9:30AM - 起身上網

11:00AM - 出發去婆婆度

11:15AM - 去餐廳食野,匯合埋亞姨就上到婆婆屋企。

12:00NN - 老豆車我去DD亞爺屋企

1:15PM - 同DD去我婆婆度

4:00PM - 落荃灣行

4:45PM - 去DD屋企灘抖

7:15PM - 去婆婆度食飯

9:15PM - 去東涌拜年

12:00PM - 走人

12:45PM - 返到屋企

前幾年成日聽D人同D大姐姐哥哥講: "利是[手豆]埋今年好喇,出年要派架!"

唉...今年開始有人同我講呢句說話。連三小姐都問我出年係咪派!!  突然覺得自己好老呀!!!

今日放12:45pm,1點就走左lu~美國d buyer都唔係路架!!cfm左單都仲要改色,唔係一早知道要咩色咩style架咩??cfm左單個幾兩個禮拜先話改...個個都放晒假,check Q咩!!!

2點返入沙田飲茶之後出左市中心,行到5點幾搭車返屋企!

6點幾打俾你,居然已經返左屋企...明知今晚有飯食...係咪應該一放工就打俾我呢??你居然話返我唔o岩,係我唔打俾你,係我唔提你!!搞錯呀....病大晒呀??依家係你居企食飯喎,都要我提??冇野呀??講到我咁唔體諒你,咁唔識做你女朋友,咪搵過個lor...講聲咪得lor...咁難為做咩呢??

真係覺得好委屈...你可以咁樣同我講野!!

分開　假如難為誰　一起一樣是負累
相戀仿如懸崖懸著　離合都太累
要行刑時你若畏罪　必須解脫的　當我要爭取

DD今日病左冇返工,放工去百佳買完野上佢度煲粥佢食。

一上到去佢對住部PC,我就累到死訓左o係床度,佢有電話,我知係佢舊同事,傾得好開心丫,唔似病喎,咁即係唔洗煲粥俾佢啦,so...我出左廳睇電視。

DD: "唔係煲粥咩?未煲既?"

HH: "唔煲喇,你唔係好病o者,要煲自己煲!"

之後佢就返入房又對住部電腦。我拎部pocket pc玩,佢hang機喎,shut down唔到,咁我拎俾佢話hang機,佢居然話: "整唔到唔好玩..." 跟手fing左部機落床。ok...咁我就著鞋"咩"袋走人! 落到樓下佢打電話俾我,冇聽,第二次先聽。佢話我唔理佢,又話我小氣。問題係...我上到去唔覺得佢好病lor... 傾電話傾得咁開心,有講有笑...之後又淨係對住電腦,大佬...當我透明!! 我自己發脾氣咪走落街lor,廢鬼事鬧交,係佢打電話黎鬧交,又好大聲同我講野!!好討厭...之前講過唔可以咁大聲同我講野!!

返左上樓煲粥,佢都係一直o係房對住電腦!到10點半我話走,佢仲話我冇話佢知要走,以為我今晚唔走!其實係我唔想對住佢lor!

今日亞姐請我同may食lunch... wowowowwooo...佢對我都算係咁喇...聽jenny講以前唔會講亞b架!

唔想去數你send左幾多封email俾我,我諗你會清楚過我! 亦唔好問我睇完你d email有咩感想,因為之前已經叫你唔好再send。你今日咁問,我會覺得你做咁多野想要有回報...

11點幾俾人拉去食早餐,食完...梗係再訓啦~

訓到3點幾4點,本來同DD去尖沙咀交學費,點知上網CHECK佢唔開,所以都係執屋!

HH: "你好似亞婆咁咩都唔丟鍾意儲垃圾,我唔同你住呀!!"

DD: "(好細聲....)你夠好似D婆仔咁[UM尋]啦,我都唔同你住呀!!"

**當然係講完既後果係....俾我鬧啦!!!

三小姐,我出BOUNS都俾左成皮野屋企。當CHECK BANK煩惱緊俾幾多既時候BOBO打黎喎,所以都有同佢討論呢個問題~

今日返沙田...嘩....勁潮濕!!出面lift口地下濕晒,仲要個道lift門一點點水珠...好恐怖!!都係走喇~返出黎kln好d,冇咁濕~

今朝好似做左好多野咁..

11點半去BANK幫DD開bank draft...好貴呀!!澳元1對6,要開aud 1,800, 成皮野呀!!之後返左上樓等佢個friend電話。1點去旺角俾野佢個friend之後返左沙田。3點幾搭返車出長沙灣食米線。買外賣...返到去食完都5點幾...好眼訓,訓覺。DD話去KT打波,叫我拎件衫俾佢換。不過後尾佢知我訓左就叫我唔洗出,佢返黎同我食野~ heheheee~ 訓到8點半起左身lu~

Feb 03,05

呢日係我地三週年,o個晚要同佢屋企團年。o係新世紀美心, 兩圍! 嘩...佢有個堂細佬攜眷出席。小朋友真係小朋友,帶個小妹妹黎~個堂細佬仲著校服,咪玩啦~ 兩條友勁冇禮貌, 淨係o係度玩電話。個o靚仔就同個老豆互講粗口小黎小去~大佬呀~亞爺姑姐一年先見一次,俾下面啦~ 相比起姑姐d小朋友(小學生),係嘈左d,但明顯有家教~ DD同姑姐們傾偈...俾人問幾時結婚...佢答..."快喇快喇~" 笑鬼死~

Feb 04,05

琴晚DD媽咪生日, 一行11個去食飯