前日我同我homestay去左幫mark homestay個細佬搬雞屋，

佢花園超多果d好colourful既蝴蝶蟲係到食緊葉，

有d仲係成隻手指大，去到佢地叫我係個雞屋到拎左d蛋出黎先，

然後將側面d野搬開，再搬起個雞屋，

個雞屋應該係鋁製果類，所以好輕，

我地將個野搬去個近樹既位，

之後又將另一個雞籠搬去個雞屋隔黎，

搬到去我比d樹同個籠夾死.....

琴日同mark去左car show，我影左成155張相到，超多經典車.....

今日朝早番到common room，我又係到排番好d梳化，

第1堂calculas，又重溫番d野，miss s堂應該會幾好玩，

第2堂study，我又係到吸塵，緊住係到聽d女仔講是非，

之前校長黎過，話想睇去camp d相就臨尾15分鐘去佢office，

到左果個時間，d女仔又話唔想去，但係又唔去唔得，

我冇理佢地一枝箭就走左入去校長間房，

佢地後尾黎到見到我，都話我好勇，我心諗校長又咩好驚，

第3堂art，同上年d人差唔多，少左我個fd 呀ben同travis，

第4堂graphics，今年我地同year12果d一齊上，

我地照做番上年交帶要做果d，

lunch我地year13有好多包,午餐肉,芝士,香蕉，

本來呢d係比我地去camp時食，但係冇食到，

我地又比曬錢，所以lunch比我地食，

第5堂chemistry，samuel唔係到，所以我自己一個坐，

呀sir已經教左d新野，因為天氣實在太熱，

所以我拎左我把扇出黎用，冇幾耐要做d練習，

但係我唔係咁識，所以企起身周圍望其他檯，

之後大m,T,jayden同呀sir叫我去佢地果檯坐，

所以我就坐左過去，之後大m,T又拎我把扇黎玩，

跟住佢地問我點樣打開把扇，我拎定把扇放係檯中，

我"術"一聲就打開左，因為佢地控到好埋，

打開果下嚇到佢地彈開左，之後佢地又問我點轉筆haha，

我果時同kazu學轉筆係岩ga，

臨落堂前HL問我calcuas既一本書係咪要買，

我問邊本(其實我都知知地)，佢話綠色果本，

跟住我話兩本都係綠色ha，然後佢話有好多正方形果本，

大c show左佢果本比我，跟住我話free嫁，

問老師拎就得.......，放學時又曬又熱，

我真係又擔遮又用我把扇，呢到d人一定o曬咀！

前日正常番學時間番左學校等去camp，

我企係common room門口，第2個人番黎係holly，

佢拎住好多野行黎common room，我幫佢拎d野入去，

之後見到ryan，佢企係office門口，

我走過去叫佢去common room到，我拎起佢d野諗住行，

佢話佢等緊frances，之後frances出左黎，

ryan拎走我拎緊果d野，frances d野係地下，

我諗左2秒，我兩手空空，冇理由唔幫手拎ga，

所以幫佢拎左d野，去到common room都係坐，

等到9點坐車去camp，落左車講分房同換落水裝果d，

我地男仔有2大1小既房，我訓果間房最大，

又多床又有好大地方玩ball，之後我地分左6組，

我組11人，我組首先去左果個"地雷陣"，要爬樹，

唔可以跌落地下，要成組人一次過過曬，

之後一個就係搵野整個擔架出黎，

抬一個被"燒"既人去另一個地點，再倒水落佢到，

扮燒傷果個比人dout頭倒水落佢到，跟住玩第3樣野，

係一個近河邊既小森林到，起一個shelter，

我地組選左一個好差既地點，所以起得好差，

跟住要成組人訓曬係入邊，我幾驚個野會散，

玩完呢個去食lunch，之後我組終於要落水，

我組要搵一個人做大佬(sarah)，

跟住佢要係個面同上身到查d泥，再坐係個水泡上面，

之後我地成組人就要拖住佢，係條河到行去另一點，

因為河床d沙石好鬆散，所以有可能突然之間踩到好深，

咁你就沉左落水，跟住坐係水泡上面個大佬就會跌落水，

咁就要重新開始，我地都跌左次，個河床真係突然就深左，

本來半腰深，變到去下巴深or腳點唔到底，最後靠岸行，

到左個點要上地，仲要搬個大佬上斜，放低佢，

第2個就係比4個水泡你，自己整個木划，

要成組人坐上去 漂過"激流"到另一點，

個木划都坐唔得好，我坐坐下就跌左落水，

個木划d木條係斷左lo，第3個係比2個水泡我地，

跟住套上個人到，成組人拖佢經過個急流去另一點，

個流真係好急，一失重心就沖走左，我跌一跌就比水沖走，

好彩d同學蚊住我，好搞野，跟住比我地自由時間玩水，

我就拎左個水泡，坐係上面漂過個激流，都玩左7-8次，

有d人就爬上d山邊，再跳落黎，我之前都有玩片石仔，

但係之後唔記得左，真係晒左，我地都玩左ok耐水，

之後換衫，然後分社去準備d活動比賽，

跟住就去河邊搵石頭切個爐出黎，起火再放個鐵板上去，

d同學帶左d牛排去煎，雖然都lone曬，

之後我走番去個camp運d乾淨水，真係山長水遠，

番到河邊，我倒d水係個小鍋到，再放係鐵板上煮熱d水，

放幾個面上去，煮到咁上下，將個面放上鐵板炒，

落d生抽同味精，因為我同有d同學洗野所以搞到好遲，

就有得坐呀sir架農夫車車尾番camp，番到camp就到我地個社際賽，

1分鐘speech, 獨唱, 4人唱, 數問答, 冷知識問答, 射籃,

4人默劇, 全社演劇, 4人機器, 12人3層金字塔..........，

我就去左4人默劇, 全社演劇, 12人3層金字塔，我係咁錄影，

有一下呀sir講緊野，我影相冇關閃燈，跟住全場另轉頭望住我，

最後我個社又包尾，社際完左我地就行上山睇螢火蟲，

行鬼咁耐先去到，周圍都冇燈，真係要用電筒，

d山路都幾難行，去睇螢火蟲個位唔可以太多人入去，

所以分左3批，我係第1批，睇完出到黎係到玩下電筒，

同人傾下計，之後行番去camp，因為落雨，所以冇得去solo，

我就去左沖涼，個熱水鬼咁熱，係好似較唔到暖水咁，

沖完番房訓，為左唔比人睇到我訓覺個樣，

我只戴住個暗部面具，熄左燈之後我就除左，因為太焗，

有個同學見到我個面具，問我係咪暗部果d，估唔到佢都識，

然後d同學係咁講野嘈到訓唔到，到佢地訓左，

有幾個d鼻"降"聲又嘈到死，周圍訓緊d人要拍佢張床整到佢冇咁嘈，

2點15個smoke alarm無啦啦響，成間房都醒左，隔黎房都有人聽到，

我出左房睇，淨係得我地房響，之後d同學拆左舊電佢先無嘈，

我5點幾就起左身，因為d鼻"降"聲嘈到訓唔到，

我搵左果d好長既草，織左條繩，窄住我落水果對鞋，

食完早餐，就講心得學到d咩，原本會行去waterfall，

點知又落雨，所以冇去，10點到就坐車番學校，番到學校，

我等小息完左，同個老師去銀行到入票，

跟住佢車我番home，我沖左個涼，又再番學校，

因為有隊黎自美國既牛仔band黎我地學校表演，

我同部份year13留係到睇，隊band係到講野既時候係咁釣魚，

不過當一個year9問對band問題既時候，全場大笑，我都醒左，

之後開始唱多左歌，全場企曬係到，

果小部份既year13行左出去拍手，全場hi爆，

夜晚我homestay話學校老師搞bbq party，我跟埋去，

開頭d野食未搞點，超無聊，

得d老師係到傾計，好在之後有好多甜品食！

有得用common room，所以我就去左搵老師開門比我，

我諗我每一日都會係全校第1個番既人，

我之後望住year13續個續個入黎，打左鐘後，

要去hall到搞新生歡迎會，d chair一排過面向走廊位，

我坐第1排，比人望到正，跟住我地全校要跳毛利果d歡迎舞，

我咁前唔跳唔得，跟住仲要比人影相，慘，

之後又要唱毛利文同英文歌，歡迎完去common room到寫文，講自己，

第3堂english，又係答問題講自己，

第4堂calculas，好多人唔係到，所以未開始教，

我成堂就係係到放紙飛機，lunch終於有機會同mark傾到計，

第5堂study，因為未教過野，冇得溫，所以我係common room吸塵，

搞完係到坐，等放學，再同mark一齊落town，

真係山長水遠番home，去到我到mark見到我暗部面具同埋個苦無，

係咁讚好，佢雖然都有2枝苦無，係我個正過佢果個好多！

琴日6點到離境，今次係第1次全程自己搭飛機，

清關果到見到好多20幾歲既關員，

有個女關員仲係到撩個bb仔，真係咁都得，唔洗做咩，

過x光機果到佢有d盤係到比你放野，

但係收盤唔夠放盤既快，收盤果個人就話慢d，

點知放盤果個冇理，收盤果個就話而家鬥快呀，

跟住兩條友係到互beer，另外淨企係到果d就係到笑，

係d遊客面前搞d咁既野，影響曬d型像，

跟住因為班機delay左十幾分鐘，我又神早到左閘口，

所以係到等，自己一個真係麻煩，

想去廁所又要帶埋d行李，去完番去坐又驚個位比人坐左，

總算上到機，去到個坐位對出，因為我遲book位，

所以要坐中間排既中間位，

我要擺我個行李上去頭頂上個行李"櫃"，

因為有人擺左少少野係到，所以我唔知點放我個体積咁大既野，

好再有個好高大既空中少爺走黎幫我，

佢真係黎得及時，放完野就坐好，

我今次都少自己睇戲，我係到聽歌，

跟住睇我隔黎d人睇緊果d戲，我全程係咁聽同一set歌，

我隔黎果兩條友，一係就係咁訓，一係就係咁睇戲，

十年都唔去一次廁所，最後我都頂唔住要出聲叫人借比我出去，

今次我都訓左ok多，不過都係斷斷續續，

落左機行去拎行李時，比d隨意抽查果d既關員抽到，

我一出機就中左，不過佢問d野我都識答，

完左去入境，好彩我係nz passport，唔洗點等，

如果換埋新passport仲快，可以自助過關，

之後拎行李，因為得我地呢班機，所以清關都唔洗點等，

不過佢有分nz passport同其他passport要伸報同冇伸報4種，

首先要比個人check你寫果張arrival card，圈低我冇野伸報，

然後又有另一個人叫我比passport佢，

我就行左去x光機果到想擺d行李上去，

點知又有另一個人又問我拎passport，

我就令轉頭望拎左我passport個關員，

佢話我都未問你野你就走左去，

我即刻調頭走番去佢果到，好無奈咁笑，佢都係問埋d普通野，

其實我之前都有諗過應唔應該停係到等個人，但係都係冇，

清完關就搞掂入境d野，之後就去將我件行李寄倉，

然後行過去內陸機機場，途中超大風，

去到坐係到等，果時個肚唔舒服左陣，

到話比入閘既時候，我好快咁走去入閘，

因為我驚如果我個手提行李入唔到，

佢要我點點我都趕得切搞，又或者因為我早入去，

d人就放鬆處理，我比個人睇張機票，

單手夾住個電腦袋，又拎起個手提行李，

扮到好輕咁，個女人睇完機票都望一望我個手提行李，

但係冇出聲，所以我即刻行快d，廢事比其他工作人員見到，

上到機我諗住擺我個手提行李上頭頂個櫃，

點知唔夠大，不過好彩放到係坐位下面，

跟住回過神來，發現個空姐有d歐美既自然韓國人feel，

真係唔錯，到左派糖既時候，有兩個20-30到既男，

見到個空姐比粒珍寶珠比個細佬，

之後又問個空姐可唔可以要粒，

個空姐話可以既.....要果你地想要既話......，

超好笑見到個空姐好似好無奈咁，果兩個男又係到hi five，

落左機mr/mrs roderick黎a接我，

車我去mrs scott我新homestay到，

mrs scott將呀jeff訓果間房油左白杏色，

成間房大左，之後我係到執野執死左，鬼死咁多野......

上個星期4我同大家姐搭車mk，跟住去油麻地地鐵站，

之前我係個拍賣網到，話想買2個火影暗部面具，

共90蚊，所以去左交收，個過程好順利，

完左同我大家姐去個cafe到，我地book左場，

搞一個小學聚會，我整係讀到小2就走左，

其實主要係我大家姐既小學聚會，仲請左溫老師同mr李，

我2家姐同佢個fd都有黎，d人未黎齊既時候，

我唱左人生第1次k，我把聲都係唔好聽，

唱左一首歌之後就冇唱過，無幾耐d人黎齊曬，

我都認得幾個我家姐d fd，

跟住唱k時有個男唱到好似原唱咁，

如果我都有把咁既聲就好，d野食之後黎左，

我都食左d，食完之後都係唱k多，

我2家姐選d超舊既歌，但係有d男都識唱，

食完野過陣我就開始唔舒服，之後我都半坐半訓咁，

臨走之前頂唔順，去左廁所到嘔，嘔左3次，

之後我,我大家姐,佢個fd搭同一架巴士番home，

點知我家姐都有d舒服，我有個好淺既膠盒，

點知真係用得上，我家姐第1次嘔，爆得勁得濟，

搞到佢自己成身都有，之後晒左勁多張紙巾係到抹，

我地坐巴士4人位，隔黎有個3人家庭，

佢地比我地d嘔既味臭走左，

好彩果日成架車都唔係好多人，冇咩人見到我家姐嘔，

我大家姐個fd因為掛住睇我家姐嘔，

唔記得左"禁"鐘落車，所以同我地一齊搭到總站，

我一落車即刻去d草地到嘔，成程車真係坐得辛苦，

之後成晚都唔係點訓到，訓訓下又走去嘔，

飲水又嘔番d水出黎，第2日又肚瀉，

原本約左文果d打排球，點知又咁搞，

所以去唔到，第3-5日就胃酸倒流燒傷後遺証，

唔係點食得落野，成日係home到訓！

星期日colin黎左，跟住文同maybo到左，

佢地買左個蛋糕黎，之後比佢吹熄蠟蠋，

因為係天台到，所以比風吹熄左，

之後切同食，食完就打麻雀，

我出統好多次，唔知係咪因為maybo坐係我對面邪住我=.="，

打到5點到woody黎左，6點到maybo走左，

我地成班男就係到耍棍，玩劍道，玩詠春，

7點到woody走左，我,colin,文係我home食飯，

跟住我同佢地落街食糖水，

之後我同佢地上天台露營，

我地都唔係睇左好多套戲，今次好早就訓曬，

成晚都凍到死，文同colin都搶曬d被，

我淨番果d，遮到面就遮唔到腳，

所以成日凍醒，之後d風成日吹個帳幕，

搞到有d沙沙聲，幾驚係落雨，

所以成日醒左係到聽下係唔係落緊雨，

我6點到就起左身，colin同文訓到11點，

然後我同佢地食lunch，之後就散！

琴日約左文, colin, max黎我home打麻雀，

開頭黎到我到係睇相，一開局既時候我連食2鋪，

第1鋪既時候仲係清一色，之後我又食多2-3鋪，

其中有一鋪就咁睇我碰果d似係混一色索子+對對，

但係我係零零捨捨有一對7萬，

colin以為我淨要索子，所以諗住7萬安打，

點知比我食左做對對糊，真fick左佢，

之後我地有一個活動，就係邊個出統1番，

就要做我屋企新買既一部健身機1下，呢部野係訓練腰力，

max做21，我做26，文做29，colin做41，

colin做到狂叫，文仲錄低左，之後佢地走曬，

文同colin夜晚會再黎我到訓，文走左尖沙嘴倒數，

colin去同fd食飯，我初初諗住colin會食完就番黎，

點知佢倒數完都仲未走，我自己一個係到等，

等等下唔等，叫左佢兩個唔洗黎！

星期日我成家去左大陸，我係果到買左個棒球手套，

附送棒球一個，原價128，

但係因為個手套d皮有d點點污糟野，佢地又冇新既，

所以就8折103蚊，超平，早d比我搵到呢間野咪好lo！

星期一約左colin, 文, maybo 佢地3點打排球，

colin到左先，但係我冇排球，

所以我同佢玩住我新買棒球果d野，

colin都幾快上手，文因為要去拎排球，所以遲左黎，

maybo就例牌遲到，我好耐冇打過排球lu，

係nz都冇得咁玩，冇人識set ball，

想殺ball都唔得，而家咁就超正，

又有得跳殺，真係想打多幾次，

打完hea到6-7點，之後係天端撞到小學同學許寶林，

不過見佢同男朋友一齊，所以我冇同佢say hi....

琴日我要5點係YL西鐵站j出口等，我0435就到左，

我企左係個角落位等，之後見到有2-3個人分散企係到，

我認得佢地，但係我冇走埋去，

之後陳燕成同其他果d都到左，

d人都走曬過黎，我地先開始傾計，

大部份人都唔認得我，個個聽到我係geo既時候都o咀勁耐，

等左半個鐘之後就行去燒烤場，

80蚊任燒+1罐野飲+1樽水，初初d人都未齊，

所以我地燒住先，初初開2個爐，

跟住開多2個，mr 同mrs凌都有黎，仲帶埋佢個仔黎添，

我燒到咁上下，借左吳祺琛部相機影相，

佢果部相機多功能到唔識搞，

影完我同黎晉銘, 十蚊打, 王耀文,

鄭得成, 吳佩珊, gary, 蔡得志...玩牌，

玩左好耐，之後影左集体相，d人話去食B仔，

我同佢地一齊行，到左我就自己行去輕鐵站，其間都唔識路行！

前日我早左35分鐘到左天富輕鐵站等d小學同學，

等左一陣見到陳燕成，我就走埋去，

一路行一路望住佢，佢見到我望住就即刻望去第2到，

我行到埋去叫佢個名，佢就話唔認得我，

佢就係到估，估錯一次，之後就中左，

無幾耐一個abigail同曹操到左，

之後我同呢幾個人去頌富到，

夾錢買杯珍珠奶茶比呀王sir，

買完去番天富站到等其他人，

十蚊打, pinky, JJ, 鄭兆杰, janis，

等到差唔多我地就開始行去wf，

初初諗住要叫王sir黎校門口接我地，

點知陳燕成果d直沖入去，個管理員就咁問，

你地舊生呀，我答係，之後佢都冇理我地，

去到籃球場見到王sir係到，我地送左杯野飲比佢，

跟住同佢傾左陣，之後王sir望住我話唔認得我，

跟住我拎我果本交安手冊出黎比佢睇，

佢望到張相之後o左咀勁耐，

我由想當年既1cm長既頭髮，留到而家咁長，

係真係好大分別ge，之後呀sir叫我地周圍參觀下，

我地首先搭"車立" 上最頂，之後掃樓落去，

我地去左禮堂到，個禮堂有d樂器，玩左陣，

影左相，之後去左音樂室，d門冇鎖，

所以走左入去睇，跟住去左圖書館，

個圖書館理員仲係到做緊，

我地識既老師都走得7788，行到咁上下，

王sir搵左個IT老師幫我地影集体相，

第4-5界畢業既人番黎wf，

我初初仲以為佢地係wf讀緊，

我地離開左wf，有3個女仔走左，

之後我地淨番落黎果d人就去頌富食日本野，

傾下d而家係邊到讀果d野，

食完我同曹操番home，其他果d就走去銀座打機，

約番d小學同學真係正，夜晚去呀爺到做冬，塞曬車！

琴日呀jeff打黎話佢係早一日走，

所以本來約係今日打ball既，

就改左去琴晚，我即係約黃政文同woody，

我地去左jeff home，睇左套戲，

然後係jeff 到食飯，食完就走去打籃球，

見到d人好鬼勁，下下唔點板都入，

之後我地玩鎖匙圈，初初jeff 同woody，

點知jeff最後果球3分ball air左，

所以重新黎過，我本來都射3分ball，

點知又係air左，所以又重新黎過，

最後woody第1，我第2，

今日2點同我呀媽,堂大佬係美樂打bowling，

我堂大佬初初都唔係好得，點知打打下仲好過我，

所以我轉左個方法打，都叫做好番d，

但係唔知點解臨尾都係打得好差，

完左場既時候，d樽排好曬，所以我諗住打散佢，

點知打左成5-6球都只係中左一個樽，

我打到唔打，我堂大佬一打就全中=.="，

打完bowling我搭輕鐵去兆康轉西鐵，

搵埋我家姐，搭西鐵去尖東，轉地鐵去金鐘，

等埋我家姐d fd，再搭免費專車去海洋公園，

去到我,我家姐,佢個fd搭覽車，

去到搵埋其他fd一齊去玩新開既翻天覆地，

呢個真係正，fing左10幾下，

有3-4下仲頭頂對地定住係到2-3秒，

我幾驚我袋入邊d野跌出黎，之後又玩左越礦飛車，

第1次坐到車頭，果3次既離心力好正，

之後玩極速之旅跳樓機，升到頂既時候停左一陣，

但係真係突然之間跌落黎，超快，

不過都係得一下係正，之後又去過海洋劇場，

果到有飯派，2隻雞脾+栗米+熱狗+一包野飲，

今次其實係我家姐個fd，個呀爸間公司包左場，

有9張免費飛，超正，又有免費接駁巴士，

由金鐘去到海洋公園，估唔到仲有免費飯食，

我地一路睇海洋劇場，一路食飯，

食完就去玩過山車，呢個真係好唔點，

唔好玩，之後去左玩海盜船，坐最尾果排，

真係幾正，跟住我特登走去玩多次越礦飛車，

今次坐尾2果卡車，玩完又玩太空摩天輪，

轉到想嘔，玩完呢個搭番覽車走，

其實海洋列車開左，不過d人話冇咩特別，

所以冇坐，今日玩親機動遊戲都超快玩到，

唔洗排隊排咁耐！

今日見到jeff on左msn，原來佢琴晚番黎，

佢25號就要去非洲，所以得果一個星期可以搵佢，

我食完lunch去左搵佢，過左d戲比佢，

佢又過左d比我，又係到睇相，

傾下佢呢走左去英國之後點！