今日好潮濕,心情已經唔多好...搞到唔知點咁!

今朝搵到佢3張bank statment, total卡數有$24000!!之前幫佢交左$11000學費,咁我就叫佢自己o個萬幾蚊還左卡數先...點知今日睇張statment...佢只係還左$1000!!!咁仲有$9000去左邊呢??有問過佢,係咪已經還左$10000,佢話係架!佢又呃我喇!

ok...呢$24000我會問佢想唔想我還,如果想既,咁佢就total欠我$48000 (加埋兩年前借俾佢o個$13000)!我會要佢每個月俾返$5000!我未同佢講呢個plan,睇下佢點回應先決定!本來諗住如果佢唔肯...我真係心淡...因為完全冇安全感!如果第時佢欠埋欠埋d卡數係我都搞唔掂既...到時知就太遲喇!

========================================================================

問左佢喇...開頭都話還左$10000, 但話佢知我睇左statment後認只還左$4000,佢話手頭只有2萬cash...下個月又要交學費,聽日又要睇牙,未有多余$$。唉....點算??佢話問佢老豆借睇下有冇喎~問咩丫...都唔問架啦!最搞笑佢自己唔知原來有咁多卡數,又唔知自己一個月洗左幾多$$,好無稽!佢話我講到佢好似好唔掂咁...但...我覺得係佢唔接受現實,過份樂觀o者~