今日真係大滿足呀!!!
今朝5點半就起左身啦, 目的...當然係排AKB48公式寫真啦
去到西九龍中心都已經差唔多6點9個字, 一入到巴士站, "嘩咩料!", 見到條隊已經長到去到巴士站尾==
我幾驚我會買唔到呀
之後同排我前後既人吹水, 排我前面果個都係第一次排(仲要係俾人拉來幫手排的==), 後面果個第二次來, 咁我當然同佢吹下水啦, 話哂都要排4個鐘喎==
我問後面果個, "知唔知排咁後會唔會買到嫁?". 佢話"得既, 不過就只可以買到Team K"
原來TeamA係最多人揀既, 之後就到B, 最少人揀K...咁咪好囉!!! 我大推Team K的
開始由巴士站上6樓, 一路都係行扶手電梯(喂~), 上到6樓仲要坐地下(...)
不過個感覺都好新鮮
期間, 個保安嬸嬸話我地排大約180-190喎...好險呀~~~
好多人都話唔明點解今次會咁多人喎==(好彩我早左出門口者, 5點45分就出門口)
坐都差唔多8點半, 保安叔叔叫我地排去後樓梯喎
後樓梯真係超熱同超焗==
不過好彩隔左一陣保安叔叔開返幾個月, 等D冷氣走入後樓梯(無咩分別不過好過無啦)
我地去到後樓梯都要排到7樓半, 仲有人係9樓排唔到要由6樓排返落地下, 真係好多人買囉今次==
11點終於開始賣啦
我買到2包TeamK, 仲加左20蚊按金換同Amina握手既握手證...超開心
我急不及待打開睇下有咩...結果...都好灰下
10張得2張虎牙(仲要一樣pose), 同一張YUI...其他都係D唔係咁出名的成員
我即刻上7樓同8樓同人換啦
用100蚊放左張好靚既YUI同唔知邊張, 再用100蚊買左張指原返來...好抵!
到到最後, 換下換下換左2張才加, 2張梅田彩佳, 2張野中美鄉, 1張萌乃, 1張指原, 1張Na醬
諗住行多1圈就走, 點知聽到人講話, 換唔換才加?
吓~~~~~~~~~~~~~~~~
我無聽錯, 真係有才加!!!!!!!!!!!!!!!!!!!!!!!!!!!!!
我見佢有2張同我唔同pose既野中, 就用喱2張同佢換左張才加返來
我終於有3張才加啦...差一張就齊set
皇天不負有心人...終於有啦
最後就用左2張好靚的梅田大頭同佢換左最後一張才加返來
有點心痛, 但也很值得
走果陣我個fd話, 有3個人都差我果張虎牙就齊set, 佢話如果我依加換會換到個好好既價錢, 話唔定換到成set返來(sosad)
下次真係要做定功課, 咩人係咩價位...
費時唔知頭唔知路就平賣左D相==
不過真係好開心的呀!
AKB48最高!
|
