興到我果到都係38個幾！

15/2下午約左lok熙, 烽食日本野，lok熙黎先，

佢做野件制服真係似學生PE服，所以計左我地兩個學生價，

但係烽後尾黎到，見到佢，個侍應問佢係咪學生，

佢就話唔係，到埋單時，我同lok熙比學生價，

烽就比正常，真係搞野，食完佢地兩個又番工！

14/1約左lunlun，去到YL佢話trendyland到買緊野，

所以我就去左搵佢，入到去我一枝箭沖入間鋪，

有個令女sales見到我，就好快手咁問 “先生，想要d咩?” ，

我諗左陣應該點答好，我就話 “……我…自己黎得la”，

入到間鋪最入，但係唔見呀lun，我就走番出間鋪出面，

原來lun就係門口個位，頭先比人遮住左，

我入番去搵呀lun，個sales又問“先生，想搵d咩呢?” ，

我就指住lun話 “我..搵人” ，超搞笑，lun係咁選左好多野買，

到佢埋單，埋好曬單，個sales好正咁講 “先生” ，

我望一望，佢話“才羅 野呀” ，我真係心入邊 “笑左” ，

跟住個sales講88，我都特登應一應佢，之後我地去左拎我身份証，

都等左陣，拎完我地去安娜到食，d野都唔錯，

食完我地去左睇戲海嘯奇蹟，真係好震撼，

估唔到海嘯既威力係咁勁，套野拍得好真，有d地方我都睇到feel到痛！

22/1朝早跟我呀媽去同佢d ball友打ball，都幾好玩，

比佢地 feel下d 快速比賽，約左文去我到，我係咁過戲比佢，

一路問下以前jccss d同學而家點，跟住係到玩估歌仔，

文都估到大部份，冇耐烽都黎左，佢又估埋一份，

但係就冇咩幾樣首估到，之後我又show我d珍藏百年樹，

佢兩個都睇到o咀，之後無啦啦變左書會咁，

個個都係到睇書，之後去左樓下食野，

講起烽係林lok熙既介紹下搵到佢而家做果份工，又講起打羽毛球，

跟住我醒起林lok熙係fb post過d打羽毛球既相，

所以可以搵佢，約埋文, 烽一齊去打羽毛球，就係咁樣我地就講定約打ball！

25/1約左文去我family逢星期五打既羽毛球 “club” ，

起初見文開唔到ball，跟住我就教佢，我見佢冇咩底子，

所以訓練下佢，練完之後都ok，臨尾個鐘我先帶佢落場同我夾，

都打得唔錯，係仲未掌握好個timing！

31/1放左工，4點約左文, 烽, 林lok熙去天水圍運動場打羽毛球，

真係都有ok多年冇見過熙，不過佢都冇點變，打ball既時候，

我係咁轉partner，試下對曬佢地咁多個，原本諗住打分，

打打下都計唔落去，所以我就開始玩d‘刁轉’ 既ball，

放多d網，等佢地知多d唔同打法，佢地之後都學下放網，

打完我地去左m記到食野，用我張買A送B卡，

食完去係銀座出面影相，跟住去左天耀樓下坐，係到講下是非！

4/2再約烽, 林lok熙打羽毛球，約佢地之前我去左銀座到買對鞋，

一款我想要好耐，但係上年見到平但冇買，今年難搵同搵到都好貴，

好彩上次打完ball經過，比我見到，$350算係咁，今次係天瑞打，

個場好好多，我去到熙黎左，但係打比烽冇人聽，

所以我同熙打住先，冇耐烽就到，跟住到我1打2，

係咁比佢地練高遠球，比烽練下殺ball，

比熙練下放網，幾好玩，我一個人走曬個場，

打到出曬汗，打完坐係個場到散熱，

跟住去左north kong到食格仔餅果d小食，

之後去排隊等位食野，食到出曬汗，食完再行左陣就散！