琴日11點幾去左觀塘Kapo到,見返好多舊同事,唯一變左既就係大家o個份熱情,總覺得冷冷清清。記得以前好好玩,好熱鬧架。d同事會o係公司門口一字排開等人派利是~仲有同幾個同事滿場飛...傾左一陣,一班人去飲茶,大家都係講工作上既野...我係最幸運o個個...多謝Kapo!!
3點鐘飲完茶就返左SSP,上網,同DD icq,話俾佢知原來佢有4張statment,total係around $40k!佢又係嫌我煩...本來話入元朗朋友度,佢話cancel左。但佢話去martin度,冇問我去唔去,亦冇話我知去佢度做咩。我都冇咩所謂,因為我冇諗住去。佢放工,話上martin度係幫佢整電腦,問我去唔去,我話唔去...
夜晚打返黎,原來係叫我幫佢搵boot機碟,大佬呀!!!你d野咁亂,自己都唔知自己擺o係邊,點搵??anyway...o係搵既途中我冇差語氣,亦冇發脾氣,但佢居然話..."可能我d字寫得衰...你睇清楚d...應該o係o個度,我返黎搵到你食左佢!" 好過份!!不過我個心已經對佢死死地,冇再同佢嘈!! 原來佢d野亂放,搵唔到係我既鍺!! 佢d字寫得衰,我睇唔到,都係我既錯!!!!!!! 天呀!!!
夜晚返到黎又係對電腦,已是黠幾兩點,冇理佢,繼續訓。到佢過黎訓,佢同我講...
DD: "eee..你都唔陪我既.."
HH: "喂...你之前冇話我知去MARTIN度做咩,係話煩丫嘛,咪等你同朋友傾下偈,我冇打過俾你問你幾時返,又冇詰要跟你去!同埋...我去冇野做架,你埋下我感受啦...!!"
DD: "又好似係喎...咁星期五呢??你有時間又唔陪我,我整完牙好痛呀!"
HH: "你整完牙我有打俾你,你話你返學,後來你返左SSP食粥,你再打俾我詰唔返學我o個陣已經o係石x尾,我有話去搵你陪你食粥,係你話唔洗,又話天氣凍,叫我快d返屋企!之後你都上左朋友屋企整野啦..我黎到又係悶!"
DD: "係喎...係我叫你返屋企架喎...唔記得左!上鵬仔度係撞到佢o者,佢話有野壞左咪幫佢睇下lor!"
夜d佢哥哥打俾佢,話架車泊左o係邊...跟住我話佢...又揸車...即又洗$$啦!我同佢講...我一直諗辦法同佢慳$$,佢就不停洗$$!!佢話冇幾可...方便自己一日o者...仲叫我唔好理...佢會諗辦法! ok!!我同佢講...因為佢話要有將來丫嘛..我梗係睇緊d啦...依家宣佈...結婚一事無限期押後!!咁我就做返一個咩都唔理既女朋友!!嘈多兩嘈,佢話唔揸喎!
到左今朝...佢話返教會,我死都話唔去,下晝佢去將軍奧3-7打波,我都話唔去!真係好悶架...o係屋企訓下,上網傾電話仲好!夜晚又約左bobo & carrie食飯... 12點幾佢返黎執打波衫...話去mr ma度問我去唔去..我都堅持..."唔去!", 因為好悶!! (p.s.佢真係揸左車...)佢居然話我唔陪佢!!!!!我咪用返佢同我講既說話同佢講..."我同bobo & carrie好難約,食飯o者,冇幾可,你自己又有節目,你咪去玩lor,我冇話你喎~你上個星期都係同朋友食飯丟底我一個啦!"
好失望...佢既觀念就係因為我多時間過佢,佢available時我一定要available陪佢,佢唔得閒時我唔去搵節目而話佢唔陪我係我唔o岩!哈哈...我已經自*架啦,佢仲自私過我!講真..我冇試過因為約左人而唔陪佢,我星期六日一定唔會約人,今次都係第一次唔陪佢去打波o者...就咁話我!!
佢話晏d打俾我...其實打唔打都冇所謂。我去荃灣食飯..佢話黎接我喎...我都話唔洗...有巴士,洗咩佢車返屋企??佢打完波同人地食埋飯,我可能已經返左屋企!!
我知我太依賴佢...現在就嘗試將佢o係我心中既地位降低...咁我唔洗咁緊佢,佢又冇壓力...我做到既...係習慣左o者...現在我亦知道...其實不是太愛這個人!
=================================================
放晚同bobo & carrie去左荃灣沙嗲王,食完都係7點半,返到屋企8點多d。搭車途中D打俾我問我o係邊,我話返緊屋企,佢問我點解唔打俾佢。咁我咪話:"你會打俾我架嘛!"就咁講多幾句就收左線喇!
頭先拆左o係屋企d利是,total $1880,wowowooo....好意頭...不過好少呀!公司收o個d未計...target係所有利是夾埋$3000!!!最失望係公司開工利是...only$20,仲要係開工第二日先俾!
=================================================
三小姐...雖則係粉身碎骨...都唔洗整到黑嘛嘛架~d字好難睇...要highlight左先睇到~
=================================================
4哥...我相信你,亦相信你會為我準備救生墊...你說過...唔理邊個激我都好,你一定會tum返我...照顧我!!冇得反口架!! |
