哈哈...係咪好靚呢~俾d掌聲都得o瓜~~

******************************************************

呢幾日好早走呀~6點鬆d就閃....hehehee.....

今日打去poly問收生啦...嘩~

o個個曹生...好鬼串呀~話冇我textile cert,就算係mature student都唔收喎~

今日凍左,但冇之前咁凍~聽講過年唔凍喎~

hohoooo....初二媽咪同老豆去上海5日,
咁...我就可以...heheeee...

媽咪今日收到HSBC寄俾佢既sogo$600,
佢睇到個日期01 JAN,2005,佢以為呢個係到期日,
俾左我...睇清楚,01 JAN,2005係發出日期,有效期係3年呀!
好野...又去買野...今次不如TIFFANY丫...

頭先o係樓下餐廳食飯,兩個人食一個餐,
食完之後個男侍應問我要唔要o者o厘,咁我話好啦...
跟手睇下個餐牌,都冇話有既,個男仔勁好...
拎左兩個黎,媽咪話佢食過幾次都冇o者o厘送~
冇計啦...有靚女o係度係唔同d既~

==================================

三小姐,你點呀?
我唔打俾你煩住你喇~
你想打俾我既,唔理幾點,隨時都可以打俾我,
我唔熄電話架!!

唉...又一個姐妹喊住打黎...
bobo講得o岩...原來我地既同學...衰起上黎可以咁衰架!!
佢...真係好衰呀...神又係佢鬼又係佢!!
正一自私精,完全唔理人感受!!
分明係玩啦~
唔好俾我見到佢...我唔會再叫佢做"大佬"!!

同三小姐講電話...唔知...聽到佢喊我又好鬼心痛...又喊埋一份喎~
下晝打俾你,知你同6寶講電話,即刻放心好多...
都係o個句啦...俾個機會佢了解你...俾自己感受一下被關心,被重視既感覺啦...

回頭發覺...原來我個戴生都唔係好衰咋喎~
起碼o個陣佢以為我同亞4有野,我不甘被屈嗌分手,
之後佢話一齊返, 跟住到依家大家都冇再嗌分手...
就算我激到佢扎扎跳都冇諗過同我分手喎~
只係我話"想"同佢分手咋~

琴晚臨訓同戴生傾偈...
HH: "你佢唔鍾意我d咩??"
DD: "唔鍾意你(鵰)蠻, 唔鍾意你發脾氣, 唔鍾意你唔聽我話..."
HH: "咁你近排唔鍾意我d咩丫??"
DD: "冇呀...你近排好乖呀~"

嘩.....終於等到出糧...好窮呀!!

諗住報poly HD,要5萬幾...要儲$$喇!!
公司有人問我俾屋企要唔要$5000...
唉....邊止呢個數丫~

===========================

琴晚你個傻婆喊住打黎~
兩個人一齊要有溝通架嘛~
你覺得你已經對佢好好,但佢都仲話你對佢唔好...
相反,你覺得佢對你唔好,但可能佢覺得已經對你好好呢...
大家唔傾就唔知對方需要D咩!
佢覺得蘋果係好好食既,咁佢俾左個蘋果你,佢覺得佢對你好好,因為佢將好既野俾你~
點知原來你唔鍾意蘋果,係鍾意橙既,但你唔同佢講,一邊食一邊o係心入面鬧佢!
事情一直都冇解決,你一直都繼續食呢個你覺得好難食既蘋果...

跟埋early fall就唔洗跟,
之後就要跟outlet,可能要跟埋woven...
好野~可以跟埋woven,因為唔識丫嘛~

=============================

睇到poly,要報喇,deadline係3月5號~

=============================

好....又鼠出去SSP先...