收到Emily電話...嘩...好耐冇contact喇!!
佢係我小學同學,識左...14年!
中小學時都成日聯絡,我出黎做野早過佢,佢有讀poly high dip,
佢讀書,我做野,發覺同佢思想上有距離...所以都冇點搵佢~
佢今日打黎,但miss左call,之後佢send個msg黎話食飯...
第一個感覺:"唔通轉左工做保險??"
第二個感覺:"唔通結婚??"

======================================

星期五同bobo & 三小姐去玉器市場買玉.
bobo o個個紫龍真仔係幾靚o架喎,不過好貴哦...
我冇諗住買貴玉,有隻小青龍就ok架喇~
一隻我既...一隻小狗亞4既...佢沖太歲,俾佢放o係車車度。

======================================

今朝去左牛頭角之後出左旺角諗住行街,
不過諗諗下都係唔行,返左SSP訓覺...
訓醒DD去剪頭髮,我返tuen wan食飯。

DD叫人買左一set kitty兩用筆俾我...
好靚架,筆頭有個透明kitty,之前肥仔calvin送左支白色俾我,
今次有齊白,粉紅,粉藍,粉紫...yeah~~

食完飯坐老豆車返沙田o個時媽咪話今朝11點幾o係路德圍見到亞4,
點知radio即刻播亞4鍾意o個首"後來"既日文版,
so...打左俾亞4。佢把聲好累,佢話要訓一陣(當時8點半多d),
叫我10點打俾佢叫佢起身,要埋數。
10:15pm打俾佢,同佢傾左一陣,不過都成11:10pm先收線。

======================================

算啦...你stop啦!
我去邊你阻止唔到,你亦冇可能要求我做d咩,唔做d咩~
o個個係我男朋友,依家我話你知我好愛佢...
我亦唔會因為你唔想我去佢度而唔去!
你之前同我講話唔想我陪咁多男朋友,唔想我去咁多SSP...
呢D已經令我十分反感!!
你唔需要再為我做D咩野...唔需要再浪費時間寫信俾我。
問我同你有冇future...你要我點答??
如果真係要我答....我會話"冇"sorry~

嘩...今晚好早返到屋企...未夠7點就返到喇,勁~

琴晚訓覺發開口夢呀!!
我發夢亞哥打我個頭,之後就大叫"媽咪!!"
點知我真係嗌出聲,同一時間訓隔離o個個本能反應鬆左我一野~
噢...醒左~

================================================

喜歡一個人時，你會想跟他見面。然而，深愛一個人時，他跟其他異性約會，你會很不安和介意。
** 當我唔再介意你同其他女仔去街時,我已經唔再愛你

喜歡一個人時，你會對他有難以解釋的好感。然而，深愛一個人時,你會在心深處有一點點恨他。你會隱隱地恨他不夠投入，對你不夠好。
**所以對你會有要求

喜歡一個人時，你會很享受他無微不至的照料。然而，深愛一個人時，你會千方百計設法為他多做一點事，不計代價多幫他一點忙。
**包括煮飯俾你食
 
喜歡一個人時，你會有一點興趣知道他的過去，好使你更了解他。然而，深愛一個人時，你會害怕真相；聯想他和他之前的情人發生過的事時，你會戰慄。
**因為知得太多,經歷太多,亦一直困擾住我

你喜歡一個人時，是因為他待你好。然而，你深愛一個人之後，即使他待你不好，你仍不會捨得放手。
**就係因為咁所以我唔走??

你喜歡一個人時，你是被緣份牽引著。然而，你深愛一個人時，你卻是完全被他牽著鼻子走，你的情緒起伏已經任由他去支配了。
**你做既每一樣野都好影響我既情緒

你喜歡一個人時，你對他的demand是inelastic。然而，你深愛一個人之後，你對他的demand已經是perfectly inelastic了。
**AGREE!!!

==================================================

小狗亞4...係咪呢句??

"今晚我愛的人 在散心 可惜我太不幸 沒有份 而他此際可能和情人擁吻"

好煩呀~
有間garment廠跟布既亞姐,日日打黎煩我!!
講d野次次一樣,又鬼死咁長氣,超煩!!
仲係叫亞"ling"!!更加討厭!!!

哈哈....今日睇到亞女駁亞媽咀,
俾亞媽鬧...嘩哈哈....好睇!!

bobo~轉工啦,我同tim tim既睇法一樣,
唔可以成世做bank架!要出去見下世面,對多d人,識多d野先得架,
始終銀行好悶,硬係覺得唔o岩你lor~

話時話,你d早餐對我黎講簡直誇張!!
我最多都係食個麵包架咋!

今日返屋企o係鑽石山撞到以前"希樹"個reception亞姐,
本來見唔到佢,係佢無啦啦對住我笑先見到佢~

星期日買左個麥旋風擺o係冰格唔記得食tim...
今晚食完唔知會唔會肚痛呢??

=======================================

有d野係成世都忘記唔到,
依家見到某個英文字母,都會有厭惡感...

呢排成日諗自己o既將來...
究竟將來我會係點既呢??
好擔心哦 >.<

星期日又討論大家既將來...
冇諗過你會就我,冇諗過你會話唔會因為要同朋友出去丟底我~
講真...唔信...呢一刻你話可以...到時你都係會同以前一樣!就由時間去證明罷~

今日send左幾個msg過黎,雖然冇聊,但總好過冇~
係...係因為我話你好耐冇send過msg俾我!

打完波上車打俾我...講左幾句話返到屋企打俾我~
幾個字後,真係打黎話返左屋企!
係...係因為我話你點解我返屋企要打俾你,你返屋企唔打俾我!

唔知呢次又可以keep幾耐呢?

呢幾個月大家都好唔開心,大家影響緊大家,
有時一個人,會諗起以前初初一齊o個陣...好開心...
唔會好似依家咁...
你話我有野就收埋o係心唔講~
唔講係因為我知講左出黎你都一定有自己觀點,
一定話我唔o岩,你更加唔會改...講黎做咩?
咪唔講囉...唔講唔係因為我接受,而係唔想嘈!
我講過唔鍾意你夜麻麻同張文出街...講過好多次,你都出...
可以有咩辦法?冇架喎...咪唔出聲...吞左去囉...你就以為我接受...唉~

k小姐單野...以前同返我一齊時講過你話呢個人已經o係你心目中消失,
咁點解人地生日你又要記得?仲send msg俾佢!
居然同我講呢d唔叫keep contact!
但x'mas send msg就話靠呢d msg同人keep contact even唔會講電話!!
呢d咩理論?一時一樣,對唔同人既情況會唔一樣架??
你知我好介意呢個人,我唔係第一次講架啦,你都仲要send,仲話你唔覺得有咩野~
又係唔覺得自己唔o岩,話我過份敏感!!咁點解你又唔鍾意我提起大佬賢呢?
我同佢冇野發生過你都介意,更何況你同佢係有好多野發生過tim啦....你想我唔介意??

你話同我有將來,有自己屋企...咁我對你有更高要求唔過份o者~
一世架...我唔想日日嘈交! even....

"簡"老公唔同"簡"男朋友...
我寧願"簡"一個佢好鍾意我多過我好鍾意佢既做老公!

==============================================

係咩...點解好似傳染病咁...bobo冇理由唔病發架喎~
三小姐你句"凡事包容,凡事忍耐"...我知呢個係美德,
但有冇諗過時間耐左會迷失左自己??冇左自己觀點&立場呢??
到時o個個又仲係唔係真正既自己呢??

bobo...都好佩服你可以粒聲唔出好型咁話走就走........出門口,
當然你係過一陣就冇事啦...
但...呢個話走就走既動作...我仲未做到哦~

今朝起身,個天陰陰咁,個地仲濕濕地...
oh....落過雨喎,不過出去時冇人"擔"雨傘,所以冇拎喎~

你今日冇返工,諗住過黎同我食lunch,我真係唔記得fullcharm請食飯。
當我仲諗緊去邊到食既時候,聽到亞姐講電話...

V: "喂...係呀...XX廳呀~得啦...準時到!"

oh.....係喎...fullcharm請食lunch!!
咁我即刻打俾你話你知...哎呀...好對唔住...
原來你o個陣已經o係lai chi kok MTR...咁鬼早就到!!!
sorry~

===============================================

唉....我地d細單...咩廠都唔願做!
F.E. Candy講到明下季台灣布唔做...
台灣布佬又唔生性,又遲貨期。
遲完貨期,做錯color之後講到明唔會食飛機cost,
唔會做replenishment,唔會有discount!!
唉.....我地呢d真係...好...難...做....
日日就同佢& garment廠o係email打乒乓波,
呢個又叫我追布佬d咩...o個邊o個個又唔覆,
一係覆d唔覆d...想點呀!!

講開公司...有個color room出cmmts既同事~
請留意..係齋出cmmts & filing,唔洗對客&唔洗睇色!

頂...我搵左個FALL'05 color master file搵左成個星期,
仲叫晒幾個color room既人幫我搵,
以為邊條粉友拎鬼左,咁等啦...等條友拎返出黎~
(其實除左我同color room用個file,機本上係冇人用既...)

如是者我今日又搵file喇喎~
又係冇...我仲叫color room Doris (佢有份幫我搵!)出email to全公司出尋啦~
點知到6點幾,亞color room Doris打黎問我有關FALL'05第一個color cmmts,
講講下...原來佢仲未開file, d rejected & approved既lab dip全部o係佢度!!!!
頂.....大姐呀!!呢d係你負責架,開左未開唔知架咩?
之前仲同我講你都搵緊個file!!嘩...你都得架喇!!
第一個color cmmts係12/31號出,到依家個file都未開!!!!!
平時已經火滾唔出聲仲笑笑口對你,成鬼日唔file野,
d lab dip呀, dyelot呀,成4-5日都唔file!好多野做咩?
又唔覺喎,一夠鐘就走...一係過去就見到佢o係度傾偈,
一係o係度偷睇報紙雜誌!!過份~~
唔file野好影響我做野架嘛!!
我唔係第一個話佢架喇,ruby都話搵親野都o係佢度未入file!

===========================================

SORRY呀bobo...
我知你今日打俾我時唔開心,但o個陣我搞緊d野,又對緊野,
所以冇咩出聲...
其實你呢個情況我都試過,亦都鬧過交...
不過又冇你咁岩重,聽你講佢係完全冇時間俾你喎~
不如平心靜氣同佢傾下啦。
佢可能會再安排時間呢。or唔好去佢度咁多,唔理佢一排,
睇下佢會唔會話你唔陪佢,到時佢嘈既就大聲d話鬼佢~
ummmmm...好似carrie咁講...由你一開始同佢一齊,
佢已經唔陪你唔tum你,到依家耐左...要佢改都難lu~