頭先本來打左好大段野..
不過hang機...oh....冇晒~

嬲呀!!唔打喇...聽日先~

呢件事又證明左我o既EQ值又再進一步提升~
講真,我係唔信...你叫我點信?
你話冇去過,唯一證明就係搵真相,問smartone點解搞錯,
你話可能錯手accept左collect call...hahah...好笑,
晨早6點幾你會拎起個電話?平時未訓你都懶得出廳聽電話,咪玩啦~

DD: "你即係唔信我啦,依家講到我真係有去咁!"
HH: "咁有事實證明,我點信?"
DD: "o個小小$$,唔想同smartone計,如果你要我打去smartone問o既原因係想證明既,我唔會打!仲有,如果我真係接左一個COLLECT CALL,咁我咪好瘀?"
HH: "........(冇出聲...跟本唔想講野!)"

嬲係有原因架!我可以唔嬲...當冇事,但到左呢個時候,我諗我唔會再需要你!

三小姐....你講o個d我一早就知,但...你都知我架啦~
唔係一個咁易改變既人...
係...係好辛苦...琴晚知道後即刻好嬲,嬲到d血谷晒上個腦度...
但...都可以好平靜咁同bobo講返成件事~
會唔會真係有一日我對佢做既任何事都冇感覺呢?

琴晚o係戴生度訓~
頂...深水埗勁多蚊,佢又住得矮,仲多蚊~

昨晚差唔多12點訓...一點半俾隻蚊針醒,
一如以住,戴生係用定型水噴蚊架~
捉到第一隻...咬左我兩粒蚊蚊!
3點半...第二隻又黎搞我...又係戴生捉蚊!
燈都未熄又見到第3隻...低能架....有冇咁Q多呀!!!!!
好訓覺~~
到左4點幾5點....又係我呀!!!D蚊又"o累"住我!
今次仲拮我隻眼!!!!離譜!!!!
又到定型水出場喇!唔洗幾分鐘,戴生又將隻蚊搞掂~
總結...我右手咬左5粒,左手咬左3粒,右眼皮一粒...
戴生一粒都冇 -_-"

明天去飲呀~
1/11 & 1/13都有...好忙~

今晚同三小姐,媽媽生去小肥羊....
嘩....好飽,仲諗住買糖水去戴生度食tim,最後冇買到。
好開心喎~
我諗我淨係對住你兩個先可以豪無顧忌咁傾偈...
講咩都得~

上到黎...heheheee...有玩具...
戴生今晚食左個開心樂園餐換左個車車俾我。
hohohohooo...想要好耐喇~
咁我個kitty就有架車車陪佢lu ^_^

今晚o係ssp!

總括o黎講,呢幾日係唔開心o既~

Friday Dec 31,2004
2004年o既最後一日,5點幾離開公司去深水埗,
上到去我坐o係度,DD執野,佢朋友揸車o係樓下等我地。
之後去tuen mum朋友屋企接埋女友一齊入元朗另一個朋友屋企。
入到元朗都成9點,叫pizza食。
唉...個主人家,咩都唔預備,連食既都冇,
個個都食唔飽~
之後飲左半杯red wine暖身,咁我就訓著左喇~
我o個晚好唔enjoy...因為實在太凍,心情唔好,又唔想郁...
佢地打機,3點幾走,朋友車我地去佢自己屋企樓下就咁就算...
呢個朋友幾唔話得喇~~~
之後就食風等車...返到佢訓落床已經5點~

Saturday Jan 01,2005
2005年第一日~
本來話去DD o係粉嶺舊同事屋企...
嘩...咁鬼凍,又遠,我冇跟去,留左o係屋企。
夜晚7點半出門口,約左DD o係青衣,一齊入東涌食飯...
一到青衣...佢居然叫埋佢個朋友...
就係因為呢個朋友我地鬧過大交!!
我不嬲有咩都擺晒o係塊面度...呃唔到人~
o係MTR度我全程另開塊面,冇出過聲...
去到東涌我自己行...佢個朋友就走左,話見到我咁樣喎~
之後同DD嘈左幾句,我調頭走,佢好大聲喝住我停低!
佢問我係咪想走好耐,點解近排對佢o既態度咁差,發生咩事,
趕住食飯,OK,食完飯先再講過~
但食完飯又好似冇事咁,我知呢D都只不過係表面...

Sunday Jan 02,2005
12點幾先起身,3pmDD要去旺角送相俾客之後去左圖書館~
o係搭車途中講返琴日件事~
講真...我唔知點解佢叫個朋友一齊食飯都唔通知聲,
佢話佢搭車出黎青衣先知佢都一齊,冇時間通知~
嘩...大佬呀~打一個電話通知o者~有幾難??
同埋我不嬲都唔想見到佢呢個朋友!!
講返對佢態度差...我認...係由佢冇野做開始...都3個月喇!
我不嬲都唔鐘意男仔唔上進,一定唔會choose呢d做老公!
呢3個月佢俾我既感覺係懶散...
好唔鐘意...會諗到如果...如果佢做我老公,成日冇野做...
頭家點算?我都只不過係一個小女人,
我唔希望第時頭家係我養,養埋老公!!
養家既責任o係男仔度...做唔到呢樣野唔該就唔好學人娶老婆生仔!
如果已經盡左力而都係搵唔到野做...ok...我會接受..因已盡力~
但...我睇唔到有盡力~
你話仲諗緊自己應該做咩,so...唔洗食飯?靠向bank借$$??唔係嘛~
是旦搵份工都做住先啦...依家自己養自己就話得o者~
第時唔止養自己一個架!!!
o係你冇野做時我跟本做唔到野,係靠你自己...
唔通同你講"慢慢搵啦,一定搵到..."??
如果你有盡力搵我會講,但唔係丫嘛~
你會話我諗野極端...但...我都係為自己打算...

============================================

三小姐...只要你開心,我絕對會支持你~
唔需要問點解啦,見到你開心已經係最好o既答案 ^_^

媽媽生...見到你同亞蛇都好開心...
點呀...係咪今年結婚生仔o者~

個FAQ...好得意呀~
好似思覺失調咁自己同自己講野...
不過...都好有心機,睇先好開心喎~^_^~
ummm... again... a bucket of cold water...
think u should know what i mean...